လံာ်ယဃ့းစက့လး 32:27 - Sgaw Karen Common Bible

²⁷ အဝဲသ့ၣ်တဖၣ်တဘၣ်တၢ်ဟ့ၣ်အီၤလၢတၢ်မၤလၤကပီၤအတၢ်ခူၣ်လီၤ ဘျၢလီၤဒ်ပှၤဒူပှၤဃိၤလၢပျၢၤတဖၣ်အသိးလၢအလဲၤထီၣ်ဆူ တၢ်သံအကီၢ်ပူၤန့ၣ်ဘၣ်. ပှၤဒူပှၤဃိၤတဖၣ်န့ၣ်ကံာ်တူာ်အသး လၢလၢပှဲၤပှဲၤ, အဝဲသ့ၣ်အနးတဖၣ်ဘၣ်တၢ်ပာ်လီၤအီၤလၢအခိၣ် တဖၣ်အဖီလာ်ဒီးအကတီၤတဖၣ်လၢအမိၢ်ပှၢ်တဖၣ်အလိၤန့ၣ်လီၤ. ပှၤဒူပှၤဃိၤတဖၣ်အံၤတဘျီန့ၣ်အိၣ်ဒီးအစိကမီၤလၢလၢပှဲၤပှဲၤ လၢကမၤပျံၤပှၤမူတဖၣ်န့ၣ်လီၤ.

လံာ်ယဃ့းစက့လး 32:27 Iomraidhean Croise

လံာ်စီၤယိၤဘး 20:11

အနီၢ်ခိဖျါစၢ်ဒီးပှဲၤဂံၢ်ပှဲၤဘါသနာ်က့, တယံာ်ဘၣ်န့ၣ်ကကဲထီၣ်ဟီၣ်ခိၣ်ကမူၣ်လီၤ.

စံးထီၣ်ပတြၢၤ 109:18

အဝဲဆိၣ်အၢတၢ်ဒ်သိးဒၣ်ညီနုၢ် သိးထီၣ်ဆ့ကၤန့ၣ်လီၤ. မ်အတၢ်ဆိၣ်အၢဒၣ်ဝဲတဖၣ် နုာ်ဆူအနီၢ်ခိအပူၤဒ်ထံအသိး ဒီးဆူအဃံအကွဲတဖၣ်အပူၤဒ်သိအသိးန့ၣ်တက့ၢ်.

စံးထီၣ်ပတြၢၤ 49:14

အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

စံးထီၣ်ပတြၢၤ 92:7

ပှၤတတီတလိၤမဲထီၣ်ဒ်နီၣ်ဧိၤမံၤဧိၤအသိး, ပှၤမၤတၢ်အၢဖိတဖၣ်ဘီၣ်ထီၣ်ညီထီၣ်, ဘၣ်ဆၣ်အဝဲသ့ၣ်ကတုၤလၢတၢ်ဟးဂီၤ လီၤစိၤလီၤထီလီၤ.

စံးထီၣ်ပတြၢၤ 92:9

ယွၤဧၢ, အဂ့ၢ်ဒ်အံၤ ကွၢ်ကွၢ်နဒုၣ်နဒါတဖၣ်, ကဟးဂီၤကွံာ်ဝဲ ဒီးကယဲၢ်ပှၤမၤတၢ်အၢခဲလၢာ် ကလီၤပြံလီၤပြါဝဲဒၣ်န့ၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

လံာ်ယၡါယၤ 14:16

ပှၤသံတဖၣ်ကကွၢ်စူၣ်ကွၢ်ထံနၤဒီးအဝဲသ့ၣ်ကသံကွၢ်ဝဲ, ‘ပှၤအဝဲအံၤမ့ၢ်ပှၤလၢအမၤဟူးဝးဟီၣ်ခိၣ်ဒီးမၤကနိးကစုာ် ဘီမုၢ်တဖၣ်န့ၣ်ဧါ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 26:17

အဝဲသ့ၣ် ကသးဝံၣ်တၢ်သံအတၢ်သးဝံၣ်လၢနဂီၢ်န့ၣ်လီၤ. ဝ့ၢ်လၢအမံၤဟူသၣ်ဖျါန့ၣ်ဘၣ်တၢ်မၤဟးဂီၤကွံာ်အီၤလံ. ထံစိာ်ကွံာ် အဝဲအကဘီတဖၣ်လၢပီၣ်လဲၣ်တဖၣ်အပူၤလံ. ဝ့ၢ်အံၤအပှၤဂီၢ်မုၢ်, ပၢတ့ၢ်ပီၣ်လဲၣ်တဖၣ်ဒီး မၤပျံၤမၤဖုး ကယဲၢ်ပှၤတဖၣ်လၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယဃ့းစက့လး 32:21

ပှၤဒူပှၤဃိၤအဒိၣ်ကတၢၢ်တဖၣ်ဒီးပှၤတဖၣ်လၢအဒုးတၢ်လၢ ပှၤအဲၤကူပတူးဖိအအိၣ်တကပၤန့ၣ်တူၢ်လိာ်မုာ်ပှၤအဲၤကူပတူးဖိ တဖၣ်ဆူတၢ်သံအကီၢ်ပူၤန့ၣ်လီၤ. အဝဲသ့ၣ်ကိးထီၣ်ဝဲ, ပှၤတဖၣ် လၢအယွၤတအိၣ်လၢအဘၣ်တၢ်မၤသံအီၤလၢတၢ်ဒုးအပူၤန့ၣ် ဟဲလီၤဝဲဖဲအံၤ, ဒီးမံလီၤဝဲဖဲအံၤန့ၣ်လီၤ.

လံာ်ယဃ့းစက့လး 32:28

တၢ်န့ၣ်မ့ၢ်တၢ်လၢပှၤအဲၤကူပတူးဖိတဖၣ်ကဘၣ်တၢ်မၤလီၤသဘှံး အီၤဒီးမံလီၤလၢပှၤတဖၣ်လၢအတဒိးဘၣ်တၢ်ကူးတရံး, လၢ အဘၣ်တၢ်မၤသံအီၤလၢတၢ်ဒုးအပူၤအကျါဒ်လဲၣ်န့ၣ်လီၤ.

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

၂ ကရံၣ်သူး 10:4

တၢ်စုကဝဲၤလၢပသူအီၤလၢပတၢ်ဒုးအပူၤတဖၣ်န့ၣ်, တမ့ၢ်ဟီၣ်ခိၣ်အတၢ်စုကဝဲၤတဖၣ်ဘၣ်. မ့မ့ၢ်, မ့ၢ်ဝဲကစၢ်ယွၤအတၢ်စုကဝဲၤအသဟီၣ်ဆူၣ်တဖၣ်, လၢပသူအီၤဒ်သိးပကမၤလီၤပှီၢ်ကွံာ်တိာ်ဧိၤတာ်ဧိၤအဒိၣ် အသွါတဖၣ်အဂီၢ်န့ၣ်လီၤ. ပမၤဟးဂီၤကွံာ်တၢ်ဂ့ၢ်လိာ်ဘှီလိာ်အတမ့ၢ်တတီတဖၣ်လီၤ.