လံာ်ယဃ့းစက့လး 3:23 - Sgaw Karen Common Bible

²³ လၢတၢ်န့ၣ်အဃိ, ယဟးထီၣ်ဒီး လဲၤဆူတၢ်တြီၤပူၤ, ဒီးဖဲန့ၣ် ယထံၣ်ဘၣ်ယွၤအလၤကပီၤ, ဒ်ယထံၣ်ဘၣ်တ့ၢ်အီၤဖဲထံကျိ ကတၢ်အနံၤအသိးန့ၣ်လီၤ. ယလီၤဃံၤအီထီလာ်လၢ ယမဲာ်သၣ်လၢဟီၣ်ခိၣ်လိၤ,

လံာ်ယဃ့းစက့လး 3:23 Iomraidhean Croise

လံာ်ယဃ့းစက့လး 1:28

အိၣ်ဒီးတၢၢ်ကွဲၤအလွဲၢ်တဖၣ်ခဲလၢာ်လၢအပူၤန့ၣ်လီၤ. အဝဲအံၤမ့ၢ်တၢ်ကပီၤလၢအဆဲးကပြုၢ်ကပြီၤလၢအဒုးနဲၣ်ယွၤ အတၢ်အိၣ်ဝဲန့ၣ်လီၤ.

လံာ်ယဃ့းစက့လး 10:18

ဝံၤဒီးယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤဟးထီၣ်ဝဲ လၢယွၤအတၢ်လုၢ်ဟံၣ်အကျဲစၢၤဒီးသုးအသးဆူတၢ်လီၢ်တတီၤလၢ အအိၣ်လၢတၢ်ဘၣ်တ့တဖၣ်အဖီခိၣ်န့ၣ်လီၤ.

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ယဃ့းစက့လး 43:3

တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်ယဃ့းစက့လး 44:4

အန့ၣ်ဝံၤဒီးပှၤတဂၤန့ၣ်ဆှၢဃီၤယၤခီဖျိကလံၤစိးအတြဲၤဖးဒိၣ်, ဆူယွၤအတၢ်လုၢ်ဟံၣ်အမဲာ်ညါန့ၣ်လီၤ. ဖဲယကွၢ်တၢ်အဖၢမုၢ်န့ၣ်, ယထံၣ်ဘၣ်လၢယွၤအတၢ်လုၢ်ဟံၣ်န့ၣ်ပှဲၤဒီးယွၤအိၣ်ဝဲဆိးဝဲ အတၢ်ကပီၤကပြုၢ်ကပြီၤန့ၣ်လီၤ. ယထိၣ်လီၤဃံၤယသးဒီး ကျးလီၤယမဲာ်ဆူဟီၣ်ခိၣ်လိၤ,

လံာ်ယဃ့းစက့လး 8:4

ဖဲန့ၣ်ယထံၣ်ဘၣ်တၢ်ကပီၤဆဲးကပြုၢ်ကပြီၤလၢအပာ်ဖျါထီၣ်ကီၢ် အံၣ်စရ့လးအကစၢ်ယွၤအတၢ်အိၣ်ဝဲ, ဒ်သိးဒၣ်ယထံၣ်ဘၣ်တ့ၢ်အီၤဖဲယအိၣ်လၢထံကျိကဘၢ်အနံၤ အခါန့ၣ်လီၤ.

လံာ်ယဃ့းစက့လး 9:3

ဝံၤဒီးကီၢ်အံၣ်စရ့လးအကစၢ်ယွၤအတၢ်အိၣ်ဝဲအတၢ်ကပီၤဆဲးက ပြုၢ်ကပြီၤထီၣ်ဝဲလၢတၢ်ဘၣ်တ့လၢအအိၣ်ဒီးအဒံးဆ့တဖၣ် အအိၣ်လၢတၢ်လီၢ်ဖဲအအိၣ်ဝဲ, ဒီးသုးအသးဆူယွၤအတၢ်လုၢ် ဟံၣ်အကျဲစၢၤန့ၣ်လီၤ. ယွၤကိးထီၣ်ဆူပှၤကူသိးတၢ်ဖှီဝါကဆှၣ်တဂၤအအိၣ်ဒီးစံးဝဲ,

လံာ်ဒၤနံးယ့လး 8:17

မူခိၣ်ကလူးကၤဘြံၤ အ့လးဟဲဒီးဆၢထၢၣ်တ့ၢ်ဝဲဖဲယကပၤ, ဒီးယပျံၤတၢ်ဒိၣ်ဒိၣ်ကလဲာ်တုၤယလီၤဃံၤဆူဟီၣ်ခိၣ်လိၤအီ ထီလာ်န့ၣ်လီၤ. ဒီးစံးဘၣ်ယၤ, “ပှၤဟီၣ်ခိၣ်ဖိဧၢ, နၢ်ပၢၢ်တၢ်အခီပညီတက့ၢ်. တၢ်ထံၣ်လၢညါခီအံၤမ့ၢ်တၢ်ကမၤ အသးဘၣ်ဃးဟီၣ်ခိၣ်အကတၢၢ်န့ၣ်လီၤ.”

လံာ်တၢ်ဂံၢ် 16:19

အန့ၣ်ဝံၤဒီးစီၤကိၤရးပာ်ဖှိၣ်ထီၣ်ကမျၢၢ်ဒီဒူၣ်ဒီထၢ, ဒီးအဝဲသ့ၣ်ဆၢထၢၣ်ဃၣ်အမဲာ်သၣ်ဆူစီၤမိၤၡ့ဒီးစီၤအၤဟရိၣ် အအိၣ်ဖဲဒဲစီဆှံအကျဲစၢၤန့ၣ်လီၤ. သတူၢ်ကလာ်န့ၣ်ယွၤအိၣ်ဝဲအတၢ်ကပြုၢ်ကပြီၤအိၣ်ဖျါထီၣ်ဆူ ကမျၢၢ်ဒီဒူၣ်ဒီထၢ,

လံာ်တၢ်ဂံၢ် 16:42

တုၤအဝဲသ့ၣ်ပာ်ဖှိၣ်ထီၣ်တ့ၢ်အသးလၢကထီဒါစီၤမိၤၡ့ဒီးစီၤ အၤဟရိၣ်ဝံၤန့ၣ်, အဝဲသ့ၣ်ဃၣ်ကဒါအသးဆူဒဲစီဆှံ အအိၣ်ဒီးထံၣ်ဘၣ်ဝဲလၢတၢ်အၢၣ်ကျၢၢ်ဘၢအီၤဒီးယွၤအိၣ်ဝဲအတၢ် ကပီၤကပြုၢ်ကပြီၤန့ၣ်အိၣ်ဖျါထီၣ်ဝဲလီၤ.

မၤတၢ် 7:55

မ့မ့ၢ်စီၤစတ့းဖၣ်လၢထီၣ်ပှဲၤထီၣ်ဒီးသးစီဆှံ, ကွၢ်ထီၣ်တၢ်ဆူမူခိၣ်ဒီးထံၣ်ဘၣ်ကစၢ်ယွၤအလၤကပီၤ, ဒီးထံၣ်ဝဲယ့ၣ်ၡူးအိၣ်ဆၢထၢၣ်လၢကစၢ်ယွၤအစုထွဲတခီ လီၤ.

လံာ်စီၤယိၤၡူ 5:14

အဝဲစံးဆၢဝဲ, “တမ့ၢ်ဘၣ်. ယဟဲယဲဒ်ယွၤအသုးမုၢ်အခိၣ်တဂၤအသိးန့ၣ်လီၤ.” စီၤယိၤၡူထိၣ်လီၤပှီၤအသးလၢဟီၣ်ခိၣ်လိၤဒီးဘူၣ်ထီၣ်ဘါထီၣ် အီၤဒီးစံး, “ယမ့ၢ်နကုၢ်နပှၤလီၤကစၢ်ဧၢ, နသးအိၣ်လၢယကမၤတၢ်မနုၤလဲၣ်.”

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 5:14

ဒီးတၢ်အသးသမူအိၣ်လွံၢ်ဒုန့ၣ်စံးဆၢဝဲ, “အၤမ့ၣ်” ဒီးပှၤသူၣ်က့သးပှၢ်တဖၣ်ထိၣ်လီၤပှီၤအသးဒီးဘူၣ်ထီၣ် ဘါထီၣ်တၢ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.