လံာ်ယဃ့းစက့လး 32:12 - Sgaw Karen Common Bible

¹² ယကပျဲပှၤကလုာ်အအၢအသီအသုးဖိတဖၣ်ထုးထီၣ်အနးတဖၣ်ဒီး မၤသံကယဲၢ်နပှၤဂီၢ်မုၢ်ခဲလၢာ်န့ၣ်လီၤ. နပှၤဂီၢ်မုၢ်ခဲလၢာ်ဒီး တၢ်ခဲလၢာ်လၢနပာ်ကဖၢလၢနသးလၢအဃိန့ၣ်ကဘၣ်တၢ်မၤဟးဂီၤ ကွံာ်အီၤန့ၣ်လီၤ.

လံာ်ယဃ့းစက့လး 32:12 Iomraidhean Croise

လံာ်ယံးရမံယၤ 46:12

ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ. သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ ဟီၣ်ခိၣ်လိၤန့ၣ်လီၤ.

လံာ်ယဃ့းစက့လး 28:19

နတအိၣ်လၢၤဘၣ်. နဟါမၢ်ကွံာ်လံလီၤစိၤလီၤထီလံ, ဒီးကယဲၢ်ပှၤကလုာ်လၢအသ့ၣ်ညါတ့ၢ်နၤတဖၣ် ပျံၤတၢ်ဖုးတၢ်, ဒီးဘၣ်ယိာ်ဝဲလၢနတၢ်ဟဲဝံဟဲစိာ်အံၤကဘၣ်ဘၣ်ဖုးအဝဲသ့ၣ်န့ၣ်လီၤ.”

လံာ်ယဃ့းစက့လး 28:7

ယကဟဲစိာ်ဃီၤဒုၣ်ဒါတဖၣ်လၢအတအိၣ်ဒီးတၢ်သးကညီၤဘၣ်လၢ ကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်ကမၤဟးဂီၤကွံာ်တၢ်ဃံတၢ်လၤခဲလၢာ်လၢ နမၤန့ၢ်တ့ၢ်အီၤလၢနတၢ်သ့တၢ်ဘၣ်ဒီး တၢ်ကူၣ်သ့အပူၤန့ၣ်လီၤ.

လံာ်ယဃ့းစက့လး 29:19

အဃိသတးဒီး, ခဲကနံၣ်အံၤ, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယဟ့ၣ်လီၤကွံာ် ကီၢ်အဲၤကူပတူးဆူစီၤပၤနဘူၤကးန့စၢ်အအိၣ်လံ. အဝဲကဂုာ်န့ၢ်ဒီးဟံးန့ၢ်ဆူၣ်ဒီးစိာ်ထီၣ်ကွံာ်ကယဲၢ် ကီၢ်အဲၤကူပတူးအတၢ်ထူးတၢ်တီၤ ခဲလၢာ်ဒ်အမ့ၢ်တၢ်ဘူး တၢ်လဲလၢအဝဲအသုးမုၢ်အဂီၢ်န့ၣ်လီၤ.

လံာ်ယဃ့းစက့လး 30:11

အဝဲဒီးအသုးမုၢ်လၢ အတအိၣ်ဒီးတၢ်သးကညီၤဘၣ် န့ၣ်ကဟဲဒ်သိးကမၤဟးဂူာ်ဟးဂီၤထံကီၢ်အဂီၢ်န့ၣ်လီၤ. အဝဲသ့ၣ်ကဟဲထီၣ်ဒုးကီၢ်အဲၤကူပတူးလၢနးတဖၣ်ဒီး ကီၢ်န့ၣ်ကပှဲၤဒီးတၢ်သံစိၣ်တဖၣ်န့ၣ်လီၤ.

လံာ်ယဃ့းစက့လး 31:11

လၢတၢ်န့ၣ်အဃိ, ယစူးကွံာ်ညိကွံာ်လံအီၤဒီး ကပျဲပှၤတခီဘီမုၢ်ဖိအပဒိၣ်တဂၤမၤန့ၢ်အီၤန့ၣ်လီၤ. အဝဲကဟ့ၣ်သ့ၣ်န့ၣ်လၢတၢ်လၢအကြၢးဒိးန့ၢ်ဝဲလၢအတၢ်အၢ တၢ်သီအဃိန့ၣ်လီၤ.

လံာ်ယဃ့းစက့လး 31:12

ပှၤတခီဘီမုၢ်ဖိတဖၣ်လၢတအိၣ်ဒီးတၢ်သးကညီၤဘၣ်န့ၣ်ကကျီလီၤ အီၤဒီးပာ်တ့ၢ်ကွံာ်အီၤန့ၣ်လီၤ. အဒ့တဖၣ်ဒီးအဒ့ဖးဒိၣ်တဖၣ်လၢ အကၢ်ကွံာ်န့ၣ်ကလီၤတဲာ်လၢကယဲၢ်ကစၢၢ်အလိၤဒီးဆူတၢ်တြီၤ ပူၤလၢထံကီၢ်အပူၤန့ၣ်လီၤ. ပှၤကလုာ်တဖၣ်လၢအအိၣ်ဆိးလၢ အဝဲအတၢ်ကဒုပူၤန့ၣ်ကဟးကွံာ်ဝဲဒၣ်န့ၣ်လီၤ.

လံာ်ယဃ့းစက့လး 32:18

အဝဲစံးဝဲဒၣ်, “ပှၤကညီလၢအသံသ့ဧၢ, ဘၣ်မိၣ်ဘၣ်မးလၢ ကယဲၢ်ပှၤကီၢ်အဲၤကူပတူးဖိအါဂၤအဂီၢ်တက့ၢ်. ဆှၢလီၤ အဝဲသ့ၣ်ဃုာ်ဒီးပှၤကလုာ်ဂံၢ်ဆူၣ်ဘါဆူၣ်အဂၤတဖၣ်ဆူတၢ်သံ အကီၢ်ပူၤန့ၣ်တက့ၢ်.