လံာ်ယဃ့းစက့လး 30:25 - Sgaw Karen Common Bible

²⁵ မ့ၢ်လီၤ, ယကမၤစၢ်လီၤကွံာ်အဝဲအဂံၢ်အဘါဒီးမၤဆူၣ်ထီၣ် ကီၢ်ဘၤဘူၤလိၣ်အစီၤပၤအဂံၢ်အဘါန့ၣ်လီၤ. ဖဲယဟ့ၣ်ဃီၤ အီၤယနးဒီးအဝဲယူာ်ဃီၤဝဲဆူကီၢ်အဲၤကူပတူးန့ၣ်, ပှၤကိးဂၤဒဲး ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 30:25 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 21:16

စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ယဃ့းစက့လး 29:21

ဖဲတၢ်န့ၣ်မၤအသးဒီး ယကဒုးဆူၣ်ထီၣ် ကီၢ်အံၣ်စရ့လးအပှၤဂီၢ်မုၢ်ဒီးပျဲနၤ, စီၤယဃ့းစက့လး ကတိၤတၢ်ဖဲပှၤကိးဂၤဒဲးနၢ်ဟူဝဲသ့, ဒ်သိးအဝဲသ့ၣ်ကသ့ၣ်ညါ ဝဲလၢ ယမ့ၢ်ယွၤန့ၣ်လီၤ.”

လံာ်ယဃ့းစက့လး 30:19

တုၤယစံၣ်ညီၣ်ကီၢ်အဲၤကူပတူးလၢကျဲဒ်အံၤအပူၤန့ၣ်အဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:24

အန့ၣ်ဝံၤဒီးယကမၤဆူၣ်ထီၣ်ကီၢ်ဘၤဘူၤလိၣ်အစီၤပၤအစုဒုၣ်တဖၣ် ဒီးပာ်လီၤယနးလၢအစုပူၤန့ၣ်လီၤ. ဘၣ်ဆၣ်ယကမၤကၢ်ကွံာ်ကီၢ်အဲၤကူပတူးအစီၤပၤအစု ဒုၣ်တဖၣ်ဒီးအဝဲကကအုကစွါဒီးသံကွံာ်လၢအဒုၣ်အဒါတဖၣ် အမဲာ်ညါန့ၣ်လီၤ.

လံာ်ယဃ့းစက့လး 30:26

ယကမၤလီၤပြံလီၤပြါပှၤအဲၤကူပတူးဖိတဖၣ်သကုၤဟီၣ်ခိၣ်ဒီဘ့ၣ် ညါန့ၣ်လီၤ. အန့ၣ်တစုအဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 32:15

ဖဲယဒုးအိၣ်သယုၢ်အိၣ်ကလီကီၢ်အဲၤကူပတူးဒီးမၤဟးဂီၤကယဲၢ် ပှၤလၢအအိၣ်ဆိးဖဲန့ၣ်ခဲလၢာ်ဒီးအဝဲသ့ၣ်ကသ့ၣ်ညါဝဲလၢယမ့ၢ် ယွၤန့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်စီၤယိၤၡူ 8:18

အန့ၣ်ဒီးယွၤစံးဘၣ်စီၤယိၤၡူ, “ယူာ်ထီၣ်ဘီလၢအအိၣ်လၢနစုပူၤတဘိဆူဝ့ၢ်ဂဲန့ၣ်တက့ၢ်. ယကဟ့ၣ်လီၤအီၤလၢနစုပူၤလီၤ.” ဒီးစီၤယိၤၡူမၤဝဲဒ်တၢ်စံးဘၣ်အီၤအသိးန့ၣ်လီၤ.