လံာ်ယဃ့းစက့လး 30:14 - Sgaw Karen Common Bible

¹⁴ ယကဒုးအိၣ်သယုၢ် ကီၢ်အဲၤကူပတူးကလံၤထံးဒီး ဒွဲၣ်အူကွံာ်ဝ့ၢ်စိၤဧၢ်လၢကလံၤထံးတကပၤန့ၣ်လီၤ. ယကစံၣ်ညီၣ်သံဘံးအဝ့ၢ်ခိၣ်န့ၣ်လီၤ.

လံာ်ယဃ့းစက့လး 30:14 Iomraidhean Croise

စံးထီၣ်ပတြၢၤ 78:12

လၢအပၢ်တဖၣ်အမဲာ်ညါန့ၣ်, ကစၢ်ယွၤမၤတၢ်လီၤလးတဖၣ် လၢကီၢ်အဲၤကူပတူးအပူၤ, ဒီးစိၤဧၣ်အပျီပူၤန့ၣ်လီၤ.

စံးထီၣ်ပတြၢၤ 78:43

ဒီးအမၤတၢ်အဒိၣ်ဒီးတၢ်ပနီၣ်လီၤလးတဖၣ် လၢကီၢ်အဲၤကူပတူးအပူၤဒီး လၢစိၤဧၣ်အပျီပူၤန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 19:11

ဝ့ၢ်စိၤဧၣ်အခိၣ်အနၢ်တဖၣ်မ့ၢ်ပှၤအပျုၢ်တဖၣ်လီၤ. ကီၢ်အဲၤကူပတူးအပှၤကူၣ်သ့ကတၢၢ်တဖၣ်ဟ့ၣ်ကူၣ်တၢ်လၢတၢ် သးတဆးအပူၤလီၤ. အဝဲသ့ၣ်တဲစီၤပၤလၢအဝဲသ့ၣ်မ့ၢ်ပှၤ လီၤစၢၤလီၤသွဲၣ်လၢပှၤကူၣ်သ့ဒီးစီၤပၤလၢပျၢၤတဖၣ်ဘူၣ် ဝဲဒ်လဲၣ်.

လံာ်ယၡါယၤ 19:13

ဝ့ၢ်စိၤဧၣ်ဒီးဝ့ၢ်မဲဖံးအခိၣ်အနၢ်တဖၣ်မ့ၢ်ပှၤဟးဂီၤဖိတဖၣ်လီၤ. အဝဲသ့ၣ်ကဘၣ်ဆှၢအပှၤကလုာ်, ဘၣ်ဆၣ်ဒီး, အဝဲသ့ၣ်ဆှၢကမၣ်အီၤလီၤ.

လံာ်ယၡါယၤ 30:4

အဝဲသ့ၣ်အထံကီၢ်ခၢၣ်စးတဖၣ်မ့ၢ်လဲၤတုၤလံဆူပှၤအဲၤကူပတူး ဖိအဝ့ၢ်တဖၣ်လၢအမ့ၢ်ဝဲစိၤဧၣ်ဒီးဃါန့ၤဒၣ်လဲာ်န့ၣ်,

လံာ်ယံးရမံယၤ 44:1

ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.

လံာ်ယံးရမံယၤ 44:15

အန့ၣ်ဝံၤဒီး, ပှၤပိာ်ခွါခဲလၢာ်လၢ အသ့ၣ်ညါတ့ၢ်ဝဲ လၢအမါတဖၣ် လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်အဂၤတဖၣ်, ဒီးပိာ်မုၣ်ခဲလၢာ်လၢ အဆၢ ထၢၣ်ဖဲန့ၣ် ဃုာ်ဒီးပှၤအံၣ်စရ့လးဖိတဖၣ်လၢအအိၣ် အဆိးလၢကီၢ်အဲၤကူပတူးအကလံၤထံး, ပှၤဂီၢ်မုၢ်ဖးဒိၣ် တဖုန့ၣ်စံးဘၣ်ယၤ,

လံာ်ယံးရမံယၤ 46:25

ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, ယကစံၣ်ညီၣ်ဝ့ၢ်သံဘံးအကစၢ်ဧၣ်မိၣ်, ဃုာ်ဒီး ကီၢ်အဲၤကူပတူးဒီး အကစၢ်တဖၣ်ဒီး အစီၤပၤတဖၣ်န့ၣ်လီၤ. ယကဟံးထီၣ်ကွံာ် ကီၢ်အဲၤကူပတူး အစီၤပၤဒီးကယဲၢ်ပှၤခဲ လၢာ်လၢ အပာ်အတၢ်နာ်လၢအပူၤ,

လံာ်ယဃ့းစက့လး 29:14

ဒီးယကဒုးအိၣ်ဆိးအဝဲသ့ၣ်လၢကီၢ်အဲၤကူပတူးကလံၤထံး, လၢအမ့ၢ်အဝဲသ့ၣ်အဟံၣ်အဃီ အဂံၢ်ထံးန့ၣ်လီၤ. ဖဲန့ၣ်အဝဲသ့ၣ်ကမ့ၢ်ဘီမုၢ်လၢ အဂံၢ်စၢ်ဘါစၢ်တဘ့ၣ်,

လံာ်ယဃ့းစက့လး 29:19

အဃိသတးဒီး, ခဲကနံၣ်အံၤ, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယဟ့ၣ်လီၤကွံာ် ကီၢ်အဲၤကူပတူးဆူစီၤပၤနဘူၤကးန့စၢ်အအိၣ်လံ. အဝဲကဂုာ်န့ၢ်ဒီးဟံးန့ၢ်ဆူၣ်ဒီးစိာ်ထီၣ်ကွံာ်ကယဲၢ် ကီၢ်အဲၤကူပတူးအတၢ်ထူးတၢ်တီၤ ခဲလၢာ်ဒ်အမ့ၢ်တၢ်ဘူး တၢ်လဲလၢအဝဲအသုးမုၢ်အဂီၢ်န့ၣ်လီၤ.

လံာ်ယဃ့းစက့လး 30:15

ယကဒုးကလၢၢ်ဘၣ်, ကီၢ်အဲၤကူပတူးအဝ့ၢ်ဖးဒိၣ်လၢအအိၣ်ဒီး တိာ်ခၢၣ်သနၢၣ်, ဝ့ၢ်စံၤလၢယတၢ်သးကဲၤထီၣ်န့ၣ်လီၤ. ယကမၤဟးဂီၤကွံာ်သံဘံးအတၢ်ထူးတၢ်တီၤန့ၣ်လီၤ.

လံာ်ယဃ့းစက့လး 30:16

ယကဒွဲၣ်ကွံာ်ကီၢ်အဲၤကူပတူးလၢ မ့ၣ်အူဒီးဝ့ၢ်စံၤန့ၣ်ကအိၣ်လၢတၢ်သူၣ်အူသးကဲၤအပူၤန့ၣ် လီၤ. ဝ့ၢ်သံဘံးအခိၣ်ဒူတဖၣ်ကဘၣ်တၢ်မၤလီၤပှီၢ်ကွံာ်အီၤဒီး ဝ့ၢ်န့ၣ်ကဘၣ်တၢ်လုၣ်ဘၢအီၤလၢထံန့ၣ်လီၤ.

လံာ်ယဃ့းစက့လး 30:19

တုၤယစံၣ်ညီၣ်ကီၢ်အဲၤကူပတူးလၢကျဲဒ်အံၤအပူၤန့ၣ်အဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:8

ဖဲယဒွဲၣ်အူထီၣ် ကီၢ်အဲၤကူပတူးလၢမ့ၣ်အူဒီး အပှၤတြီဆၢတၢ်တဖၣ်ဘၣ်တၢ်မၤသံကွံာ်အီၤန့ၣ် အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်နၤဃူၣ် 3:8

ဝ့ၢ်နံၤနဝ့ဧၢ, မ့ၢ်နဂ့ၤန့ၢ်ပှၤအဲၤကူပတဲးဖိအဝ့ၢ်ခိၣ်ဝ့ၢ်သံဘံးတက့ၢ်ဧါ. အဝဲစ့ၢ်ကီးအိၣ်ဒီးထံကျိတဘိလၢကဒီဒၣ်အီၤဒ်ဝ့ၢ်ခိၣ်ဒူတခါအသိး, ထံကျိနံၤလါမ့ၢ်အတိာ်အတာ်န့ၣ်လီၤ.

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)