လံာ်ယဃ့းစက့လး 31:18 - Sgaw Karen Common Bible

¹⁸ သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်ယဃ့းစက့လး 31:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:22

ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.

စံးထီၣ်ပတြၢၤ 52:7

“ကွၢ်, ပှၤတဂၤလၢအတပာ်ဘၣ်ကစၢ်ယွၤလၢ အတၢ်အိၣ်တဒၢအလီၢ်, မ့မ့ၢ်သန့ၤအသးလၢအတၢ်ထူးတၢ်တီၤ လၢအအါဒီး ဃုထံၣ်န့ၢ်အတၢ်အိၣ်တဒၢအလီၢ်လၢ လၢအတၢ်ဟးဂီၤအပူၤန့ၣ်တက့ၢ်.”

လံာ်ယဃ့းစက့လး 28:10

နကသံဒ်ထွံၣ်တဒုအသိးလၢပှၤတခီဘီမုၢ်ဖိတဖၣ်လၢ အယွၤတအိၣ်ဘၣ်အစုပူၤန့ၣ်လီၤ. ယၤ, ယွၤပၢဘၣ်တၢ်ခဲလၢာ် ကစၢ်ဟ့ၣ်လီၤအကလုၢ်န့ၣ်လီၤ.”

လံာ်ယဃ့းစက့လး 31:14

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်, ထံမ့ၢ်ဂ့ၤထဲအံၤ ထဲနုၤနာ်သက့, သ့ၣ်လၢကဒိၣ်ထီၣ်ဒီးထီကဒီးထဲသိးန့ၣ်, ဒီးဖှိး ထီၣ်အသးဆူတၢ်အၢၣ်တဖၣ်အကျါတုၤအထီဝဲထဲသိးန့ၣ်, တအိၣ်ဘၣ်နီတထံးဘၣ်. အဝဲသ့ၣ်ခဲလၢာ်ဘၣ်တၢ်စံၣ်ညီၣ်သံ ဃါမနၤဒ်ပှၤကညီတဖၣ်လၢအသံသ့ဝဲအသိးန့ၣ်, ဘၣ်တၢ်စံၣ်ညီၣ် ဃါမနၤလၢကလဲၤသကိးဃုာ်ဒီးပှၤတဖၣ်လၢအလဲၤလီၤဆူ တၢ်သံအကီၢ်ပူၤန့ၣ်လီၤ.”

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 31:2

အဝဲစံးဝဲဒၣ်, “ပှၤကညီလၢအသံသ့ဧၢ, စံးဘၣ်ကီၢ်အဲၤကူပ တူးအစီၤပၤဒီးကယဲၢ်အပှၤဂီၢ်မုၢ်ခဲလၢာ်ဒ်အံၤတက့ၢ်. နဂံၢ်နဘါဆူၣ်ဝဲဒိၣ်မးလဲၣ်. ယကသ့ထိၣ်သတြီၤနၤလၢမနုၤတမံၤလဲၣ်.

လံာ်ယဃ့းစက့လး 31:8

သ့ၣ်ဆှိအ့ရ့းလၢကစၢ်ယွၤအတၤသၣ်လီၢ်န့ၣ်တၢ်ထိၣ် သတြီၤဒီးအီၤတသ့နီတထံးဘၣ်. သ့ၣ်ဆှိတအိၣ်ဒီးအဒ့တဖၣ် ဒ်န့ၣ်အသိးနီတထံးဘၣ်. ဒီးသ့ၣ်ဧၤမိၣ်လၢအဒ့တဖၣ်ကဒိၣ်ထဲသိးန့ၣ်တအိၣ်နီတထံး ဘၣ်. သ့ၣ်လၢကစၢ်ယွၤအတၤသၣ်လီၢ်ဒၣ်ဝဲအပူၤတထဲန့ၣ် အသိးနီတထံးဘၣ်.

လံာ်ယဃ့းစက့လး 31:9

ယတ့လီၤအီၤဃံဃံလၤလၤအိၣ်ဒီးအဒ့တဖၣ်အါအါဂီၢ်ဂီၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးသးကါကယဲၢ်သ့ၣ်လၢအအိၣ်လၢကစၢ်ယွၤ အဧ့ၤဒ့ၣ်တၤသၣ်လီၢ်အပူၤလၢအီၤန့ၣ်လီၤ.

လံာ်ယဃ့းစက့လး 32:10

တၢ်လၢယမၤဘၣ်နၤတဖၣ်န့ၣ်ကမၤဖုးမၤပျီၢ်ပှၤကလုာ်တဖၣ် န့ၣ်လီၤ. ဖဲယမၤဟူးဝးထီၣ်ယနးန့ၣ်စီၤပၤတဖၣ်ကကနိးကစုာ် လၢတၢ်ပျံၤတၢ်ဖုးအပူၤန့ၣ်လီၤ. မုၢ်တနံၤလၢနလီၤကွံာ်န့ၣ်, အဝဲသ့ၣ်ခဲလၢာ်ကကနိးကစုာ်လၢတၢ်ပျံၤတၢ်ဖုးအပူၤလၢ အသးသမူဒၣ်ဝဲအဂီၢ်န့ၣ်လီၤ.”

လံာ်ယဃ့းစက့လး 32:19

စံးဘၣ်အဝဲသ့ၣ်တက့ၢ်. မ့ၢ်သုဆိကမိၣ်လၢသုဃံလၤဒိၣ်န့ၢ် ဒံးပှၤအဂၤတက့ၢ်ဧါ. သုကလဲၤလီၤဆူတၢ်သံအကီၢ် ပူၤဒီးမံလီၤဖဲန့ၣ်လၢပှၤလၢအယွၤတအိၣ်တဖၣ်အကျါန့ၣ်လီၤ.

လံာ်ယဃ့းစက့လး 32:21

ပှၤဒူပှၤဃိၤအဒိၣ်ကတၢၢ်တဖၣ်ဒီးပှၤတဖၣ်လၢအဒုးတၢ်လၢ ပှၤအဲၤကူပတူးဖိအအိၣ်တကပၤန့ၣ်တူၢ်လိာ်မုာ်ပှၤအဲၤကူပတူးဖိ တဖၣ်ဆူတၢ်သံအကီၢ်ပူၤန့ၣ်လီၤ. အဝဲသ့ၣ်ကိးထီၣ်ဝဲ, ပှၤတဖၣ် လၢအယွၤတအိၣ်လၢအဘၣ်တၢ်မၤသံအီၤလၢတၢ်ဒုးအပူၤန့ၣ် ဟဲလီၤဝဲဖဲအံၤ, ဒီးမံလီၤဝဲဖဲအံၤန့ၣ်လီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

1 ကရံၣ်သူး 10:14

လၢတၢ်န့ၣ်အဃိယတံၤသကိးသးဘိသ့ၣ်ဧၢ, ဟးဆှဲးတၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”