လံာ်ယဃ့းစက့လး 30:9 - Sgaw Karen Common Bible

⁹ ဖဲမုၢ်နံၤအဝဲန့ၣ်ဟဲဃီၤဒီးကီၢ်အဲၤကူပတူးဘၣ်တၢ်မၤဟးဂီၤအီၤန့ၣ်, ယကဆှၢလီၤပှၤစိာ်တၢ်ကစီၣ်တဖၣ်လၢကဘီတဖၣ်အပူၤဒ်သိး ကထိၣ်ဂဲၤထီၣ်ကီၢ်ကူၤၡးအပှၤဂီၢ်မုၢ်လၢအတဆိကမိၣ်ထီၣ်တၢ် ကမၤအသးဒ်အံၤတဖၣ်ဒီးအဝဲသ့ၣ်ကပျံၤတၢ်ဖုးတၢ်န့ၣ်လီၤ. မုၢ်နံၤအဝဲန့ၣ်ဟဲလံဝဲလံ.”

လံာ်ယဃ့းစက့လး 30:9 Iomraidhean Croise

လံာ်ယၡါယၤ 19:17

ပှၤအဲၤကူပတူးဖိတဖၣ်ကပျံၤကီၢ်ယူဒၤနးနးကလဲာ်ဖဲအဝဲသ့ၣ် ဘၣ်တၢ်ဒုးသ့ၣ်နီၣ်ထီၣ်အီၤတဘျီလၢ်လၢ်ဘၣ်ဃးတၢ်ဟဲဝံလၢ ယွၤသ့တၢ်လၢာ်ကစၢ်ကတဲာ်ကတီၤပာ်စၢၤလၢအဝဲသ့ၣ်အဂီၢ်န့ၣ်လီၤ.

လံာ်ယၡါယၤ 20:3

ဖဲဝ့ၢ်အၤစဒိာ်ဘၣ်တၢ်ဒုးန့ၢ်အီၤဝံၤဒီး, ယွၤစံးဝဲဒၣ်, “ယခ့ယပှၤစီၤယၡါယၤဟးဝ့ၤဝီၤတ့ၢ်အိၣ်ဘ့ၣ်ဆ့အိၣ်ဘ့ၣ်ခီၣ် သၢနံၣ်လံလီၤ. အဝဲအံၤမ့ၢ်တၢ်ပနီၣ်တခါလၢတၢ်ကမၤအသး ဒီးကီၢ်အဲၤကူပတူးဒီးကီၢ်ကူၤၡးလီၤ.

လံာ်ယၡါယၤ 20:5

ပှၤလၢအနာ်ကီၢ်ကူၤၡးဒီးကတိၤဒိၣ်ကတိၤသွါကီၢ် အဲၤကူပတူးတဖၣ်ကပျံၤတၢ်ဒီးကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 23:5

ပှၤအဲၤကူပတူးဖိတဖၣ်ဒၣ်လဲာ်ကဖုးသံပျီၢ်ဂီၤဒီးဖံးသကုၣ် ခီသကုၣ်ဖဲအဝဲသ့ၣ်သ့ၣ်ညါဝဲလၢဝ့ၢ်ထါယၢၣ်ဘၣ်တၢ်မၤဟး ဂီၤအီၤလံန့ၣ်လီၤ.

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယံးရမံယၤ 49:21

ဖဲကီၢ်အဒိၣ်လီၤပှီၢ်န့ၣ်, တၢ်အသီၣ်ဖးဒိၣ်တမံၤ ကအိၣ်ထီၣ်ဝဲ တုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝဲ ဒီးတၢ်မၤဖုးမၤပျီၢ်အတၢ်ကိးထီၣ်တဖၣ် ကဘၣ်တၢ်နၢ် ဟူအီၤယံၤတုၤဝဲလၢ ပီၣ်လဲၣ်က့ၣ်ကျီၤအကၣ် ဘၣ်ဒၣ်လဲာ်န့ၣ်လီၤ.

လံာ်ယံးရမံယၤ 49:31

ဟဲဃီၤ, ပကလဲၤထီၣ်ဒုးပှၤဂီၢ်မုၢ်တဖၣ်လၢ အဆိကမိၣ် လီၤအသးလၢ အပူၤဖျဲးဒီးအိၣ်ဂၢၢ်ဆိးကျၢၤလံန့ၣ်တက့ၢ်. အဝဲသ့ၣ်အဝ့ၢ်တအိၣ်ဒီး တြဲၤတဖၣ်မ့ၢ်ဂ့ၤ နီၣ်ဝံာ်တံာ်တဖၣ်မ့ၢ်ဂ့ၤ ဘၣ်. ဒီးတၢ်ဒီဒၣ်အိၣ်ပှိၤအီၤတအိၣ်နီတမံၤဘၣ်.

လံာ်ယဃ့းစက့လး 24:14

ယၤ, ယွၤကတိၤတ့ၢ်တၢ်လီၤ. တၢ်ဆၢကတီၢ်ဘၣ်လၢယဂီၢ်လၢယကမၤတၢ်အဂီၢ်လံ. ယတကွၢ်ကပာ်ကွံာ်နတၢ်ဒဲးဘးတဖၣ်မ့ၢ်ဂ့ၤ, ဒုးနဲၣ်တၢ်သူၣ်အိၣ်သးအိၣ်မ့ၢ်ဂ့ၤအိၣ်ဒီးတၢ်သးကညီ နၤမ့ၢ်ဂ့ၤန့ၣ်ဘၣ်. နကဘၣ်တၢ်စံၣ်ညီၣ်နၤလၢတၢ်လၢ နမၤတ့ၢ်အီၤအဃိန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ယဃ့းစက့လး 27:35

ပှၤကိးဂၤလၢ အအိၣ်လၢပီၣ်လဲၣ်နံၤန့ၣ်ပျံၤတၢ်ဖုးတၢ်ဒီးအသးလီၤ ကတုၤလၢ နတၢ်ဟဲဝံဟဲစိာ်အဃိန့ၣ်လီၤ. အဝဲသ့ၣ်စီၤပၤတဖၣ် ဒၣ်လဲာ်ပျံၤတၢ်ဖုးတၢ်, ဒီးအမဲာ်သၣ်တဖၣ် ပှဲၤဒီးတၢ်ပျံၤတၢ်ဖုး န့ၣ်လီၤ.

လံာ်ယဃ့းစက့လး 33:33

ဘၣ်ဆၣ်တုၤနတၢ်ကတိၤတဖၣ်လၢထီၣ်ပှဲၤထီၣ်ဝဲ, ကလၢထီၣ် ပှဲၤထီၣ်ဝဲသပှၢ်ကတၢၢ်န့ၣ်, အန့ၣ်တစု, အဝဲသ့ၣ်ကသ့ၣ်ညါ ဝဲလၢဝံတဂၤအိၣ်ဝဲလၢအဝဲသ့ၣ်အကျါန့ၣ်လီၤ.”

လံာ်ယဃ့းစက့လး 38:11

နကပာ်လီၤနသးလၢနကလဲၤထီၣ်ဒုးထံကီၢ်တဘ့ၣ်လၢအမၤစၢၤ လီၤအသးတသ့ဘၣ်, ဖဲပှၤဂီၢ်မုၢ်အိၣ်ဆိးဝဲလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအပူၤ, လၢဝ့ၢ်တဖၣ်လၢအခိၣ်ဒူတအိၣ်ဘၣ်ဒီး တအိၣ်ဒီးတၢ်ဒီသဒၢအီၤနီတမံၤဘၣ်အပူၤန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ဧၤမိၣ် 4:2

ဒ်တၢ်စိတၢ်ကမီၤခဲလၢာ်အယွၤမ့ၢ်တၢ်စီတၢ်ဆှံအသိးန့ၣ်, အဝဲအၢၣ်လီၤတ့ၢ်ဝဲလၢ, မုၢ်နံၤတဖၣ်ကဟဲဝဲလၢသုကဘၣ်တၢ်ထုးသု လၢထးကွးတဖၣ်, ဒီးသုဝဲကိးဂၤဒဲးသုကလီၤဂာ်ဒီးညၣ်အိၣ် လၢတခွဲကနၣ်အလိၤန့ၣ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်စဖါနယၤ 2:12

ယွၤကမၤသံကွံာ်စ့ၢ်ကီးပှၤကူၤၡးဖိတဖၣ်န့ၣ်လီၤ.

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

၁ သ့းစၤလနံ 5:2

အဂ့ၢ်ဒ်အံၤ, ကစၢ်အမုၢ်တနံၤကဟဲဝဲဒၣ်သတူၢ်ကလာ်ဒ် တၢ်ဘျၣ်ဟဲဝဲလၢမုၢ်နၤခီအသိးန့ၣ်, သုနီၢ်ကစၢ်ဒၣ်သုဝဲ သုသ့ၣ်ညါဂ့ၤဂ့ၤလီၤ.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.