လံာ်ယဃ့းစက့လး 32:13 - Sgaw Karen Common Bible

¹³ ယကမၤသံကွံာ်နဂီၤဘုၣ်ဂီၤဖံးတဖၣ်လၢကယဲၢ်ထံပူၤအဃၢၤန့ၣ်လီၤ. ပှၤကညီမ့ၢ်ဂ့ၤ, ဂီၤဘုၣ်ဂီၤဖံးမ့ၢ်ဂ့ၤလၢအကမၤဒုထီၣ်ထံတအိၣ် လၢၤဘၣ်ဝဲဘၣ်.

လံာ်ယဃ့းစက့လး 32:13 Iomraidhean Croise

လံာ်ယဃ့းစက့လး 29:11

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တလဲၤခီဖျိဘၣ်အီၤဘၣ်. လၢအနံၣ်လွံၢ်ဆံအတီၢ်ပူၤတၢ်တအိၣ်ဆိးဖဲန့ၣ်နီတမံၤဘၣ်.

လံာ်ယဃ့းစက့လး 29:8

အန့ၣ်ဒီးခဲအံၤ, ယၤယွၤပၢဘၣ်တၢ်ခဲလၢာ် ကစၢ်စံး ဘၣ်နၤလၢယကမၤန့ၢ် ပှၤပိာ်ခွါတဖၣ်လၢ အကဟဲထီၣ်ဒုးနၤလၢနးတဖၣ်ဒီး အဝဲသ့ၣ်ကမၤသံကွံာ် နပှၤဂီၢ်မုၢ်ဒီး နဆၣ်ဖိကီၢ်ဖိတဖၣ်န့ၣ်လီၤ.

လံာ်ယဃ့းစက့လး 30:12

ယကမၤဃ့ထီကွံာ်ထံကျိနံၤလါဒီး ပာ်လီၤကီၢ်အဲၤကူပတူးလၢပှၤအၢ ပှၤသီတဖၣ်အစိကမီၤအဖီလာ်န့ၣ်လီၤ. ပှၤတခီဘီမုၢ်ဖိတဖၣ် ကမၤဟးဂူာ်ဟးဂီၤကွံာ်ထံကီၢ်ဒီဘ့ၣ်ညါန့ၣ်လီၤ.” ယၤ, ယွၤကတိၤလံတၢ်လံ.

လံာ်ယဃ့းစက့လး 32:14

ယကပျဲနထံတဖၣ်လီၤဒးဒီးဆှံထီၣ်က့ၤဝဲဒီးနထံကျိတဖၣ်ကယွၤလီၤ ဝဲဂၢၢ်ဂၢၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ယဃ့းစက့လး 34:18

သုဝဲတနီၤ, သုတသးမံလၢတၢ်အီၣ်ဘၣ်နီၣ်အဂ့ၤကတၢၢ် အဃိဘၣ်. သုယီၢ်တံၢ်လီၤဒၣ်လဲာ်တၢ်လၢသု အီၣ်တဖၣ်န့ၣ်လီၤ. သုအိထံအဆှံဒီးသုမၤဒုထီၣ်တၢ် လၢသုတအိအီၤန့ၣ်လီၤ.