လံာ်ယဃ့းစက့လး 29:7 - Sgaw Karen Common Bible

⁷ ဖဲအဝဲသ့ၣ်ကနံၤလီၤအသးလၢနလိၤန့ၣ်နကၢ်ကွံာ်, ဒီးဆဲးဘၣ် အဝဲသ့ၣ်အတံၢ်လၢ်ဒီးမၤဆါအဝဲသ့ၣ်အချၢဃံန့ၣ်လီၤ.

လံာ်ယဃ့းစက့လး 29:7 Iomraidhean Croise

လံာ်စီၤပၤခံဘ့ၣ်တဘ့ၣ် 18:21

သုမုၢ်လၢ်ကီၢ်အဲၤကူပတူးလၢကမၤစၢၤသု, ဘၣ်ဆၣ်တၢ်န့ၣ်ကမၤ အသးဒ်တၢ်သူတပိၢ်တဘိလၢနီၣ်ထိးဘိတဘိအဂီၢ်အသိး, တၢ်န့ၣ်ကကၢ်ကွံာ်ဒီးဆဲးဘၣ်က့ၤသုစုန့ၣ်လီၤ. ကီၢ်အဲၤကူပတူးအစီၤပၤလီၤဂာ်ဒ်န့ၣ်ဖဲပှၤတဂၤလၢ်လၢ်သန့ၤ အသးလၢအီၤအခါန့ၣ်လီၤ.

တၢ်ကတိၤဒိ. 25:19

တၢ်သန့ၤပသးလၢပှၤလၢတၢ်နာ်န့ၢ်အီၤတသ့တဂၤဖဲတၢ်ကိၢ်တၢ်ဂီၤ ဖးဒိၣ်တမံၤအဆၢကတီၢ်န့ၣ်, လီၤဂာ်ဒ်တၢ်ကျဲးစၢးအ့ၣ်အီၣ်တၢ်လၢမဲလၢအတကျၢၤတဘ့ၣ်ဒီး တၢ်ဟးလၢခီၣ်လၢအဆၢတလံာ်ကွံာ်တခီအသိးန့ၣ်လီၤ.

လံာ်ယၡါယၤ 20:5

ပှၤလၢအနာ်ကီၢ်ကူၤၡးဒီးကတိၤဒိၣ်ကတိၤသွါကီၢ် အဲၤကူပတူးတဖၣ်ကပျံၤတၢ်ဒီးကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 30:3

ဘၣ်ဆၣ်ဒီးစီၤပၤအစိကမီၤကလၢာ်ကွံာ်ဝဲလၢတၢ်မၤစၢၤ အဝဲသ့ၣ်အဂီၢ်လီၤ. ဒီးကီၢ်အဲၤကူပတူးအတၢ်ဒီဒၣ်အိၣ်ပှိၤကလဲၤ ကတၢၢ်လၢတၢ်ကီတၢ်ခဲဖးဒိၣ်အပူၤလီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.

လံာ်နၤဃူၣ် 3:9

ကီၢ်ကူၤၡးဒီးကီၢ်အဲၤကူပတူးမ့ၢ်အဂံၢ်အဘါဒီး အတၢ်စိတၢ်ကမီၤန့ၣ်အကတၢၢ်ကတာ်တအိၣ်ဘၣ်. ပှၤပူၤတၤဖိဒီးပှၤလံးဘယၣ်ဖိမ့ၢ်အသိၣ်အမှံၤတဖၣ်လီၤ.