လံာ်ယဃ့းစက့လး 3:18 - Sgaw Karen Common Bible

¹⁸ ယမ့ၢ်စံးလၢ ပှၤအအၢအသီတဂၤန့ၣ် ကသံဝဲလီၤ, ဘၣ်ဆၣ်ဒီး နမ့ၢ် တဟ့ၣ်ပလီၢ်အီၤလၢ ကလဲလိာ်အကျဲတဖၣ် ဒ်သိးအဝဲကအုၣ်က့ၤ ခီၣ်က့ၤအသးသမူဘၣ်န့ၣ်, အဝဲကသံဝဲဒ် အမ့ၢ်ဒံးဒၣ်ပှၤတၢ်ဒဲးဘးဖိ တဂၤအသိးန့ၣ်လီၤ. ဘၣ်ဆၣ်ဒီး, ယကဟံးဃာ်နၤဒ် ပှၤအိၣ်မူအိၣ်ဒါလၢ အဝဲအတၢ်သံအဂီၢ်န့ၣ်လီၤ.

လံာ်ယဃ့းစက့လး 3:18 Iomraidhean Croise

လံာ်တၢ်ကဲထီၣ်အခီၣ်ထံး 2:17

ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 4:11

ပှၤအၢဖိတဖၣ်လၢအမၤသံကွံာ် ပှၤတဂၤလၢအတၢ်ကမၣ်တအိၣ်ဘၣ်ဒီးမံဘၣ်အသးလၢအဟံၣ်ဒၣ်ဝဲအပူၤန့ၣ်, တၢ်ကဘၣ်အီၤနးန့ၢ်အန့ၣ်တက့ၢ်ဆံးဒိၣ်လဲၣ်. ခဲအံၤယကဟ့ၣ်ကၣ်သုလၢသုတၢ်မၤသံအီၤအဃိဒီး တြူာ်ကွံာ်သုလၢဟီၣ်ခိၣ်အမဲာ်ဖံးခိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 1:4

တဲဘၣ်စီၤပၤလၢယွၤစံးဝဲဒ်အံၤ, နတဘျါက့ၤလၢနတၢ်ဘၣ်ဒိ ဘၣ်ထံးန့ၣ်ဘၣ်. နကသံလီၤ.” စီၤအ့ၤလံယၤမၤတ့ၢ်ဝဲဒ်ယွၤမၤလိာ်အီၤအသိး,

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 18:4

ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.

လံာ်ယဃ့းစက့လး 3:20

တုၤပှၤအဂ့ၤနီၢ်နီၢ်တဂၤ စးထီၣ်မၤတၢ်အၢတၢ်သီဒီးယပာ်အီၤလၢ တၢ်လီၤပျံၤလီၤဖုး, လီၤဘၣ်ယိာ်အဂ့ၢ်အခၢးအပူၤလံဒီး, နမ့ၢ်တဟ့ၣ် ပလီၢ်အီၤဘၣ်နၣ် အဝဲဒၣ်ကသံဝဲလီၤ. အဝဲဒၣ် ကသံဝဲလၢအတၢ်ဒဲးဘးတဖၣ်အဃိလီၤ. ယတသ့ၣ်နီၣ်ဘၣ် တၢ်အဂ့ၤလၢ အမၤတ့ၢ်ဝဲဘၣ်ဒီးယကဟံး ဃာ်နၤ ဒ်ပှၤအိၣ်မူအိၣ်ဒါလၢ အတၢ်သံအဂီၢ်န့ၣ်လီၤ.

လံာ်ယဃ့းစက့လး 33:12

ခဲကနံၣ်အံၤ, ပှၤကညီလၢအသံသ့ဧၢ, တဲဘၣ်ပှၤအံၣ်စရ့လးဖိ တဖၣ်လၢဖဲပှၤအဂ့ၤတဂၤမၤတၢ်ဒဲးဘးန့ၣ်, တၢ်အဂ့ၤလၢအဝဲ မၤတ့ၢ်ဝဲန့ၣ်တအုၣ်က့ၤခီၣ်က့ၤအီၤဘၣ်. ဖဲပှၤအၢပှၤသီတဂၤ ဆိကတီၢ်ကွံာ်အတၢ်မၤတၢ်အၢတၢ်သီန့ၣ်, အဝဲတဘၣ်တၢ်စံၣ်ညီၣ် အီၤဘၣ်. ဒီးဖဲပှၤအဂ့ၤတဂၤစးထီၣ်မၤတၢ်ဒဲးဘးန့ၣ်, အဝဲအသးသမူတဘၣ်တၢ်ပျဲပူၤဖျဲးအီၤဘၣ်.

လံာ်ယဃ့းစက့လး 33:6

ပှၤခိးကွၢ်တၢ်မ့ၢ်ထံၣ်ဘၣ်ဒုၣ်ဒါဟဲဝဲနာ်သက့မ့ၢ်တအူထီၣ်ကွဲၤဘၣ်ဒီး ဒုၣ်ဒါကဟဲဒီးမၤသံကွံာ်ပှၤတၢ်ဒဲးဘးဖိတဖၣ်န့ၣ်, ဘၣ်ဆၣ်ယကပာ်မူ ပာ်ဒါပှၤခိးကွၢ်တၢ်ဖိလၢအဝဲသ့ၣ်အတၢ်သံအဃိန့ၣ်လီၤ.

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

လံာ်လူၤကၣ် 13:3

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသု တၢ်ဒဲးဘးတဖၣ်ဘၣ်ဒီး, သုကသံသုဝဲကိးဂၤဒဲးဒ်အဝဲသ့ၣ်သံဝဲအသိးလီၤ.

လံာ်လူၤကၣ် 13:5

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသုတၢ်ဒဲးဘး တဖၣ်န့ၣ်, သုဝဲကိးဂၤဒဲးသုကသံဒ်အဝဲသ့ၣ်အသိးလီၤ.”

လံာ်ယိၤဟၣ် 8:21

ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

မၤတၢ် 2:40

စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 8:9

မၤသးဒ်န့ၣ်ဒီးခဲအံၤ, ဒိကနၣ်အဝဲသ့ၣ်တက့ၢ်. ဘၣ်ဆၣ်ဒီးဟ့ၣ်ပလီၢ်ပဒီအဝဲသ့ၣ်အသးဃံးဃံးဒီး တဲနၢ်ပၢၢ်အဝဲသ့ၣ်လၢအစီၤပၤတဖၣ်ကမၤအီၤဒ်လဲၣ်အဂ့ၢ်တက့ၢ်.”