လံာ်ယဃ့းစက့လး 31:6 - Sgaw Karen Common Bible

⁶ ကယဲၢ်ထိၣ်အကလုာ်ကလုာ်ဘှီထီၣ်အသွံတဖၣ်လၢအဝဲအဒ့တဖၣ် အလိၤန့ၣ်လီၤ. ဆၣ်ဖိကီၢ်ဖိအမံၤတဖၣ်ဖှံလီၤအဖိဆံးတဖၣ်လၢ အဝဲအကဒုဖီလာ်န့ၣ်လီၤ. ပှၤကလုာ်တဖၣ်လၢဟီၣ်ခိၣ်ချၢအိၣ်ကဒု ဝဲလၢအဝဲအကဒုဖီလာ်န့ၣ်လီၤ.

လံာ်ယဃ့းစက့လး 31:6 Iomraidhean Croise

စံးထီၣ်ပတြၢၤ 104:17

ဖဲန့ၣ်ထိၣ်တဖၣ်မၤဝဲအသွံ ဒီးသ့ၣ်ဆှိတဖၣ်န့ၣ်မ့ၢ်ထိၣ်ဖးဒိၣ်အဟံၣ်လီၤ.

လံာ်ယဃ့းစက့လး 17:23

လၢကီၢ်အံၣ်စရ့လးအကစၢၢ်အထီကတၢၢ်တဖျၢၣ်အလိၤန့ၣ်လီၤ. အဒ့တဖၣ်ကဒိၣ်ထီၣ်ဝဲဒီးကသၣ်ထီၣ်အသၣ်ဒီးကဲထီၣ်သ့ၣ်ဆှိ အ့ရ့းလီၤဘီလီၤမုၢ်တထံးလီၤ. ထိၣ်အကလုာ်ကလုာ်ကအိၣ်ဆိးဝဲ ဖဲန့ၣ်ဒီးထံၣ်န့ၢ်တၢ်အိၣ်တဒၢအလီၢ်လၢအကဒုအဖီလာ်န့ၣ်လီၤ.

လံာ်ယဃ့းစက့လး 31:13

ထိၣ်တဖၣ်ကဟဲစီၢ်လီၤလၢသ့ၣ်လၢအကၢ်လီၤကွံာ်အလိၤဒီး ဆၣ်ဖိကီၢ်ဖိအမံၤတဖၣ်ကယီၢ်ခီကွံာ်တၢ်လၢအဒ့တဖၣ်အလိၤန့ၣ်လီၤ.

လံာ်ယဃ့းစက့လး 31:17

အဝဲသ့ၣ်ကလဲၤလီၤဃုာ်ဒီးအီၤဆူတၢ်သံအကီၢ်ပူၤ, ဒ်သိးကလဲၤ အိၣ်သကိးဃုာ်ဒီးပှၤလၢအလီၤကွံာ်တ့ၢ်လံတဖၣ်န့ၣ်လီၤ. ဒီး ကယဲၢ်ပှၤလၢအအိၣ်လၢအဝဲအတၢ်ကဒုအဖီလာ်ခဲလၢာ်ကလီၤ ပြံလီၤပြါလၢပှၤကလုာ်တဖၣ်အကျါန့ၣ်လီၤ.

လံာ်ယဃ့းစက့လး 31:7

သ့ၣ်အံၤဃံလၤဝဲဒိၣ်မးလဲၣ်. ထီဂ့ၤမးအိၣ်ဒီးအဒ့တဖၣ်လၢအ ထီဝဲစ့ၢ်ကီးန့ၣ်လီၤ. အဝဲအဂံၢ်တဖၣ်စဲၤလီၤအသးယိာ်တုၤလၢထံကျိတဖၣ် လၢအယွၤဝဲန့ၣ်လီၤ.

လံာ်ဒၤနံးယ့လး 4:10

ဖဲလၢယမံသပ့ၤဘၣ်ယသးန့ၣ်ယထံၣ်တ့ၢ်တၢ်လၢညါခီတမံၤ, ဒီးကွၢ်ကွၢ်, သ့ၣ်ဖးဒိၣ်တထံးအိၣ်ဝဲလၢဟီၣ်ခိၣ်အခၢၣ်သးန့ၣ်လီၤ.

လံာ်ဒၤနံးယ့လး 4:12

အလၣ်သ့ၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်လၢ အလိၤတုၤအလၢဝဲလီၣ်ဝဲလၢပှၤဟီၣ်ခိၣ်ဖိခဲလၢာ်ကအီၣ်ဝဲအဂီၢ် န့ၣ်လီၤ. ဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုအဖီလာ်, ထိၣ်ဖိလံာ်ဖိတဖၣ်မၤအသွံတဖၣ်လၢအဒ့အတြၢ်တဖၣ်အလိၤဒီး တၢ်အိၣ်ဒီးအသးသမူခဲလၢာ်အီၣ်ဘၣ်အီဘၣ်အသၣ်တဖၣ်န့ၣ်လီၤ.

လံာ်ဒၤနံးယ့လး 4:21

အလၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်တုၤအလၢ ဝဲလီၣ်ဝဲလၢဟီၣ်ခိၣ်ဖိခဲလၢာ်ကအီၣ်အဂီၢ်ဒီးမ့ၢ်ဝဲတၢ်အီၣ်လၢပှၤကိး ဂၤအဂီၢ်, ဒီးဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုဖီလာ်, ဒီးထိၣ်ဖိလံၣ်ဖိတဖၣ်မၤအသွံလၢအဒ့အတြၢ်တဖၣ်အလိၤန့ၣ်

လံာ်မးသဲ 13:32

လၢတၢ်ချံခဲလၢာ်အကျါအဝဲမ့ၢ်တၢ်ချံအဆံးကတၢၢ်လီၤ. ဘၣ်ဆၣ်တုၤအဝဲမဲထီၣ်ဒီးဒိၣ်ထီၣ်န့ၣ်ကဲထီၣ်တၢ်အမုၢ်ဒိၣ် ကတၢၢ်တမုၢ်ဒီးဒိၣ်ထီၣ်ဒီးကဲထီၣ်သ့ၣ်ဖိတထူၣ်ဒီးထိၣ်တဖၣ်ဟဲဒီး ဘှီထီၣ်အသွံတဖၣ်လၢအဒ့တဖၣ်အလိၤလီၤ.”

လံာ်မၢ်ကူး 4:32

သနာ်က့တုၤမ့ၢ်အမဲထီၣ်ဒီးဒိၣ်ထီၣ်န့ၣ်ကဲထီၣ်ဝဲတၢ် အမုၢ်အဒိၣ်ကတၢၢ်လၢတၢ်မုၢ်တၢ်ဘိခဲလၢာ်တဖၣ်အကျါ န့ၣ်လီၤ. အဒ့ဖးဒိၣ်တဖၣ်ဟဲထီၣ်လၢအလိၤတုၤဒၣ်လဲာ် ထိၣ်ဖိလံၣ်ဖိတဖၣ်ဟဲမၤအသွံလၢအဒ့တဖၣ်အလိၤသ့ဝဲန့ၣ် လီၤ.”