လံာ်ယဃ့းစက့လး 30:1 - Sgaw Karen Common Bible

^1-2 ယွၤကတိၤကဒီးတၢ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်လၢဝံအကျိာ်ဒီး ဘိးဘၣ်သ့ၣ်ညါတၢ်လၢယၤယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. နကဘၣ်ကိးပသူထီၣ်တၢ်ကတိၤတဖၣ်အံၤလီၤ. တၢ်လီၤပျံၤလီၤဖုးအမုၢ်နံၤ တနံၤဟဲလံဝဲလံ.

လံာ်ယဃ့းစက့လး 30:1 Iomraidhean Croise

လံာ်ယၡါယၤ 19:19

တုၤတၢ်ဆၢကတီၢ်န့ၣ်ဟဲဝဲဒီး, ကီၢ်အဲၤကူပတူးကအိၣ်ဒီးတၢ်လုၢ်လီၢ်လၢယွၤအဂီၢ်ဒီးလၢၢ် ထူၣ်တထူၣ်ကဘၣ်တၢ်ပာ်စီဆှံအီၤလၢယွၤအဂီၢ်ဖဲကီၢ်အဲၤကူပ တူးအဆၢန့ၣ်လီၤ.

လံာ်ယံးရမံယၤ 43:11

စီၤနဘူၤကးန့ စၢ်ကဟဲဒီး မၤနၢၤကီၢ်အဲၤကူပတူးန့ၣ်လီၤ. ပှၤဂီၢ်မုၢ်တဖၣ်လၢ ကဘၣ်တၢ်စံၣ်ညီၣ်ဃါ မနၤလၢ ကဘၣ်သံလၢ တၢ်ဆူးတၢ်ဆါအဃိန့ၣ် ကသံလၢ တၢ်ဆူးတၢ်ဆါ, ပှၤတဖၣ်လၢ ကဘၣ်တၢ်စံၣ်ညီၣ်ဃါ မနၤလၢ တၢ်စိာ်မၢကဲကုၢ်ကဘၣ် တၢ်စိာ်မၢကဲကုၢ်ကွံာ်အီၤ, ဒီး ပှၤတဖၣ်လၢ ကဘၣ်တၢ်စံၣ်ညီၣ်ဃါမနၤလၢ ကဘၣ်သံ လၢ တၢ်ဒုးအပူၤန့ၣ်, ကဘၣ်တၢ်မၤသံအီၤလၢ တၢ်ဒုးအပူၤန့ၣ်လီၤ.

လံာ်ယံးရမံယၤ 43:8

ဖဲန့ၣ်ယွၤစံးဘၣ်ယၤ, “ဟံးန့ၢ်လၢၢ်ဖးဒိၣ်တနီၤဒီး ဘျၢလီၤလၢလၢၢ်ဘ့ၣ်ဘၣ်ဒါလီၤအသးတဖၣ် အဖီလာ်ဖဲကျဲစၢၤလဲၤနုာ်ဆူ ဝ့ၢ်အံၤအပူၤ ပဒိၣ်အတၢ်သူၣ်ထီၣ်အမဲာ်ညါဒီးပျဲပှၤအံၣ်စရ့လးဖိတနီၤ ထံၣ်ဘၣ်နမၤတၢ်အံၤန့ၣ်တက့ၢ်.

လံာ်ယံးရမံယၤ 46:1

ယွၤကတိၤတၢ်ဒီး ယၤဘၣ်ဃးဒီးပှၤကလုာ်တဖၣ်အဂ့ၢ်,

လံာ်ယဃ့းစက့လး 29:17

လၢပဘၣ်တၢ်စိာ်မၢကဲကုၢ်ပှၤပှဲၤထီၣ်ခံဆံနွံနံၣ်လါအခီၣ်ထံးတလါ, လါထီၣ်တသီအနံၤန့ၣ် ယွၤကတိၤတၢ်ဒီးယၤလီၤ.

လံာ်ယဃ့းစက့လး 29:2

အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢကီၢ်အဲၤကူပတူး အစီၤပၤကြၢးဘၣ်တၢ်စံၣ်ညီၣ်တက့ၢ်. တဲဘၣ်အီၤလၢအဝဲဒီး ကီၢ်အဲၤကူပတူးဒီဘ့ၣ် ကဘၣ်တၢ်စံၣ်ညီၣ်ဒ်လဲၣ်န့ၣ်တက့ၢ်.

လံာ်ယဃ့းစက့လး 29:21

ဖဲတၢ်န့ၣ်မၤအသးဒီး ယကဒုးဆူၣ်ထီၣ် ကီၢ်အံၣ်စရ့လးအပှၤဂီၢ်မုၢ်ဒီးပျဲနၤ, စီၤယဃ့းစက့လး ကတိၤတၢ်ဖဲပှၤကိးဂၤဒဲးနၢ်ဟူဝဲသ့, ဒ်သိးအဝဲသ့ၣ်ကသ့ၣ်ညါ ဝဲလၢ ယမ့ၢ်ယွၤန့ၣ်လီၤ.”

လံာ်ယဃ့းစက့လး 32:32

ယမၢတ့ၢ်ကီၢ်အဲၤကူပတူးအစီၤပၤလၢကမၤပျံၤမၤဖုးပှၤမူတဖၣ်, ဘၣ်ဆၣ်အဝဲဒီးအသုးမုၢ်ကဘၣ် တၢ်မၤသံအီၤဒီးမံလီၤဝဲလၢတၢ်အိၣ်ဘှံးအပူၤဃုာ်ဒီးကယဲၢ် ပှၤလၢအတဒိးဘၣ်တၢ်ကူးတရံးတဖၣ်လၢအသံလၢတၢ်ဒုးအပူၤန့ၣ် လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.