လံာ်ယဃ့းစက့လး 3:15 - Sgaw Karen Common Bible

¹⁵ လၢတၢ်န့ၣ်အဃိ, ယဟဲဆူဝ့ၢ်တ့ၤလၤဘံးလၢထံကျိကဘၢ်အနံၤ, ဖဲပှၤဘၣ်တၢ်စိာ်မၢကဲကုၢ်တဖၣ် အိၣ်ဆိးဝဲ, ဒီးယအိၣ်ဖဲန့ၣ် နွံသီ, ဒီးတၢ်လၢယထံၣ်ဘၣ်ဒီး နၢ်ဟူဘၣ်တ့ၢ်တဖၣ် မၤလီၤသဘှံး ယသးန့ၣ်လီၤ.

လံာ်ယဃ့းစက့လး 3:15 Iomraidhean Croise

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်စီၤယိၤဘး 2:13

ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.

စံးထီၣ်ပတြၢၤ 137:1

ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ, ဒီးတုၤပသ့ၣ်နီၣ်ထီၣ်က့ၤစံယိၣ်ဒီး, ပမဲာ်ထံလီၤဝဲန့ၣ်လီၤ.

လံာ်ယံးရမံယၤ 23:9

ယသးဘၣ်တၢ်မၤလီၤသဘှံးအီၤ ဒီးယကနိးကစုာ်ယဲလီၤ. အဂ့ၢ်ဒ်အံၤ, လၢယွၤအဃိ, ဒီးလၢအကလုၢ်ကထါစီဆှံအဃိန့ၣ်, ယလီၤဂာ်ဒ်ပှၤတဂၤလၢအအီမူၤသံးအသိး, ဒ်ပှၤတဂၤလၢအအီစပံးထံအါကဲၣ်ဆိးအသိးန့ၣ်လီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 1:3

ဖဲန့ၣ်လၢကီၢ်ဘၤဘူၤလိၣ်အပူၤ, လၢထံကျိကဘၢ်အနံၤန့ၣ်, ယနၢ်ဟူယွၤကတိၤတၢ်ဒီးယၤလီၤ. ဒီးယကလၢၢ်ဘၣ်အစိကမီၤလီၤ.

လံာ်ယဃ့းစက့လး 10:15

(အဝဲသ့ၣ်မ့ၢ်တၢ်ဒ်သိးသိးဒၣ်ဒီးတၢ်ဘၣ်တ့တဖၣ်လၢယထံၣ်န့ၢ်ယဲ ဖဲထံကျိကဘၢ်အကပၤန့ၣ်လီၤ.) ဖဲတၢ်ဘၣ်တ့တဖၣ်အံၤဂဲၤထၢၣ်လၢကလံၤကျါ,

လံာ်ယဃ့းစက့လး 3:23

လၢတၢ်န့ၣ်အဃိ, ယဟးထီၣ်ဒီး လဲၤဆူတၢ်တြီၤပူၤ, ဒီးဖဲန့ၣ် ယထံၣ်ဘၣ်ယွၤအလၤကပီၤ, ဒ်ယထံၣ်ဘၣ်တ့ၢ်အီၤဖဲထံကျိ ကတၢ်အနံၤအသိးန့ၣ်လီၤ. ယလီၤဃံၤအီထီလာ်လၢ ယမဲာ်သၣ်လၢဟီၣ်ခိၣ်လိၤ,

လံာ်ယဃ့းစက့လး 43:3

တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.