လံာ်ယဃ့းစက့လး 30:13 - Sgaw Karen Common Bible

¹³ ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၤဟးဂီၤကွံာ်တၢ်ဂီၤ တၢ်ဖီၣ်တဖၣ်ဒီးယွၤအတမ့ၢ်တတီတဖၣ်လၢဝ့ၢ်မဲဖံးအပူၤန့ၣ်လီၤ. ပှၤလၢအကပၢကီၢ်အဲၤကူပတူး တအိၣ်လၢၤ နီတဂၤဘၣ်ဒီးယကမၤပျံၤမၤဖုးကယဲၢ်ပှၤဂီၢ်မုၢ်ခဲလၢာ်န့ၣ်လီၤ.

လံာ်ယဃ့းစက့လး 30:13 Iomraidhean Croise

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်ယၡါယၤ 2:18

တၢ်ဂီၤတၢ်ဖီၣ်တဖၣ်ကဟါမၢ်ကွံာ်ဝဲလၢာ်လၢာ်ဆ့ဆ့ဒီးထဲယွၤ တဂၤဧိၤကဘၣ်တၢ်ပာ်ထီၣ်ထီအီၤလၢမုၢ်နံၤအဝဲန့ၣ်, န့ၣ်လီၤ.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 2:16

မ့ၢ်လီၤ. ပှၤတဖၣ်လၢဝ့ၢ်မဲဖံးဒီးပှၤတၤပါန့ၤဖိ မၤသ့ၣ်ဖးတ့ၢ်အခိၣ်ကုန့ၣ်လီၤ.

လံာ်ယံးရမံယၤ 43:12

ယကဒွဲၣ်အူထီၣ်ကီၢ်အဲၤကူပတူး အကစၢ်တဖၣ် အတၢ်လုၢ်ဟံၣ်တဖၣ်, ဒီးကီၢ်ဘၤဘူၤလိၣ် အစီၤပၤကဒွဲၣ်အူထီၣ်အဝဲသ့ၣ်အကစၢ်တဖၣ်မ့ၢ်ဂ့ၤ, ဒီး စိာ်ကွံာ်အီၤမ့ၢ်ဂ့ၤန့ၣ်လီၤ. ဒ်ပှၤကွၢ်သိတဂၤ မၤပျီကွံာ်သူၣ်လၢ အကူအကၤအလိၤအသိးန့ၣ်, ကီၢ်ဘၤဘူၤလိၣ်အစီၤပၤကဂုာ်န့ၢ်ကွံာ် ကီၢ်အဲၤကူပတူးခဲလၢာ်, ဒီးဟးထီၣ် ကွံာ်လၢ တၢ်မၤနၢၤဖးဒိၣ်အပူၤန့ၣ်လီၤ.

လံာ်ယံးရမံယၤ 43:13

အဝဲကမၤဟးဂီၤကွံာ်တၢ်သ့ၣ်နီၣ် အလၢၢ်စီဆှံတဖၣ်လၢ အအိၣ်ဖဲ ဝ့ၢ်ဟဲလံအီၣ်ဖိလံာ်လၢ ကီၢ်အဲၤကူပတူးအပူၤဒီး ကဒွဲၣ်အူထီၣ်ကွံာ် ပှၤအဲၤကူပတူးဖိ အကစၢ်တဖၣ် အတၢ်လုၢ်လီၢ်တဖၣ်န့ၣ်လီၤ.”

လံာ်ယံးရမံယၤ 44:1

ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 46:19

သုဝဲကီၢ်အဲၤကူပတူးအပှၤဂီၢ်မုၢ်သ့ၣ်ဧၢ, အိၣ်ကတဲာ်ကတီၤသုသးလၢ သုကလဲၤကဲ ကုၢ်အဂီၢ်တက့ၢ်. ဝ့ၢ်မဲဖံးကဘၣ်တၢ်ဒုးကဲထီၣ်အီၤဆူ မဲးမုၢ်ခိၣ်တတီၤ, တၢ်ဟးဂီၤအလီၢ်တပူၤဖဲ ပှၤတအိၣ်တဆိးနီတဂၤ ဘၣ်န့ၣ်လီၤ.

လံာ်ယံးရမံယၤ 46:25

ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, ယကစံၣ်ညီၣ်ဝ့ၢ်သံဘံးအကစၢ်ဧၣ်မိၣ်, ဃုာ်ဒီး ကီၢ်အဲၤကူပတူးဒီး အကစၢ်တဖၣ်ဒီး အစီၤပၤတဖၣ်န့ၣ်လီၤ. ယကဟံးထီၣ်ကွံာ် ကီၢ်အဲၤကူပတူး အစီၤပၤဒီးကယဲၢ်ပှၤခဲ လၢာ်လၢ အပာ်အတၢ်နာ်လၢအပူၤ,

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယဃ့းစက့လး 30:16

ယကဒွဲၣ်ကွံာ်ကီၢ်အဲၤကူပတူးလၢ မ့ၣ်အူဒီးဝ့ၢ်စံၤန့ၣ်ကအိၣ်လၢတၢ်သူၣ်အူသးကဲၤအပူၤန့ၣ် လီၤ. ဝ့ၢ်သံဘံးအခိၣ်ဒူတဖၣ်ကဘၣ်တၢ်မၤလီၤပှီၢ်ကွံာ်အီၤဒီး ဝ့ၢ်န့ၣ်ကဘၣ်တၢ်လုၣ်ဘၢအီၤလၢထံန့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်စကၤရယၤ 10:11

ဖဲအဝဲသ့ၣ်ခီဂာ်အတၢ်ကီတၢ်ခဲအပီၣ်လဲၣ်န့ၣ်, ယဲဒၣ်, ယွၤ, ယကတီၢ်လပီတဖၣ် ဒီးထံကျိနံၤလါအတၢ်ယိာ်အထံကလီၤသံးကွံာ် ခဲလၢာ်လီၤ. ကီၢ်အၤၡူၢ်လၢအပာ်ထီၣ်ထီအသးန့ၣ် ကဘၣ်တၢ်ဆီၣ်လီၤကွံာ်အီၤ, ဒီးကီၢ်အဲၤကူပတူးလၢအဂံၢ်ဆူၣ်ဘါဆူၣ်အစိကမီၤကဟးဂီၤန့ၢ် အီၤလီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.