လံာ်ယဃ့းစက့လး 3:11 - Sgaw Karen Common Bible

¹¹ ဝံၤဒီး လဲၤဆူ နပှၤထံဖိကီၢ်ဖိတဖၣ်လၢ အအိၣ်လၢတၢ်စိာ်မၢကဲ ကုၢ်အပူၤအအိၣ်, ဒီး တဲဘၣ်အဝဲသ့ၣ်လၢ, တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်အဝဲသ့ၣ်ဖဲ အဝဲသ့ၣ်ကနၣ်နၤမ့ၢ်ဂ့ၤ, တကနၣ်နၤမ့ၢ်ဂ့ၤ, ဘၣ်အခါန့ၣ်တက့ၢ်.”

လံာ်ယဃ့းစက့လး 3:11 Iomraidhean Croise

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်ယံးရမံယၤ 29:20

ကယဲၢ်သုဝဲလၢ ယဆှၢဃီၤအီၤဆူ တၢ်စိာ်မၢကဲကုၢ် အလီၢ်လၢ ကီၢ်ဘၤဘူၤလိၣ်အပူၤသ့ၣ်ဧၢ, ဒိကနၣ်တၢ်လၢယၤ, ယွၤ, စံးဝဲန့ၣ်တက့ၢ်.’

လံာ်ယဃ့းစက့လး 2:4

အဝဲသ့ၣ်အခိၣ်ကိၤဒီးတပာ်ကဲယၤဘၣ်. လၢတၢ်န့ၣ်အဃိ ယမၢလီၤနၤလၢနကတဲဘၣ်အဝဲသ့ၣ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်န့ၣ်လီၤ.

လံာ်ယဃ့းစက့လး 2:5

ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ.

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

လံာ်ယဃ့းစက့လး 20:27

ဒီးခဲကနံၣ်အံၤပှၤကညီလၢအသံသ့ဧၢ, တဲဘၣ်ပှၤအံၣ်စရ့လးဖိ တဖၣ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်အဝဲသ့ၣ်ဒ်အံၤတက့ၢ်. အအံၤမ့ၢ်ကျဲအဂၤတဘိလၢအဝဲသ့ၣ်အပၢ်တဖၣ်ဒုၣ်ဒွဲၣ်ယၤခီဖျိ အဝဲသ့ၣ်အတၢ်ကလုၢ်ကတိၤန့ၣ်လီၤ.

လံာ်ယဃ့းစက့လး 3:10

ကစၢ်ယွၤကတိၤဒံးတၢ်ဆူညါဒီး စံးဝဲ, “ပှၤကညီလၢအသံသ့ဧၢ, ပာ်သူၣ်ပာ်သး လီၤတံၢ်လီၤဆဲး သ့ၣ်နီၣ်ထီၣ်တၢ်ကိးမံၤဒဲးလၢ ယတဲဘၣ်နၤန့ၣ်တက့ၢ်.

လံာ်ယဃ့းစက့လး 3:12

အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်ယဃ့းစက့လး 3:15

လၢတၢ်န့ၣ်အဃိ, ယဟဲဆူဝ့ၢ်တ့ၤလၤဘံးလၢထံကျိကဘၢ်အနံၤ, ဖဲပှၤဘၣ်တၢ်စိာ်မၢကဲကုၢ်တဖၣ် အိၣ်ဆိးဝဲ, ဒီးယအိၣ်ဖဲန့ၣ် နွံသီ, ဒီးတၢ်လၢယထံၣ်ဘၣ်ဒီး နၢ်ဟူဘၣ်တ့ၢ်တဖၣ် မၤလီၤသဘှံး ယသးန့ၣ်လီၤ.

လံာ်ယဃ့းစက့လး 3:27

အနၣ်ဝံၤဒီး, ဖဲယကတိၤကဒီးတၢ်ဒီးနၤ တဘျီဒီးဟ့ၣ်ကဒါက့ၤ နၤတၢ်သ့ကတိၤတၢ်န့ၣ်, နကတဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. အဝဲသ့ၣ်တနီၤကဒိကနၣ် တၢ်, ဘၣ်ဆၣ် တကနၣ်ဃုာ်နၤဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ပှၤပူထီၣ် တၢ်ဖိတကလုာ်န့ၣ်လီၤ.”

လံာ်ယဃ့းစက့လး 33:12

ခဲကနံၣ်အံၤ, ပှၤကညီလၢအသံသ့ဧၢ, တဲဘၣ်ပှၤအံၣ်စရ့လးဖိ တဖၣ်လၢဖဲပှၤအဂ့ၤတဂၤမၤတၢ်ဒဲးဘးန့ၣ်, တၢ်အဂ့ၤလၢအဝဲ မၤတ့ၢ်ဝဲန့ၣ်တအုၣ်က့ၤခီၣ်က့ၤအီၤဘၣ်. ဖဲပှၤအၢပှၤသီတဂၤ ဆိကတီၢ်ကွံာ်အတၢ်မၤတၢ်အၢတၢ်သီန့ၣ်, အဝဲတဘၣ်တၢ်စံၣ်ညီၣ် အီၤဘၣ်. ဒီးဖဲပှၤအဂ့ၤတဂၤစးထီၣ်မၤတၢ်ဒဲးဘးန့ၣ်, အဝဲအသးသမူတဘၣ်တၢ်ပျဲပူၤဖျဲးအီၤဘၣ်.

လံာ်ယဃ့းစက့လး 33:17

ဒီးနပှၤဂီၢ်မုၢ်စံးဝဲ, တၢ်လၢယမၤန့ၣ်တဘၣ်ဘၣ်. တမ့ၢ်ဘၣ်, မ့ၢ်ဒၣ်အဝဲသ့ၣ်အကျဲန့ၣ်တဘၣ်တခီန့ၣ်လီၤ.

လံာ်ယဃ့းစက့လး 33:30

ယွၤစံးဝဲဒၣ်, “ပှၤကညီလၢအသံသ့ဧၢ, နပှၤဂီၢ်မုၢ်ကတိၤတၢ်ဘၣ် ဃးဒီးနဂ့ၢ်ဖဲအဝဲသ့ၣ်ထံၣ်လိာ်အသးလၢဝ့ၢ်ခိၣ်ဒူတဖၣ်မ့ၢ်ဂ့ၤ, လၢအဝဲသ့ၣ်အဟံၣ်တဖၣ်အတြဲၤအကျဲစၢၤတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စံးလိာ်သကိးအသးတဂၤဒီးတဂၤလၢ, ခဲအံၤပကလဲၤဒီးဒိ ကနၣ်တၢ်ကတိၤမနုၤဟဲလၢယွၤအအိၣ်လဲၣ်န့ၣ်လီၤ.

လံာ်ယဃ့းစက့လး 37:18

တုၤနပှၤဂီၢ်မုၢ်နၤလၢဃ့နကတဲဘၣ်အဝဲသ့ၣ်လၢတၢ်အံၤ အခီပညီန့ၣ်,

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဒၤနံးယ့လး 6:13

တုၤနုၤတစုအဝဲသ့ၣ်စံးဘၣ်စီၤပၤ, “စီၤဒၤနံးယ့လး, လၢအမ့ၢ် ပှၤယူဒၤဖိလၢအဘၣ်တၢ်စိာ်မၢကဲကုၢ်အီၤတဖၣ်အကျါတဂၤ န့ၣ်တပာ်ကဲဘၣ်နဲဒၣ်စီၤပၤ, ဒီးတစူၢ်ဘၣ်တၢ်ကလုၢ်လၢနဟ့ၣ် လီၤအီၤန့ၣ်ဘၣ်. အဝဲဘါထုကဖၣ်တၢ်တနံၤသၢဘျီတီတီန့ၣ်လီၤ.”

လံာ်သိၣ်လီၤသီလီၤတၢ် 9:12

အန့ၣ်ဝံၤဒီး, ယွၤစံးဘၣ်ယၤ, က့ၤလီၤလၢကစၢၢ်အလိၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်, လၢနဆှၢထီၣ်အီၤလၢကီၢ်အဲၤကူပတူးန့ၣ်, မၤသံၣ်သူမီၣ်ကျာ် လီၤအသးဒီးမၤတ့ၢ်တၢ်အၢတၢ်သီလံ. အဝဲသ့ၣ်ဃၣ်ကဒါကွံာ်လံအသးလၢတၢ်လၢယမၤလိာ်တ့ၢ်အဝဲသ့ၣ်လၢ ကဘၣ်မၤဝဲ, ဒီးအဝဲသ့ၣ်မၤထီၣ်တၢ်ဂီၤတၢ်ဖီၣ်တခါလၢအဂီၢ်န့ၣ်လီၤ.