လံာ်ယဃ့းစက့လး 3:17 - Sgaw Karen Common Bible

¹⁷ “ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်ယဃ့းစက့လး 3:17 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 19:10

တဘျီလၢ်လၢ်ဖဲသုထံဖိကီၢ်ဖိကဒဲကဒဲလၢဝ့ၢ်တဖျၢၣ်လၢ်လၢ် အပူၤဟဲစိာ်ကွီၢ်ဘၣ်ထွဲဒီးတၢ်မၤသံမၤဝီမ့ၢ်ဂ့ၤ, တၢ်လုၢ်သ့ၣ်ခါပတာ်တၢ်ဘူၣ်တၢ်ဘါအတၢ်သိၣ်တၢ်သီမ့တမ့ၢ်တၢ်မၤ လိာ်တမံၤမံၤမ့ၢ်ဂ့ၤန့ၣ်, သုကဘၣ်သိၣ်လိနဲၣ်ယုၤအဝဲသ့ၣ်လီၤတံၢ်လီၤဆဲးလၢအဝဲသ့ၣ်ကဘၣ် ပာ်အသးဒ်လဲၣ်ဖဲကွီၢ်အကတီၢ်, ဒ်သိးအဝဲသ့ၣ်သုတကဲထီၣ်ပှၤမၤကမၣ်တၢ်ခီဖျိတၢ်မၤတၢ်ဒဲးဘး ထီဒါယွၤတဂ့ၤန့ၣ်လီၤ. သုမ့ၢ်တမၤဒ်န့ၣ်ဘၣ်ဒီး, သုဒီးသုပှၤထံဖိကီၢ်ဖိ ကဒဲကဒဲ, ကကလၢၢ်ဘၣ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ. မ့မ့ၢ်သုမ့ၢ်မၤသုမူသုဒါဒီးသုတၢ်ကမၣ်တအိၣ်ဝဲဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 3:3

ပှၤပၢၤတၢ်ဖိလၢအဟးတရံးလၢဝ့ၢ်ပူၤတဖၣ်ထံၣ်ဘၣ်ယၤန့ၣ်လီၤ. ယသံကွၢ်အဝဲသ့ၣ်, “သုထံၣ်န့ၢ်ပှၤလၢယအဲၣ်အီၤတဂၤစ့ၢ်ကီး ဧါ.”

လံာ်တၢ်သးဝံၣ်တဖၣ်အတၢ်သးဝံၣ် 5:7

ပှၤခိးတၢ်ဖိလၢဝ့ၢ်ပူၤတဖၣ်ထံၣ်န့ၢ်ယၤ, အဝဲသ့ၣ်တီၢ်ယၤဒီးမၤဘၣ်ဒိယၤလီၤ. ပှၤပၢၤတၢ်ဖိလၢဝ့ၢ်ခိၣ်ဒူတဖၣ်ဖှီညာ်ကွံာ်ယဆ့ကၤကျၢၢ်ဘၢ မဲာ်လီၤ.

လံာ်ယၡါယၤ 21:6

အန့ၣ်ဒီးယွၤစံးဘၣ်ယၤ, “လဲၤဒီးပာ်လီၤပှၤခိးတၢ်တဂၤ, ဒီးတဲဘၣ်အီၤလၢကတဲဖျါက့ၤတၢ်လၢအထံၣ်ဝဲတက့ၢ်.

လံာ်ယၡါယၤ 21:8

ပှၤခိးတၢ်ဖိကိးထီၣ်ဝဲ, “တၢ်ဒိၣ်ဧၢ, ယဆၢထၢၣ်ခိးတ့ၢ်တၢ် လၢယလီၢ်မနၤနၤမဆါဆါလီၤ.”

လံာ်ယၡါယၤ 52:8

ပှၤတဖၣ်လၢအခိးဒီးပၢၤဝ့ၢ်ကိးထီၣ်ဝဲ, ကိးထီၣ်သကိးဝဲလၢတၢ်သးခုအဂ့ၢ်လီၤ. ယွၤအတၢ်ဟဲက့ၤကဒါက့ၤဆူဝ့ၢ်စံယိၣ် န့ၣ်အဝဲသ့ၣ်ထံၣ်ဘၣ်ဝဲလၢအမဲာ်ချံဒၣ်ဝဲသ့လီၤ.

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်ယံးရမံယၤ 1:7

ဘၣ်ဆၣ်ဒီးယွၤစံးဘၣ်ယၤ, “စံးလၢနသးစၢ်ကဲၣ်ဆိးတဂ့ၤ, မ့မ့ၢ်လဲၤဆူပှၤဂီၢ်မုၢ်လၢယမၢနလဲၤဆူအအိၣ်န့ၣ်, ဒီးစံးဘၣ်တဲဘၣ်အဝဲသ့ၣ်တၢ်ခဲလၢာ်လၢယမၤလိာ် နၤန့ၣ်တက့ၢ်.

လံာ်ယံးရမံယၤ 31:6

မ့ၢ်လံ. တၢ်ဆၢကတီၢ်ဟဲလံဝဲဖဲ ပှၤပၢၤတၢ်ဖိတဖၣ် ကကိးထီၣ်လၢ ကီၢ်အ့ဖရဲၣ်အတၢ်လူၢ်တဖၣ် အဖီခိၣ် ဒီး စံးဝဲ, ‘မ်ပလဲၤထီၣ်သကိးဆူ ဝ့ၢ်စံယိၣ်, ဆူယွၤပကစၢ် ယွၤအအိၣ်တက့ၢ်န့ၣ်လီၤ.”

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယံးရမံယၤ 6:17

အန့ၣ်ဒီး, ယွၤဃုထၢပာ်လီၤပှၤပၢၤတၢ်ဖိတဖၣ်လၢအဝဲသ့ၣ်အဖီခိၣ်, ဒ်သိးအဝဲသ့ၣ်ကကနၣ်တၢ်ဟ့ၣ်ပလီၢ်အကွဲၤကသီၣ်ထီၣ်အဂီၢ်လီၤ. ဘၣ်ဆၣ်အဝဲသ့ၣ်စံးဝဲ, “ပတကနၣ်ဘၣ်.”

လံာ်ယဃ့းစက့လး 11:25

ဒီးယစံးဘၣ်တဲဘၣ်ပှၤဘၣ်တၢ်စိာ်မၢကဲကုၢ်တဖၣ်, တၢ်ကိးမံၤဒဲးလၢယွၤဒုးနဲၣ်တ့ၢ်ယၤန့ၣ်လီၤ.

လံာ်ယဃ့းစက့လး 11:4

အဃိဒီးအခဲအံၤ, ပှၤကညီလၢအသံသ့ဧၢ, စံးလၢအဝဲသ့ၣ်ဂ့ၤဘၣ် တၢ်စံၣ်ညီၣ်န့ၣ်တက့ၢ်.”

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်ဃဘးကူာ် 2:1

ယကလဲၤထီၣ်ဆူယခိးကွၢ်တၢ်အလီၢ်ဒီးအိၣ်ခိးဒ်သိး ယကထံၣ်ဘၣ်တၢ်လၢယွၤကစံးဘၣ်ယၤတၢ်လၢယကဘၣ်တဲ, ဒီးတၢ်စံးဆၢလၢအကဟ့ၣ်ယၤဘၣ်ဃးဒီးယတၢ်ကဒူး ကဒ့ၣ်န့ၣ်လီၤ.

လံာ်ဃးကဲ 1:13

ဒီးစီၤဃးကဲတဲဘၣ်ပှၤဂီၢ်မုၢ်လၢယွၤအတၢ်ကစီၣ်, “ယကအိၣ်ဒီးသု, တၢ်န့ၣ်မ့ၢ်ယတၢ်အၢၣ်လီၤအီလီၤလီၤ.”

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

1 ကရံၣ်သူး 12:28

လၢတၢ်အိၣ်ဖှိၣ်အပူၤန့ၣ်, ကစၢ်ယွၤပာ်ပှၤကိးဂၤဒဲးလၢအလီၢ် အကျဲဒၣ်ဝဲလီၤ. အဆိကတၢၢ်ပှၤတၢ်မၢဖိတဖၣ်, ခံဖုတဖု, ဝံဧိၤမီၣ်ဧိၤတဖၣ်, သၢဖုတဖု, သရၣ်တဖၣ်, အန့ၣ်ဝံၤပှၤလၢအမၤတၢ်လီၤလးတဖၣ်, ဒီးပိာ်ထီၣ်အခံလၢပှၤဘၣ်တၢ်ဟ့ၣ်စိဟ့ၣ်ကမီၤအီၤ လၢကမၤဘျါက့ၤတၢ်, မ့တမ့ၢ်ကမၤစၢၤပှၤဂၤတဖၣ်, မ့တမ့ၢ်ကနဲၣ်န့ၢ်အဝဲသ့ၣ်အကျဲ, မ့တမ့ၢ်ကစံးကတိၤတၢ်လၢကျိာ်လၢပှၤနၢ်တပၢၢ်တဖၣ်န့ၣ်လီၤ.

1 ကရံၣ်သူး 4:14

ယကွဲးတၢ်အဝဲအံၤဆူသုအိၣ်, တမ့ၢ်လၢယသးအိၣ်မၤမဲာ်ဆှးသု အဃိဘၣ်. မ့မ့ၢ်တခီ, မ့ၢ်ဝဲဒ်သိးယကသိၣ်လိသီလိသုဒ်ယဖိသး ဘိဒၣ်ဝဲတဖၣ်အသိးန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.