လံာ်ယဃ့းစက့လး 29:8 - Sgaw Karen Common Bible

⁸ အန့ၣ်ဒီးခဲအံၤ, ယၤယွၤပၢဘၣ်တၢ်ခဲလၢာ် ကစၢ်စံး ဘၣ်နၤလၢယကမၤန့ၢ် ပှၤပိာ်ခွါတဖၣ်လၢ အကဟဲထီၣ်ဒုးနၤလၢနးတဖၣ်ဒီး အဝဲသ့ၣ်ကမၤသံကွံာ် နပှၤဂီၢ်မုၢ်ဒီး နဆၣ်ဖိကီၢ်ဖိတဖၣ်န့ၣ်လီၤ.

လံာ်ယဃ့းစက့လး 29:8 Iomraidhean Croise

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်ယံးရမံယၤ 32:43

ပှၤဂီၢ်မုၢ်စံးဝဲလၢ ကီၢ်အံၤကလီၤဂာ်ဒီးမဲးမုၢ်ခိၣ်တတီၤဖဲ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးဘၣ်လၢအပူၤ, ဒီးလၢအကဘၣ်တၢ်ဟ့ၣ်လီၤကွံာ်အီၤဆူ ပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဘၣ်ဆၣ် ဒီး စံာ်ပျီတဖၣ် ကဘၣ်တၢ်ပှ့ၤကဒီးအီၤလၢကီၢ်အံၤအပူၤန့ၣ်လီၤ.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 25:13

ခဲကနံၣ်အံၤ, ယဘိးဘၣ်သ့ၣ်ညါလၢယကစံၣ်ညီၣ်ကီၢ်အဒိၣ်ဒီးမၤသံ ကွံာ်ကယဲၢ်ပှၤကညီဒီးဆၣ်ဖိကီၢ်ဖိခဲလၢာ်န့ၣ်လီၤ. ယကဒုးကဲထီၣ်အီၤလၢတၢ်အိၣ်သယုၢ်အလီၢ်တတီၤစးထီၣ်လၢဝ့ၢ်တ့ၤ မၣ်တုၤဆူဝ့ၢ်ဒံဒၣ်ဒီးပှၤဂီၢ်မုၢ်ကဘၣ်တၢ်မၤသံအီၤ လၢတၢ်ဒုးပျီပူၤန့ၣ်လီၤ.

လံာ်ယဃ့းစက့လး 30:10

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကသူကီၢ်ဘၤဘူၤလိၣ် အစီၤပၤနဘူၤကးန့စၢ်ဒ်သိး ကမၤကတၢၢ်ကွံာ်ကီၢ်အဲၤကူပတူးအတၢ်ထူးတၢ်တီၤန့ၣ်လီၤ.

လံာ်ယဃ့းစက့လး 30:4

တၢ်ဒုးကအိၣ်ဝဲလၢကီၢ်အဲၤကူပတူးအပူၤဒီး တၢ်ကိၢ်တၢ်ဂီၤဖးဒိၣ်လၢကီၢ်ကူၤၡးအပူၤန့ၣ်လီၤ. ပှၤအါဂၤလၢ ကီၢ်အဲၤကူပတူးအပူၤကဘၣ်တၢ်မၤသံအီၤလီၤ. ထံကီၢ်ကဘၣ်တၢ်ဂုာ်န့ၢ်ဆူၣ်အီၤဒီး ပာ်လီၤတဲာ်တ့ၢ်အီၤလၢ တၢ်ဟးဂီၤတဖၣ်အပူၤန့ၣ်လီၤ.