လံာ်ယဃ့းစက့လး 3:9 - Sgaw Karen Common Bible

⁹ ယကဒုးကဲထီၣ်နၤ ပှၤဂၢၢ်ဝဲကျၢၤဝဲ ဒ်လၢၢ်တဖျၢၣ်အသိး, ကိၤဝဲဒ်လၢၢ်တၢ်မျၢ်တဖျၢၣ်အသိးန့ၣ်လီၤ. ပျံၤဘၣ်ပှၤပူထီၣ် တၢ်ဖိတဖၣ်န့ၣ်တဂ့ၤ.”

လံာ်ယဃ့းစက့လး 3:9 Iomraidhean Croise

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 50:7

ဘၣ်ဆၣ်ဒီးအဝဲသ့ၣ်အတၢ်ဒုၣ်ဒွဲၣ်တဖၣ်မၤဘၣ်ဒိဘၣ်ထံးယၤ တသ့ဘၣ်. အဂ့ၢ်ဒ်အံၤ, ယွၤပၢဘၣ်တၢ်ခဲလၢာ်အကစၢ်ဟ့ၣ်ယၤတၢ်မၤစၢၤလီၤ. ယသကံၢ်ထီၣ်ယသးလၢယကတူၢ်တၢ်သ့ၣ်တဖၣ်န့ၣ်အဂီၢ်လီၤ. ယသ့ၣ်ညါလၢယတဘၣ်တၢ်မၤမဲာ်ဆှးယၤဘၣ်,

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 1:8

ပျံၤအဝဲသ့ၣ်တဂ့ၤ. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ် အိၣ်ပှိၤနၤအဂီၢ်လီၤ. ယၤ, ယွၤအံၤ, ကတိၤတ့ၢ်လံတၢ်လံ.”

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 17:18

ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်ယဃ့းစက့လး 3:10

ကစၢ်ယွၤကတိၤဒံးတၢ်ဆူညါဒီး စံးဝဲ, “ပှၤကညီလၢအသံသ့ဧၢ, ပာ်သူၣ်ပာ်သး လီၤတံၢ်လီၤဆဲး သ့ၣ်နီၣ်ထီၣ်တၢ်ကိးမံၤဒဲးလၢ ယတဲဘၣ်နၤန့ၣ်တက့ၢ်.

လံာ်ယဃ့းစက့လး 3:8

ခဲအံၤ ယကဒုးကဲထီၣ်နၤ, ပှၤလၢအခိၣ်ကိၤဒီးအနၢ်ဘုစကုဒ် အဝဲသ့ၣ်အသိးန့ၣ်လီၤ.

လံာ်ယဃ့းစက့လး 44:6

တဲဘၣ်ကီၢ်အံၣ်စရ့လးအပှၤဂီၢ်မုၢ်လၢအပူထီၣ်တၢ်တဖၣ်လၢယၤ, ယွၤပၢဘၣ်တၢ်ခဲလၢာ်ကစၢ်တပျဲလၢၤဘၣ်, ဒီးတကွၢ်ကပာ် ကွံာ်ဘၣ်တၢ်လီၤသးဘၣ်အၢတဖၣ်လၢအဝဲသ့ၣ် မၤတ့ၢ်အီၤန့ၣ်လၢၤဘၣ်.

လံာ်မံကၤ 3:8

မ့မ့ၢ်ယဲဒၣ်အံၤ, ယွၤမၤပှဲၤယၤလၢအသးဒီးတၢ်စိတၢ်ကမီၤ, ဒီးဟ့ၣ်ယၤတၢ်သ့ၣ်ညါဘၣ်ဃးဒီးတၢ်စံၣ်ညီၣ်တီဒီးတၢ်သူၣ်ဒူ သးဒူလၢယကစံးဘၣ်တဲဘၣ်အံၣ်စရ့လးအပှၤဂီၢ်မုၢ်လၢ အတၢ်ဒဲးဘးတဖၣ်န့ၣ်လီၤ.

လံာ်စကၤရယၤ 7:12

ဒီးမၤကိၤအသးတဖၣ်, ကိၤဝဲဒ်လၢၢ်အသိးန့ၣ်လီၤ. မ့ၢ်လၢအဝဲသ့ၣ်တဒိကနၣ်တၢ်သိၣ်လိလၢယဟ့ၣ် လီၤခီဖျိဝံလၢပျၢၤတဖၣ်အဃိဒီးယသးထီၣ်ဒိၣ်မးလီၤ.

၁ တံၤမသ့း 2:3

တၢ်အံၤမ့ၢ်တၢ်အဂ့ၤဒီးမၤသးခုကစၢ်ယွၤပတၢ်အုၣ်က့ၤ ခီၣ်က့ၤကစၢ်,

၂ တံၤမသ့း 2:6

ပှၤထူစံာ်ဖိလၢအမၤတၢ်ဆူၣ်တဂၤန့ၣ်, ကြၢးဒိးန့ၢ်ဘၣ်တၤသူတၤသၣ်အဆိကတၢၢ်တဖၣ် န့ၣ်လီၤ.