လံာ်ယဃ့းစက့လး 3:12 - Sgaw Karen Common Bible

¹² အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်ယဃ့းစက့လး 3:12 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 2:16

ဒီးစံးဝဲဒၣ်, “ဖဲအံၤပအိၣ်ပဝဲပှၤအဂၤယဲၢ်ဆံ, ခဲလၢာ်ထဲပှၤအဂံၢ်ဆူၣ်ဘါဆူၣ်တဖၣ်န့ၣ်လီၤ. မ်ပလဲၤဒီးဃုထံၣ်န့ၢ်က့ၤနကစၢ်တက့ၢ်. ဘၣ်သ့ၣ်သ့ၣ်ယွၤအသး စိာ်ထီၣ်အီၤဒီးကပာ်တီၢ်အီၤလၢကစၢၢ်ကလိအဒီခိၣ်တတီၤတီၤမ့ တမ့ၢ်တပူၤပူၤလၢတြီၤလာ်န့ၣ်လီၤ.” စီၤအလံၤၡါစံးဆၢဝဲဒၣ်, “တမ့ၢ်ဘၣ်. သုတဘၣ်လဲၤဘၣ်.”

စံးထီၣ်ပတြၢၤ 148:2

အကလူးခဲလၢာ်ဒီးအမူခိၣ်သုးမုၢ်ဂီၢ်မုၢ် ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 26:8

ယွၤဧၢ, ယအဲၣ်ဟံၣ်လၢနအိၣ်နဆိး, တၢ်လီၢ်လၢနလၤကပီၤအိၣ်ဝဲအလီၢ်န့ၣ်လီၤ.

လံာ်ယၡါယၤ 6:3

အဝဲသ့ၣ်ကိးထီၣ်ဝဲတဂၤဆူတဂၤအအိၣ်, “စီဆှံ, စီဆှံ, စီဆှံ, ယွၤသ့တၢ်လၢာ်ကစၢ်အံၤစီဆှံဝဲလီၤ. အလၤကပီၤပှဲၤလၢဟီၣ်ခိၣ်ဒီဘ့ၣ်ညါလီၤ.”

လံာ်ယဃ့းစက့လး 10:4

ယွၤအိၣ်ဝဲဆိးဝဲအတၢ်ကပီၤဆဲးကပြုၢ်ကပြီၤဟဲထီၣ်ဝဲလၢတၢ် ဘၣ်တ့တဖၣ်အအိၣ်, ဒီးသုးဘူးအသးဆူယွၤအတၢ်လုၢ်ဟံၣ် အကျဲစၢၤန့ၣ်လီၤ. ဝံၤဒီး, တၢ်အၢၣ်မၤပှဲၤယွၤအတၢ်လုၢ်ဟံၣ်, ဒီးဂၢၤန့ၣ်ဆဲးကပြုၢ်ဝဲဒီးတၢ်ကပီၤန့ၣ်လီၤ.

လံာ်ယဃ့းစက့လး 11:1

ကစၢ်ယွၤအသးစိာ်ထီၣ်ယၤဒီးဆှၢယၤဆူ ယွၤအတၢ်လုၢ်ဟံၣ်အတြဲၤလီၤ. ဘူးဒီးတြဲၤဖဲန့ၣ်, ယထံၣ်ဘၣ်ပှၤဃုဆံယဲၢ်ဂၤ, အိၣ်ဃုာ်ဒီးစီၤဧၤစူၢ်အဖိခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတယၤ, လၢအမ့ၢ်ပှၤကလုာ်အခိၣ် အနၢ်ခံဂၤန့ၣ်လီၤ.

လံာ်ယဃ့းစက့လး 2:2

ဖဲတၢ်ကလုၢ်ကတိၤဒံးတၢ်အဖၢမုၢ်န့ၣ်, ကစၢ်ယွၤအသးဟဲနုာ်လၢ ယပူၤဒီးဒုးဆၢထၢၣ်ယၤလၢယခီၣ်ဒီးယနၢ်ဟူတၢ်ကလုၢ်သီၣ်စံး ဝဲ,

လံာ်ယဃ့းစက့လး 3:11

ဝံၤဒီး လဲၤဆူ နပှၤထံဖိကီၢ်ဖိတဖၣ်လၢ အအိၣ်လၢတၢ်စိာ်မၢကဲ ကုၢ်အပူၤအအိၣ်, ဒီး တဲဘၣ်အဝဲသ့ၣ်လၢ, တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်အဝဲသ့ၣ်ဖဲ အဝဲသ့ၣ်ကနၣ်နၤမ့ၢ်ဂ့ၤ, တကနၣ်နၤမ့ၢ်ဂ့ၤ, ဘၣ်အခါန့ၣ်တက့ၢ်.”

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယဃ့းစက့လး 43:4

တၢ်ကပီၤကပြုၢ်ကပြီၤန့ၣ်လဲၤခီဖျိမုၢ်ထီၣ်အတြဲၤ ဖးဒိၣ်ဒီးလဲၤနုာ်ဆူယွၤအတၢ်လုၢ်ဟံၣ်အပူၤန့ၣ်လီၤ.

လံာ်ယဃ့းစက့လး 43:5

ယွၤအသးစိာ်ကဖီထီၣ်ယၤဒီးဆှၢဃီၤယၤဆူအတၢ်လုၢ်ဟံၣ်အဂၢၤ လၢတၢ်အိပူၤတကပၤ, ဖဲယထံၣ်ဘၣ်လၢယွၤအတၢ်လုၢ်ဟံၣ် န့ၣ်ပှဲၤဝဲဒီးယွၤအလၤကပီၤန့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ယဃ့းစက့လး 9:3

ဝံၤဒီးကီၢ်အံၣ်စရ့လးအကစၢ်ယွၤအတၢ်အိၣ်ဝဲအတၢ်ကပီၤဆဲးက ပြုၢ်ကပြီၤထီၣ်ဝဲလၢတၢ်ဘၣ်တ့လၢအအိၣ်ဒီးအဒံးဆ့တဖၣ် အအိၣ်လၢတၢ်လီၢ်ဖဲအအိၣ်ဝဲ, ဒီးသုးအသးဆူယွၤအတၢ်လုၢ် ဟံၣ်အကျဲစၢၤန့ၣ်လီၤ. ယွၤကိးထီၣ်ဆူပှၤကူသိးတၢ်ဖှီဝါကဆှၣ်တဂၤအအိၣ်ဒီးစံးဝဲ,

မၤတၢ် 2:2

သတူၢ်ကလာ်, တၢ်အသီၣ်ဟဲလီၤလၢမူခိၣ်လီၤဂာ်ဒ်ကလံၤလၢအအူတၢ်ဆူၣ်မး အသိး, ဒီးတၢ်အသီၣ်အံၤမၤပှဲၤဟံၣ်လၢအဝဲသ့ၣ်ဆ့ၣ်နီၤဝဲလၢအပူၤဒီ တဖျၢၣ်ညါလီၤ.

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.

လံာ်လီၣ်ဖျါ 1:15

အခီၣ်လၣ်တဖၣ်ကပီၤဝဲဒ်တိၢ်ဘီလၢအဘၣ်တၢ်ပှံၢ်အီၤလၢမ့ၣ် အူ, ဒ်သိးအကဆှံထီၣ်ဂ့ၤထီၣ်အဂီၢ်, ဒီးအကလုၢ်သီၣ်ဝဲဒ်ထံလီၤဆူဖးဒိၣ်သီၣ်ဝဲအသိးန့ၣ်လီၤ.

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.