လံာ်ယဃ့းစက့လး 31:13 - Sgaw Karen Common Bible

¹³ ထိၣ်တဖၣ်ကဟဲစီၢ်လီၤလၢသ့ၣ်လၢအကၢ်လီၤကွံာ်အလိၤဒီး ဆၣ်ဖိကီၢ်ဖိအမံၤတဖၣ်ကယီၢ်ခီကွံာ်တၢ်လၢအဒ့တဖၣ်အလိၤန့ၣ်လီၤ.

လံာ်ယဃ့းစက့လး 31:13 Iomraidhean Croise

လံာ်ယၡါယၤ 18:6

အသုးဖိတဖၣ်အစိၣ်ကဘၣ်တၢ်ကွံာ်တ့ၢ်အီၤလၢတၢ်ပျီပူၤဒ်သိး ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်ကထံၣ်အီၤအဂီၢ်န့ၣ်လီၤ. လၢတၢ်ကိၢ်ခါန့ၣ်, ထိၣ်ဧိၤလံာ်ဧိၤကအီၣ်အီၤ, ဒီးလၢ တၢ်ဂိၢ်ခါန့ၣ်ဆၣ်ဖိကီၢ်ဖိတဖၣ်ကအီၣ်အီၤလီၤ.”

လံာ်ယဃ့းစက့လး 29:5

ယကစူးကွံာ်နၤဒီးကယဲၢ်ညၣ်တဖၣ်န့ၣ်ခဲလၢာ်ဆူမဲးမုၢ်ခိၣ်အပူၤလီၤ. နမိၢ်ပှၢ်ကလီၤတဲာ်လၢဟီၣ်ခိၣ်လိၤဒီးတၢ်တခူၣ်လီၤဘျၢလီၤဘၣ် အီၤန့ၣ်ဘၣ်. ယကဟ့ၣ်လီၤအီၤဆူထိၣ်တဖၣ်ဒီးဆၣ်ဖိကီၢ်ဖိတဖၣ် လၢအဝဲသ့ၣ်အတၢ်အီၣ်အဂီၢ်န့ၣ်လီၤ.

လံာ်ယဃ့းစက့လး 31:6

ကယဲၢ်ထိၣ်အကလုာ်ကလုာ်ဘှီထီၣ်အသွံတဖၣ်လၢအဝဲအဒ့တဖၣ် အလိၤန့ၣ်လီၤ. ဆၣ်ဖိကီၢ်ဖိအမံၤတဖၣ်ဖှံလီၤအဖိဆံးတဖၣ်လၢ အဝဲအကဒုဖီလာ်န့ၣ်လီၤ. ပှၤကလုာ်တဖၣ်လၢဟီၣ်ခိၣ်ချၢအိၣ်ကဒု ဝဲလၢအဝဲအကဒုဖီလာ်န့ၣ်လီၤ.

လံာ်ယဃ့းစက့လး 32:4

ယကကွံာ်လီၤနၤလၢဟီၣ်ခိၣ်လိၤဒီးဟဲစိာ်ဃီၤကယဲၢ်ထိၣ်တဖၣ်ဒီး ဆၣ်ဖိကီၢ်ဖိတဖၣ်လၢဟီၣ်ခိၣ်လၢကအီၣ်နၤအဂီၢ်လီၤ.

လံာ်ဒၤနံးယ့လး 4:14

အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.