လံာ်ယဃ့းစက့လး 3:3 - Sgaw Karen Common Bible

³ အဝဲစံးဝဲဒၣ်, “ပှၤကညီအသံသ့ဧၢ, အီၣ်လံာ်ထူလၢ ယဟ့ၣ်လီၤနၤအံၤတက့ၢ်. မၤပှဲၤနဟၢဖၢဒီး အီၤတက့ၢ်.” ယအီၣ်အီၤဒီး ဆၢဝဲလၢ ယကိာ်ပူၤ ဒ်ကနဲစီအသိးန့ၣ်လီၤ.

လံာ်ယဃ့းစက့လး 3:3 Iomraidhean Croise

လံာ်စီၤယိၤဘး 23:12

တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.

စံးထီၣ်ပတြၢၤ 119:103

လၢယလ့ၣ်ကွၢ်တၢ်န့ၣ် နကလုၢ်နကထါဆၢဆံးဒိၣ်လဲၣ်. ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤ.

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

စံးထီၣ်ပတြၢၤ 19:10

ပဆၢဒိးန့ၢ်ဘၣ်အီၤအလီၢ်အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီလၢအအါတက့ၢ်န့ၣ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအလီၤစီၤလၢ ကနဲအခိၣ်ထံအလိၤတက့ၢ်န့ၣ်လီၤ.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 6:11

ယွၤဧၢ, နတၢ်သးဒိၣ်ထီၣ်ထီဒါအဝဲသ့ၣ်န့ၣ်, အီၣ်ဂီၤတၢ်လၢယပူၤစ့ၢ်ကီး, ဒီးယပၢၤအီၤတန့ၢ်ယံာ်ယံာ်လၢၤဘၣ်.” အန့ၣ်ဒီးယွၤစံးဘၣ်တ့ၢ်ယၤ, “လူလီၤယတၢ် သးကဲၤထီၣ်လၢဖိသၣ်တဖၣ်လၢအအိၣ် လၢကျဲဘိတဖၣ်အပူၤအလိၤဒီးလၢပှၤပိာ်ခွါ သးစၢ်တဖၣ်လၢအပာ်ဖှိၣ်အသးအလိၤန့ၣ်တက့ၢ်. ဝၤတဖၣ်ဒီးမါတဖၣ်ကဘၣ်တၢ်စိာ်ယံၤကွံာ်အီၤ, ဒီးပှၤအသးပှၢ်ဒၣ်လဲာ်တဘၣ်တၢ်ပျဲပူၤအီၤဘၣ်.

လံာ်ယဃ့းစက့လး 2:10

စုတခီန့ၣ်သလၣ်ထီၣ်လံာ်ထူန့ၣ်, ဒီးယထံၣ်ဘၣ်လၢတၢ်ကွဲးအသး အိၣ်ခံကပၤလိာ်လီၤ. တၢ်ဟီၣ်တၢ်ယၢၤ, တၢ်ကအုကစွါဒီးတၢ်ကိးထီၣ်လၢတၢ်သူၣ်အုးသး အုးအပူၤတဖၣ်အိၣ်ကွဲးလီၤတ့ၢ်အသးဖဲန့ၣ်လီၤ.

လံာ်ယဃ့းစက့လး 2:8

ပှၤကညီလၢအသံသ့ဧၢ, ဒိကနၣ်တၢ်လၢယတဲဘၣ်နၤတက့ၢ်. ပူထီၣ်တၢ်ဒ်အဝဲသ့ၣ်အသိးတဂ့ၤ. အိးထီၣ်နကိာ်ပူၤဒီးအီၣ်တၢ် လၢယကဟ့ၣ်လီၤနၤန့ၣ်တက့ၢ်.”

လံာ်ယဃ့းစက့လး 3:4

ဝံၤဒီး ကစၢ်ယွၤစံးဝဲဒၣ်, ပှၤကညီလၢ အသံသ့ဧၢ, လဲၤဆူကီၢ်အံၣ်စရ့လး အပှၤဂီၢ်မုၢ်အအိၣ်ဒီး စံးဘၣ်အဝဲသ့ၣ်တၢ်တမံၤဂ့ၤတမံၤဂ့ၤလၢ ယတဲဘၣ်နၤလၢ နကစံးအီၤန့ၣ်တက့ၢ်.

လံာ်ယိၤဟၣ် 7:38

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအစူၢ်က့ၤနာ် က့ၤယၤန့ၣ်, ထံမူကျိတဖၣ်ကယွၤလီၤလၢအသးပူၤလီၤ.”

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.