လံာ်ယဃ့းစက့လး 29:6 - Sgaw Karen Common Bible

⁶ အန့ၣ်တစုကီၢ်အဲၤကူပတူး အပှၤဂီၢ်မုၢ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.” ယွၤစံးဝဲဒၣ်, “ပှၤအံၣ်စရ့လးဖိတဖၣ်သန့ၤ အသးလၢနပှၤအဲၤကူပတူးဖိတဖၣ်, လၢတၢ်မၤစၢၤအဂီၢ်န့ၣ်လီၤ. ဘၣ်ဆၣ် နတဂ့ၤဘၣ်ထဲသိး နီၣ်က့လၢအစၢ်တဘိန့ၣ်ဘၣ်.

လံာ်ယဃ့းစက့လး 29:6 Iomraidhean Croise

လံာ်စီၤပၤခံဘ့ၣ်တဘ့ၣ် 18:21

သုမုၢ်လၢ်ကီၢ်အဲၤကူပတူးလၢကမၤစၢၤသု, ဘၣ်ဆၣ်တၢ်န့ၣ်ကမၤ အသးဒ်တၢ်သူတပိၢ်တဘိလၢနီၣ်ထိးဘိတဘိအဂီၢ်အသိး, တၢ်န့ၣ်ကကၢ်ကွံာ်ဒီးဆဲးဘၣ်က့ၤသုစုန့ၣ်လီၤ. ကီၢ်အဲၤကူပတူးအစီၤပၤလီၤဂာ်ဒ်န့ၣ်ဖဲပှၤတဂၤလၢ်လၢ်သန့ၤ အသးလၢအီၤအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:24

သုပြၢလိာ်သုသးဒီးပပှၤအၤၡူၢ်အသုးခိၣ်အဆံးကတၢၢ်တဂၤဒၣ် လဲာ်တသ့ဘၣ်. အန့ၣ်ဒၣ်လဲာ်သုမုၢ်လၢ်ပှၤအဲၤကူပတူးဖိတဖၣ်လၢကဆှၢန့ၢ်သု, လ့ၣ်ကဟၣ်တဖၣ်ဒီးပှၤဒိးကသ့ၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 14:18

ဖဲယမၤနၢၤအဝဲသ့ၣ်န့ၣ်ပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 9:14

အအံၤတစုယတစံၣ်ညီၣ်ထဲနပဒိၣ်ပပှၢ်ဒီးနပှၤဂီၢ်မုၢ်န့ၣ်ဘၣ်. မ့မ့ၢ်ယကစံၣ်ညီၣ်စ့ၢ်ကီးနၤဒ်သိးနကသ့ၣ်ညါလၢပှၤဒ်သိးယၤ တအိၣ်ဘၣ်လၢဟီၣ်ခိၣ်ချၢနီတဂၤဘၣ်, န့ၣ်လီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ယဃ့းစက့လး 30:8

ဖဲယဒွဲၣ်အူထီၣ် ကီၢ်အဲၤကူပတူးလၢမ့ၣ်အူဒီး အပှၤတြီဆၢတၢ်တဖၣ်ဘၣ်တၢ်မၤသံကွံာ်အီၤန့ၣ် အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.