လံာ်ယဃ့းစက့လး 31:16 - Sgaw Karen Common Bible

¹⁶ ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 31:16 Iomraidhean Croise

လံာ်ယၡါယၤ 14:15

ဘၣ်ဆၣ်လၢ တၢ်န့ၣ်အလီၢ်, ခဲအံၤနဘၣ်တၢ်ထုးလီၤ ကွံာ်နၤဆူတၢ်လီၢ်အယိာ်ကတၢၢ်တတီၤလၢတၢ်သံအကီၢ်ပူၤန့ၣ်လီၤ.

လံာ်ယၡါယၤ 14:8

လဘၤနိၣ်အသ့ၣ်ဆှိဒီးအသ့ၣ်ဆှိအ့ရ့းတဖၣ်သူၣ်ခုသးခုလၢ စီၤပၤလၢအလီၤဝဲတဂၤအဃိလီၤ. အဂ့ၢ်ဒ်အံၤ, အဝဲတအိၣ်လၢၤ ဘၣ်အဃိဒီး, ပှၤကကူာ်လီၤအဝဲသ့ၣ်တအိၣ်ဘၣ်နီတဂၤလၢၤဘၣ်.

လံာ်ယံးရမံယၤ 50:46

ဖဲဝ့ၢ်ဘၤဘူၤလိၣ်လီၤပှီၢ်ကွံာ်ဝဲန့ၣ်, တၢ်အသီၣ်ဖးဒိၣ်တမံၤက ဟူထီၣ်ဝဲတုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝးဝဲ, ဒီးပှၤကလုာ် အဂၤတဖၣ် ကနၢ်ဟူဘၣ်တၢ်ပျံၤတၢ်ဖုးအတၢ်ကိးထီၣ်တဖၣ်န့ၣ်လီၤ.”

လံာ်ယဃ့းစက့လး 14:22

ပှၤတဂၤဂၤမ့ၢ်အိၣ်မူလီၤတဲာ်ဒံးဒီးအုၣ်က့ၤခီၣ်က့ၤအဖိတဖၣ် န့ၣ်, ကွၢ်အဝဲသ့ၣ်ဖဲအဟဲဆူသုအိၣ်တက့ၢ်. ကွၢ်အဝဲသ့ၣ်အၢဝဲသီဝဲ ထဲလဲၣ်ဒီးနာ်နီၢ်နီၢ်လၢတၢ်စံၣ်ညီၣ်လၢယဒုးဘၣ်ဝ့ၢ်ယရူၤၡလ့ၣ် အံၤမ့ၢ်တၢ်တီဝဲဘၣ်ဝဲန့ၣ်တက့ၢ်.

လံာ်ယဃ့းစက့လး 14:23

အန့ၣ်ဒီးသုကသ့ၣ်ညါလၢတၢ်ခဲလၢာ်လၢယမၤတ့ၢ်အီၤန့ၣ်အိၣ်ဒီး အတၢ်ဂ့ၢ်တၢ်ခၢးလၢအဂ့ၤဝဲန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 26:10

ဖၣ်ဆါခုၣ်ထီၣ်ဒ် တၢ်အၢၣ်ခံးသူလၢအဝဲသ့ၣ်အကသ့ၣ်တဖၣ် ဒုးအိၣ်ထီၣ်ဝဲန့ၣ်ကလုၣ်ဘၢနၤလီၤ. အဝဲသ့ၣ်အကသ့ၣ်တဖၣ်တွံၢ်လ့ၣ်ကဟၣ်စိာ်တၢ်ပီးတၢ်လီတဖၣ်ဒီး လ့ၣ်ကဟၣ်ဒုးသုးတဖၣ်အသီၣ်န့ၣ်ကမၤသထြုးနခိၣ်ဒူတဖၣ်ဖဲ အဝဲသ့ၣ်လဲၤခီဂာ်ဝ့ၢ်လၢအဟးဂီၤအတြဲၤတဖၣ်အခါန့ၣ်လီၤ.

လံာ်ယဃ့းစက့လး 26:15

ယွၤ, ပၢဘၣ်တၢ်ခဲလၢာ် ကစၢ်အဲၣ်ဒိးစံးတၢ်အံၤဆူဝ့ၢ်ထါယၢၣ် န့ၣ်လီၤ. “ဖဲနဘၣ်တၢ်မၤနၢၤကွံာ်နၤန့ၣ်, ပှၤဂီၢ်မုၢ်လၢအအိၣ်လၢပီၣ်လဲၣ်နံၤတဖၣ်, ကဘၣ်ပျံၤဘၣ်ဖုးတၢ် လၢပှၤတဖၣ်လၢအဘၣ်တၢ်မၤသံအီၤ အတၢ်ကိးပသူအသီၣ်အဃိန့ၣ်လီၤ.

လံာ်ယဃ့းစက့လး 27:28

ပှၤကဘီဖိလၢ အလီၤဘျၢတဖၣ်အတၢ်ကိးပသူထီၣ်န့ၣ်သီၣ်ထီၣ် ကဒါက့ၤဒၣ်လဲာ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယဃ့းစက့လး 31:14

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်, ထံမ့ၢ်ဂ့ၤထဲအံၤ ထဲနုၤနာ်သက့, သ့ၣ်လၢကဒိၣ်ထီၣ်ဒီးထီကဒီးထဲသိးန့ၣ်, ဒီးဖှိး ထီၣ်အသးဆူတၢ်အၢၣ်တဖၣ်အကျါတုၤအထီဝဲထဲသိးန့ၣ်, တအိၣ်ဘၣ်နီတထံးဘၣ်. အဝဲသ့ၣ်ခဲလၢာ်ဘၣ်တၢ်စံၣ်ညီၣ်သံ ဃါမနၤဒ်ပှၤကညီတဖၣ်လၢအသံသ့ဝဲအသိးန့ၣ်, ဘၣ်တၢ်စံၣ်ညီၣ် ဃါမနၤလၢကလဲၤသကိးဃုာ်ဒီးပှၤတဖၣ်လၢအလဲၤလီၤဆူ တၢ်သံအကီၢ်ပူၤန့ၣ်လီၤ.”

လံာ်ယဃ့းစက့လး 31:18

သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်ယဃ့းစက့လး 31:3

နလီၤဂာ်ဒီးသ့ၣ်ဆှိအ့းရ့းတထံးလၢကီၢ်လဘၤနိၣ်, လၢအအိၣ်ဒီး အဒ့ဃံလၤကဒုဂ့ၤမးတဖၣ်, သ့ၣ်တထူၣ်လၢအထီဝဲတုၤထီၣ်ဘး လၢတၢ်အၢၣ်တဖၣ်န့ၣ်လီၤ.

လံာ်ယဃ့းစက့လး 31:8

သ့ၣ်ဆှိအ့ရ့းလၢကစၢ်ယွၤအတၤသၣ်လီၢ်န့ၣ်တၢ်ထိၣ် သတြီၤဒီးအီၤတသ့နီတထံးဘၣ်. သ့ၣ်ဆှိတအိၣ်ဒီးအဒ့တဖၣ် ဒ်န့ၣ်အသိးနီတထံးဘၣ်. ဒီးသ့ၣ်ဧၤမိၣ်လၢအဒ့တဖၣ်ကဒိၣ်ထဲသိးန့ၣ်တအိၣ်နီတထံး ဘၣ်. သ့ၣ်လၢကစၢ်ယွၤအတၤသၣ်လီၢ်ဒၣ်ဝဲအပူၤတထဲန့ၣ် အသိးနီတထံးဘၣ်.

လံာ်ယဃ့းစက့လး 31:9

ယတ့လီၤအီၤဃံဃံလၤလၤအိၣ်ဒီးအဒ့တဖၣ်အါအါဂီၢ်ဂီၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးသးကါကယဲၢ်သ့ၣ်လၢအအိၣ်လၢကစၢ်ယွၤ အဧ့ၤဒ့ၣ်တၤသၣ်လီၢ်အပူၤလၢအီၤန့ၣ်လီၤ.

လံာ်နၤဃူၣ် 2:3

ဒုၣ်ဒါအသုးဖိသ့ၣ်တဖၣ်စိာ်ဝဲကတီၤဂီၤဒီးကူသိးဝဲဆ့ကၤဂီၤတဖၣ်, ဒီးအိၣ်ကတဲာ်ကတီၤအသးလၢကထီၣ်ဒုးတၢ် အဂီၢ်လီၤ. အလ့ၣ်ကဟၣ်ဒုးသုးသ့ၣ်တဖၣ်ကပီၤကပြုၢ်ထီၣ်ဒ် မ့ၣ်အူအသိး ဒီးအကသ့ၣ်တဖၣ်အခီၣ်ပတ့ၤပတိၤအသးလီၤ.

လံာ်ဃဘးကူာ် 2:17

သုကူာ်လီၤကွံာ်လဘၤနိၣ်အသ့ၣ်ပှၢ်တဖၣ်, ဒီးခဲအံၤသုကဘၣ်တၢ်ဒီၣ်တဲာ်ကွံာ်သုလီၤ. သုမၤသံမၤဝီတ့ၢ်အဆၣ်ဖိကီၢ်ဖိတဖၣ်, ဒီးခဲအံၤဆၣ်ဖိကီၢ်ဖိတဖၣ်ကမၤပျံၤမၤဖုးသုလီၤ. တၢ်အံၤကမၤအသးလၢသုတၢ်မၤသံမၤဝီဒီးတၢ်ဂုာ် ဆူၣ်ပျီဆူၣ်ထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.