လံာ်ယဃ့းစက့လး 30:4 - Sgaw Karen Common Bible

⁴ တၢ်ဒုးကအိၣ်ဝဲလၢကီၢ်အဲၤကူပတူးအပူၤဒီး တၢ်ကိၢ်တၢ်ဂီၤဖးဒိၣ်လၢကီၢ်ကူၤၡးအပူၤန့ၣ်လီၤ. ပှၤအါဂၤလၢ ကီၢ်အဲၤကူပတူးအပူၤကဘၣ်တၢ်မၤသံအီၤလီၤ. ထံကီၢ်ကဘၣ်တၢ်ဂုာ်န့ၢ်ဆူၣ်အီၤဒီး ပာ်လီၤတဲာ်တ့ၢ်အီၤလၢ တၢ်ဟးဂီၤတဖၣ်အပူၤန့ၣ်လီၤ.

လံာ်ယဃ့းစက့လး 30:4 Iomraidhean Croise

လံာ်ယၡါယၤ 16:7

ပှၤမိၤအးဖိတဖၣ်ကဟီၣ်ဝဲယၢၤဝဲလၢအဘၣ်တူၢ်တၢ်နးတၢ်ဖှီၣ် အဃိလီၤ. အဝဲသ့ၣ်ခဲလၢာ်ကဟီၣ်ဝဲယၢၤဝဲဖဲ အသ့ၣ်နီၣ်ထီၣ်တၢ်အီၣ်အဝံၣ်လၢအဝဲသ့ၣ်အီၣ်ညီနူၢ်ဝဲ လၢဝ့ၢ်ကံၢ်ဃရ့ၡးအပူၤလီၤ. အဝဲသ့ၣ်ကတုၤဆူတၢ်သးဟးဂီၤအပူၤလီၤ.

လံာ်ယၡါယၤ 18:1

လၢကီၢ်ကူၤၡးအထံကျိတဖၣ်အဝၢ်ဘးခီန့ၣ်, ကီၢ်အိၣ်ဝဲတဘ့ၣ်လၢတၢ်နၢ်ဟူဘၣ်အဒံးဆ့တဖၣ် အတၢ်သီၣ်ထီၣ်လီၤ.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယၡါယၤ 20:3

ဖဲဝ့ၢ်အၤစဒိာ်ဘၣ်တၢ်ဒုးန့ၢ်အီၤဝံၤဒီး, ယွၤစံးဝဲဒၣ်, “ယခ့ယပှၤစီၤယၡါယၤဟးဝ့ၤဝီၤတ့ၢ်အိၣ်ဘ့ၣ်ဆ့အိၣ်ဘ့ၣ်ခီၣ် သၢနံၣ်လံလီၤ. အဝဲအံၤမ့ၢ်တၢ်ပနီၣ်တခါလၢတၢ်ကမၤအသး ဒီးကီၢ်အဲၤကူပတူးဒီးကီၢ်ကူၤၡးလီၤ.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယံးရမံယၤ 50:15

ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်. မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.

လံာ်ယဃ့းစက့လး 28:23

ယကဆှၢလီၤတၢ်ဆူးတၢ်ဆါတဖၣ်လၢနလိၤဒီး ယကဒုးယွၤလီၤ တၢ်သွံၣ်လၢနကျဲမုၢ်တဖၣ်အပူၤန့ၣ်လီၤ. နကဘၣ်တၢ်ဟဲထီၣ်ဒုးနၤလၢအကပၤကပၤဒီး နပှၤဂီၢ်မုၢ်ကဘၣ်တၢ်မၤသံကွံာ်အီၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 29:12

ယကဒုးကဲထီၣ် ကီၢ်အဲၤကူပတူးလၢထံကီၢ်တဘ့ၣ်လၢအအိၣ် လီၤဃီကတၢၢ်ဟီၣ်ခိၣ်ချၢန့ၣ်လီၤ. လၢအနံၣ်လွံၢ်ဆံအတီၢ်ပူၤ ကီၢ်အဲၤကူပတူးအဝ့ၢ်တဖၣ် ကအိၣ်လၢတၢ်ဟးဂီၤအပူၤ, တၢ်ဟးဂီၤလၢကအၢဒိၣ်န့ၢ်ဒံးဝ့ၢ်အဂၤတဖၣ်တက့ၢ်န့ၣ်လီၤ. ယကဒုးကဲထီၣ် ပှၤအဲၤကူပတူးဖိတဖၣ်လၢပှၤတဖၣ်လၢ အဃ့ၢ်ပူၤဖျဲးအသးဆူထံကီၢ်အဂၤန့ၣ်လီၤ. အဝဲသ့ၣ်ကဃ့ၢ်ကွံာ်ဆူကယဲၢ်ထံကီၢ်တဖၣ်ဒီး ကအိၣ်ဆိးလၢ ပှၤဂီၢ်မုၢ်အဂၤတဖၣ်အကျါန့ၣ်လီၤ.”

လံာ်ယဃ့းစက့လး 29:19

အဃိသတးဒီး, ခဲကနံၣ်အံၤ, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယဟ့ၣ်လီၤကွံာ် ကီၢ်အဲၤကူပတူးဆူစီၤပၤနဘူၤကးန့စၢ်အအိၣ်လံ. အဝဲကဂုာ်န့ၢ်ဒီးဟံးန့ၢ်ဆူၣ်ဒီးစိာ်ထီၣ်ကွံာ်ကယဲၢ် ကီၢ်အဲၤကူပတူးအတၢ်ထူးတၢ်တီၤ ခဲလၢာ်ဒ်အမ့ၢ်တၢ်ဘူး တၢ်လဲလၢအဝဲအသုးမုၢ်အဂီၢ်န့ၣ်လီၤ.

လံာ်ယဃ့းစက့လး 29:8

အန့ၣ်ဒီးခဲအံၤ, ယၤယွၤပၢဘၣ်တၢ်ခဲလၢာ် ကစၢ်စံး ဘၣ်နၤလၢယကမၤန့ၢ် ပှၤပိာ်ခွါတဖၣ်လၢ အကဟဲထီၣ်ဒုးနၤလၢနးတဖၣ်ဒီး အဝဲသ့ၣ်ကမၤသံကွံာ် နပှၤဂီၢ်မုၢ်ဒီး နဆၣ်ဖိကီၢ်ဖိတဖၣ်န့ၣ်လီၤ.

လံာ်ယဃ့းစက့လး 38:5

ပှၤပိာ်ခွါတဖၣ်လၢကီၢ်ပၤရၣ်, ကီၢ်ကူၤၡးဒီးကီၢ်လံးဘယၣ်အိၣ် ဒီးအီၤဒီးအဝဲသ့ၣ်ခဲလၢာ်အိၣ်ဒီးကတီၤတဖၣ်ဒီးခိၣ်ကုာ်သုးတဖၣ် န့ၣ်လီၤ.

လံာ်ဒၤနံးယ့လး 11:43

ကစိာ်ကွံာ်ဝဲကီၢ်အဲၤကူပတူးအတၢ်ထူးတၢ်တီၤတဖၣ်, ထူ, စ့ဒီးတၢ်လုၢ်ဒိၣ်ပှ့ၤဒိၣ်ခဲလၢာ်လၢတၢ်ခူသူၣ်အလီၢ်အပူၤန့ၣ်လီၤ. ဒီးကမၤနၢၤပှၤလံးဘယၣ်ဖိအကီၢ်ဒီးပှၤကူၤၡးဖိအကီၢ် န့ၣ်လီၤ.

လံာ်စဖါနယၤ 2:12

ယွၤကမၤသံကွံာ်စ့ၢ်ကီးပှၤကူၤၡးဖိတဖၣ်န့ၣ်လီၤ.