လံာ်ယဃ့းစက့လး 32:22 - Sgaw Karen Common Bible

²² ကီၢ်အၤၡူၢ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်တဖၣ်လၢ အအိၣ်ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤ လၢတၢ်ဒုးအပူၤ,

လံာ်ယဃ့းစက့လး 32:22 Iomraidhean Croise

လံာ်ယၡါယၤ 14:25

ယကမၤဟးဂီၤပှၤအၤၡူၢ်ဖိတဖၣ်လၢယကီၢ်အံၣ်စရ့လးအပူၤ ဒီးယီၢ်တံၢ်အဝဲသ့ၣ်လၢယကစၢၢ်တဖၣ်အဒီခိၣ်န့ၣ်လီၤ. ယကမၤထူၣ်ဖျဲးယပှၤဂီၢ်မုၢ်လၢပှၤအၤၡူၢ်ဖိတဖၣ်အနီၣ်ယိးဘိ ဒီးလၢတၢ်ဝံတၢ်ယိးတဖၣ်လၢအဝဲသ့ၣ်ဘၣ်ဝံတ့ၢ်ယိးတ့ၢ်ဝဲန့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယဃ့းစက့လး 27:23

ဝ့ၢ်တဖၣ်လၢအမ့ၢ်ဝ့ၢ်ဟၤရၣ်, ဝ့ၢ်ကးနၤ, ဝ့ၢ်ဧ့ဒ့ၣ်, ပှၤပနံၣ်တၢ်ဘးကၤတၢ်ဖိတဖၣ်လၢ ကီၢ်ၡဘၤဒီး ဝ့ၢ်တဖၣ်လၢအမ့ၢ်ဝ့ၢ်အၤၡူၢ်ဒီးဝ့ၢ်ကံလမး, အဝဲသ့ၣ်တဖၣ်ခဲလၢာ် မၤတၢ်ပနံၣ်တၢ်ကၤအတၢ်မၤဒီးနၤန့ၣ်လီၤ.

လံာ်ယဃ့းစက့လး 32:24

ကီၢ်ဧ့ၤလၣ်အိၣ်ဖဲန့ၣ်ဃုာ်ဒီးအသုးဖိတဖၣ်အသွၣ်ခိၣ်လၢအအိၣ် ဝးတရံးအီၤန့ၣ်လီၤ. အဝဲသ့ၣ်ခဲလၢာ်ဘၣ်တၢ်မၤသံအီၤလၢ တၢ်ဒုးအပူၤဒီးအဝဲလဲၤလီၤဝဲဒၣ်ဆူပှၤသံတဖၣ်အကီၢ်ပူၤတအိၣ် ဘၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. ဖဲအအိၣ်မူဒံးအ ခါန့ၣ်အဝဲသ့ၣ်, ရၤလီၤတၢ်မၤပျံၤမၤဖုး, ဘၣ်ဆၣ်ခဲအံၤအဝဲသ့ၣ် သံကွံာ်ဝဲဒၣ်လၢတၢ်လီၤမဲာ်ဆှးအပူၤန့ၣ်လီၤ.

လံာ်ယဃ့းစက့လး 32:26

ဝ့ၢ်မ့ၤၡးဒီးဝ့ၢ်တူၤဘလးတဖၣ်အိၣ်ဖဲန့ၣ်, ဃုာ်ဒီးအသုးဖိတဖၣ် အသွၣ်ခိၣ်လၢအိၣ်ဝးတရံးအဝဲသ့ၣ်န့ၣ်လီၤ. အဝဲသ့ၣ်တဖၣ် ခဲလၢာ်တဒိးဘၣ်တၢ်ကူးတရံးအီၤဘၣ်, ခဲလၢာ်ဘၣ်တၢ်မၤသံအီၤ တၢ်ဒုးအပူၤန့ၣ်လီၤ. တဘျီန့ၣ်အဝဲသ့ၣ်မၤပျံၤမၤဖုးဒၣ်လဲာ် ပှၤလၢအမူတဖၣ်လီၤ.

လံာ်နၤဃူၣ် 1:14

ဒီးအအံၤမ့ၢ်တၢ်လၢယွၤခါလီၤအကလုၢ်ဘၣ်ဃးဒီးပှၤအၤၡူၢ်ဖိ တဖၣ်န့ၣ်လီၤ. “အဝဲသ့ၣ်တမ့ၢ်ကအိၣ်ဒီးအစၢၤအသွဲၣ်နီ တဂၤလၢကစိာ်အမံၤဆူညါန့ၣ်ဘၣ်. ယကမၤဟးဂီၤကွံာ်အတၢ်ဂီၤတၢ်ဖီၣ်တဖၣ်လၢအအိၣ်လၢအကစၢ် တဖၣ်အတၢ်လုၢ်ဟံၣ်တဖၣ်အပူၤန့ၣ်လီၤ. ယကတဲာ်ကတီၤလံတၢ်သွၣ်ခိၣ်လၢပှၤအၤၡူၢ်ဖိတဖၣ်အဂီၢ်လီၤ. အဂ့ၢ်ဒ်အံၤအဝဲသ့ၣ်တကြၢးဒီးတၢ်အိၣ်မူဘၣ်.”

လံာ်တၢ်ဂံၢ် 24:24

ပှၤဟဲနုာ်လီၤဒုးတၢ်တဖၣ်ကဟဲဒီးကဘီလၢကီးကူပြူးလီၤ. အဝဲသ့ၣ်ကမၤနၢၤကွံာ်ကီၢ်အၤၡူၢ်ဒီးကီၢ်ဧၤဘ့ၢ်လီၤ. ဘၣ်ဆၣ်ဒီး, အဝဲသ့ၣ်ကဘၣ်တၢ်မၤဟးဂီၤကဒါက့ၤအီၤလီၤထူလီၤ ယိာ်လီၤ.”