လံာ်ယဃ့းစက့လး 32:18 - Sgaw Karen Common Bible

¹⁸ အဝဲစံးဝဲဒၣ်, “ပှၤကညီလၢအသံသ့ဧၢ, ဘၣ်မိၣ်ဘၣ်မးလၢ ကယဲၢ်ပှၤကီၢ်အဲၤကူပတူးဖိအါဂၤအဂီၢ်တက့ၢ်. ဆှၢလီၤ အဝဲသ့ၣ်ဃုာ်ဒီးပှၤကလုာ်ဂံၢ်ဆူၣ်ဘါဆူၣ်အဂၤတဖၣ်ဆူတၢ်သံ အကီၢ်ပူၤန့ၣ်တက့ၢ်.

လံာ်ယဃ့းစက့လး 32:18 Iomraidhean Croise

စံးထီၣ်ပတြၢၤ 30:9

“ယမ့ၢ်လဲၤလီၤဆူတၢ်သံအကီၢ်ပူၤဒီး လၢယတၢ်သံအဃိန့ၣ် နကဒိးန့ၢ်ဘၣ် တၢ်ဘျုးမနုၤတမံၤလဲၣ်. ဟီၣ်ခိၣ်အကမူၣ် ကစံးထီၣ်ပတြၢၤနၤစ့ၢ်ကီးဧါ. ကတဲဖျါထီၣ်နတၢ်သးတီစ့ၢ်ကီးဧါ.

စံးထီၣ်ပတြၢၤ 63:9

ဘၣ်ဆၣ်ပှၤလၢအဃုမၤဟးဂီၤယသးသမူန့ၣ်, ကလဲၤလီၤဆူဟီၣ်ခိၣ်အဖီလာ်န့ၣ်လီၤ.

လံာ်ယၡါယၤ 14:15

ဘၣ်ဆၣ်လၢ တၢ်န့ၣ်အလီၢ်, ခဲအံၤနဘၣ်တၢ်ထုးလီၤ ကွံာ်နၤဆူတၢ်လီၢ်အယိာ်ကတၢၢ်တတီၤလၢတၢ်သံအကီၢ်ပူၤန့ၣ်လီၤ.

လံာ်ယၡါယၤ 16:9

ခဲအံၤယဟီၣ်ယယၢၤလၢစံးဘမၤအစပံးမုၢ်အလီၢ်တဖၣ် အဃိ, ဒ်ယဟီၣ်ယယၢၤလၢဝ့ၢ်ယၤစ့ၢ်အဃိအသိးန့ၣ်လီၤ. ယမဲာ်ထံတဖၣ်လီၤဝဲလၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤ အဂီၢ်လီၤ. အဂ့ၢ်ဒ်အံၤတၢ်ကူးဘုတအိၣ်လၢၤ လၢအကမၤသးခုအပှၤဂီၢ်မုၢ်အဂီၢ်ဘၣ်.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 31:14

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်, ထံမ့ၢ်ဂ့ၤထဲအံၤ ထဲနုၤနာ်သက့, သ့ၣ်လၢကဒိၣ်ထီၣ်ဒီးထီကဒီးထဲသိးန့ၣ်, ဒီးဖှိး ထီၣ်အသးဆူတၢ်အၢၣ်တဖၣ်အကျါတုၤအထီဝဲထဲသိးန့ၣ်, တအိၣ်ဘၣ်နီတထံးဘၣ်. အဝဲသ့ၣ်ခဲလၢာ်ဘၣ်တၢ်စံၣ်ညီၣ်သံ ဃါမနၤဒ်ပှၤကညီတဖၣ်လၢအသံသ့ဝဲအသိးန့ၣ်, ဘၣ်တၢ်စံၣ်ညီၣ် ဃါမနၤလၢကလဲၤသကိးဃုာ်ဒီးပှၤတဖၣ်လၢအလဲၤလီၤဆူ တၢ်သံအကီၢ်ပူၤန့ၣ်လီၤ.”

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 32:12

ယကပျဲပှၤကလုာ်အအၢအသီအသုးဖိတဖၣ်ထုးထီၣ်အနးတဖၣ်ဒီး မၤသံကယဲၢ်နပှၤဂီၢ်မုၢ်ခဲလၢာ်န့ၣ်လီၤ. နပှၤဂီၢ်မုၢ်ခဲလၢာ်ဒီး တၢ်ခဲလၢာ်လၢနပာ်ကဖၢလၢနသးလၢအဃိန့ၣ်ကဘၣ်တၢ်မၤဟးဂီၤ ကွံာ်အီၤန့ၣ်လီၤ.

လံာ်ယဃ့းစက့လး 32:16

တၢ်ဟ့ၣ်ပလီၢ်သမှံၤသပှၢ်တမံၤအံၤကကဲထီၣ်တၢ်သံအတၢ်သးဝံၣ် တယုၢ်န့ၣ်လီၤ. ပှၤကလုာ်တဖၣ်အပှၤပိာ်မုၣ်တဖၣ်ကသးဝံၣ်တၢ်လၢ တၢ်ဟီၣ်ဘၣ်ယၢၤဘၣ်တၢ်လၢကီၢ်အဲၤကူပတူးဒီးအပှၤဂီၢ်မုၢ်အဃိ န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ယဃ့းစက့လး 32:21

ပှၤဒူပှၤဃိၤအဒိၣ်ကတၢၢ်တဖၣ်ဒီးပှၤတဖၣ်လၢအဒုးတၢ်လၢ ပှၤအဲၤကူပတူးဖိအအိၣ်တကပၤန့ၣ်တူၢ်လိာ်မုာ်ပှၤအဲၤကူပတူးဖိ တဖၣ်ဆူတၢ်သံအကီၢ်ပူၤန့ၣ်လီၤ. အဝဲသ့ၣ်ကိးထီၣ်ဝဲ, ပှၤတဖၣ် လၢအယွၤတအိၣ်လၢအဘၣ်တၢ်မၤသံအီၤလၢတၢ်ဒုးအပူၤန့ၣ် ဟဲလီၤဝဲဖဲအံၤ, ဒီးမံလီၤဝဲဖဲအံၤန့ၣ်လီၤ.

လံာ်ယဃ့းစက့လး 43:3

တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်မံကၤ 1:8

တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.