လံာ်ယဃ့းစက့လး 30:8 - Sgaw Karen Common Bible

⁸ ဖဲယဒွဲၣ်အူထီၣ် ကီၢ်အဲၤကူပတူးလၢမ့ၣ်အူဒီး အပှၤတြီဆၢတၢ်တဖၣ်ဘၣ်တၢ်မၤသံကွံာ်အီၤန့ၣ် အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 30:8 Iomraidhean Croise

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 58:11

ပှၤကစံးဝဲ, “မ့ၢ်မးခိၣ်ဖးအိၣ်လၢပှၤတီပှၤလိၤအဂီၢ်, မ့ၢ်မးကစၢ်ယွၤအိၣ်ဝဲလၢအကစံၣ်ညီၣ်တၢ်လၢ ဟီၣ်ခိၣ်ချၢန့ၣ်လီၤ.”

လံာ်ယၡါယၤ 42:25

လၢတၢ်န့ၣ်အဃိ, အဝဲဒၣ်ဒုးကလၢၢ်ပှၤလၢအတၢ်သးဒိၣ်အသဟီၣ် ဒီးဒုးတူၢ်ပှၤတၢ်ဒုးတၢ်ယၤအတၢ်မၤဆူၣ်မၤစိးန့ၣ်လီၤ. ဒ်မ့ၣ်အူအီၣ်တၢ်အသိးအတၢ်သးထီၣ်အီၣ်တၢ်သကုၤကီၢ်အံၣ်စရ့လး လီၤ. ဘၣ်ဆၣ်ဒီးတၢ်မနုၤမနုၤမၤအသးန့ၣ် ပတနၢ်ပၢၢ်နီတစုဘၣ်. လၢတၢ်အံၤန့ၣ်, ပတမၤလိတ့ၢ်တၢ်နီတမံၤဘၣ်.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်ယဃ့းစက့လး 28:24

ယွၤစံးဝဲဒၣ်, “ပှၤကလုာ်တဖၣ်လၢအအိၣ်ဝးတရံးကီၢ်အံၣ်စရ့လး, လၢအမၤတရီတပါအီၤန့ၣ်, တကဲထီၣ်လၢၤတၤဆှုၣ်တၤမဲတဖၣ် လၢကမၤဆါကဒီးအီၤနီတဖုလၢၤဘၣ်. ဒီးအဝဲသ့ၣ်ကသ့ၣ်ညါဝဲ လၢယမ့ၢ်ယွၤပၢဘၣ်တၢ်ခဲလၢာ်အကစၢ်န့ၣ်လီၤ.”

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ယဃ့းစက့လး 29:6

အန့ၣ်တစုကီၢ်အဲၤကူပတူး အပှၤဂီၢ်မုၢ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.” ယွၤစံးဝဲဒၣ်, “ပှၤအံၣ်စရ့လးဖိတဖၣ်သန့ၤ အသးလၢနပှၤအဲၤကူပတူးဖိတဖၣ်, လၢတၢ်မၤစၢၤအဂီၢ်န့ၣ်လီၤ. ဘၣ်ဆၣ် နတဂ့ၤဘၣ်ထဲသိး နီၣ်က့လၢအစၢ်တဘိန့ၣ်ဘၣ်.

လံာ်ယဃ့းစက့လး 29:9

ကီၢ်အဲၤကူပတူး ကကဲထီၣ်တၢ်အိၣ်ကလီအလီၢ်တပူၤလၢအဘျုး တအိၣ်ဘၣ်န့ၣ်လီၤ. အန့ၣ်ဒီးနကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 30:14

ယကဒုးအိၣ်သယုၢ် ကီၢ်အဲၤကူပတူးကလံၤထံးဒီး ဒွဲၣ်အူကွံာ်ဝ့ၢ်စိၤဧၢ်လၢကလံၤထံးတကပၤန့ၣ်လီၤ. ယကစံၣ်ညီၣ်သံဘံးအဝ့ၢ်ခိၣ်န့ၣ်လီၤ.

လံာ်ယဃ့းစက့လး 30:16

ယကဒွဲၣ်ကွံာ်ကီၢ်အဲၤကူပတူးလၢ မ့ၣ်အူဒီးဝ့ၢ်စံၤန့ၣ်ကအိၣ်လၢတၢ်သူၣ်အူသးကဲၤအပူၤန့ၣ် လီၤ. ဝ့ၢ်သံဘံးအခိၣ်ဒူတဖၣ်ကဘၣ်တၢ်မၤလီၤပှီၢ်ကွံာ်အီၤဒီး ဝ့ၢ်န့ၣ်ကဘၣ်တၢ်လုၣ်ဘၢအီၤလၢထံန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ဧၤမိၣ် 1:10

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ထါယၢၣ်အခိၣ် ဒူတဖၣ်အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ဧၤမိၣ် 1:12

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်တ့ၤမၣ်ဒီးဒွဲၣ်အူကွံာ် အတိာ်ဧိၤတာ်ဧိၤလၢဘိးစရၤတဖၣ်န့ၣ်လီၤ.”

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 1:4

မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 1:7

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ဂါစၤအခိၣ်ဒူတဖၣ် အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.