လံာ်ယဃ့းစက့လး 31:2 - Sgaw Karen Common Bible

² အဝဲစံးဝဲဒၣ်, “ပှၤကညီလၢအသံသ့ဧၢ, စံးဘၣ်ကီၢ်အဲၤကူပ တူးအစီၤပၤဒီးကယဲၢ်အပှၤဂီၢ်မုၢ်ခဲလၢာ်ဒ်အံၤတက့ၢ်. နဂံၢ်နဘါဆူၣ်ဝဲဒိၣ်မးလဲၣ်. ယကသ့ထိၣ်သတြီၤနၤလၢမနုၤတမံၤလဲၣ်.

လံာ်ယဃ့းစက့လး 31:2 Iomraidhean Croise

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်ယဃ့းစက့လး 29:15

ဘီမုၢ်အဂံၢ်စၢ်ဘါစၢ်ကတၢၢ်လၢဘီမုၢ်တဖၣ်အကျါ, ဒီးအဝဲသ့ၣ်တပၢကဒီးတၢ်လၢပှၤကလုာ်ဂၤတဖၣ်အဖီခိၣ် နီတစုလၢၤဘၣ်. ယကဒုးကဲထီၣ်အဝဲသ့ၣ်လၢပှၤလၢအကါ တဒိၣ်နီတစဲးဘၣ်, တုၤဒၣ်လဲာ်, အဝဲသ့ၣ်ထုးန့ၢ် ပှၤကလုာ်အဂၤဆူ အဝဲသ့ၣ်အတၢ်အဲၣ်ဒိးအပူၤ တသ့ဝဲနီတဖုဘၣ်န့ၣ်လီၤ.

လံာ်ယဃ့းစက့လး 29:19

အဃိသတးဒီး, ခဲကနံၣ်အံၤ, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယဟ့ၣ်လီၤကွံာ် ကီၢ်အဲၤကူပတူးဆူစီၤပၤနဘူၤကးန့စၢ်အအိၣ်လံ. အဝဲကဂုာ်န့ၢ်ဒီးဟံးန့ၢ်ဆူၣ်ဒီးစိာ်ထီၣ်ကွံာ်ကယဲၢ် ကီၢ်အဲၤကူပတူးအတၢ်ထူးတၢ်တီၤ ခဲလၢာ်ဒ်အမ့ၢ်တၢ်ဘူး တၢ်လဲလၢအဝဲအသုးမုၢ်အဂီၢ်န့ၣ်လီၤ.

လံာ်ယဃ့းစက့လး 30:10

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကသူကီၢ်ဘၤဘူၤလိၣ် အစီၤပၤနဘူၤကးန့စၢ်ဒ်သိး ကမၤကတၢၢ်ကွံာ်ကီၢ်အဲၤကူပတူးအတၢ်ထူးတၢ်တီၤန့ၣ်လီၤ.

လံာ်ယဃ့းစက့လး 31:18

သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်လီၣ်ဖျါ 10:11

အန့ၣ်ဝံၤအလီၢ်ခံ ယဘၣ်တၢ်စံးဘၣ်ယၤ, “မၤကဒီးတစုနကဘၣ်ကတိၤကဒီးတၢ်လၢဝံ အကျိာ်ဘၣ်ဃးကီၢ်အါဘ့ၣ်, ပှၤကလုာ်အါကလုာ်, ကျိာ်အါကျိာ်ဒီးစီၤလိၣ်စီၤပၤအါဂၤအဂ့ၢ်လီၤ.”