လံာ်ယဃ့းစက့လး 29:3 - Sgaw Karen Common Bible

³ စံးလၢတၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ် ကီၢ်အဲၤကူပတူးအစီၤပၤန့ၣ်တက့ၢ်. ယမ့ၢ်နဒုၣ်နဒါ, နသမၣ် ဖးဒိၣ်လၢအမံလီၤလၢ နထံကျိအပူၤန့ၣ်လီၤ. နစံးနဲလၢထံကျိ နံၤလါမ့ၢ်နတၢ်ဒီးနမၤအီၤလၢ နနီၢ်ကစၢ်ဒၣ်နဲလီၤ.

လံာ်ယဃ့းစက့လး 29:3 Iomraidhean Croise

စံးထီၣ်ပတြၢၤ 68:30

သိၣ်ဃီၣ်အဲၤကူပတူး, ဆၣ်ဖိကီၢ်ဖိအဒူတဒုန့ၣ် လၢအအိၣ်လၢတပိၢ်အကျါ, သိၣ်ဃီၣ်ထံကီၢ်တဖၣ်, လၢအလီၢ်ဂာ်ဒီး ဂီၤဖံးဖါတဖုအိၣ်ဒီး ဂီၤဖံးဖါဖိတဖၣ်, တုၤလၢအဝဲသ့ၣ်ခဲလၢာ်တီၤလီၤ ကဒွံကျိာ်ဒီး လုၢ်ထီၣ်နၤလၢ အစ့တဖၣ်တက့ၢ်. မၤလီၤပြံလီၤပြါပှၤဂီၢ်မုၢ်လၢ အအဲၣ်တၢ်ဒုးတၢ်ယၤတက့ၢ်.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယံးရမံယၤ 44:30

ယကဟ့ၣ်လီၤကီၢ်အဲၤကူပတူးအစီၤပၤ ဖၤရိၤ ဃါပြိၤ ဆူအဒုၣ်အဒါတဖၣ်လၢ အသးအိၣ်မၤသံအီၤအစုပူၤ, ဒ်ယဟ့ၣ်လီၤတ့ၢ်လံ ကီၢ်ယူဒၤအစီၤပၤစံးဒကံယၤဆူ ကီၢ်ဘၤဘူၤလိၣ် အစီၤပၤနဘူၤကးန့စၢ်, လၢအမ့ၢ်အဒုၣ်အဒါဒီး သးအိၣ်မၤသံကွံာ်အီၤတဂၤအစုပူၤ, အသိးန့ၣ်လီၤ.”

လံာ်ယဃ့းစက့လး 30:12

ယကမၤဃ့ထီကွံာ်ထံကျိနံၤလါဒီး ပာ်လီၤကီၢ်အဲၤကူပတူးလၢပှၤအၢ ပှၤသီတဖၣ်အစိကမီၤအဖီလာ်န့ၣ်လီၤ. ပှၤတခီဘီမုၢ်ဖိတဖၣ် ကမၤဟးဂူာ်ဟးဂီၤကွံာ်ထံကီၢ်ဒီဘ့ၣ်ညါန့ၣ်လီၤ.” ယၤ, ယွၤကတိၤလံတၢ်လံ.

လံာ်ယဃ့းစက့လး 30:22

အန့ၣ်ဝံၤဒီး, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဝဲန့ၣ်လီၤ. ယမ့ၢ်ကီၢ်အဲၤကူပတူးအစီၤပၤအဒုၣ်အဒါန့ၣ်လီၤ. ယကမၤကၢ်ကွံာ်အစုခံခီလၢာ်, လၢအဂ့ၤဒံးမ့ၢ်ဂ့ၤ, လၢအကၢ်ကွံာ် တ့ၢ်လံတခီမ့ၢ်ဂ့ၤဒီးနးကလီၤတဲာ်ကွံာ်လၢအစုပူၤန့ၣ်လီၤ.

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်သိၣ်လီၤသီလီၤတၢ် 8:17

လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.

လံာ်လီၣ်ဖျါ 13:11

အန့ၣ်ဝံၤအလီၢ်ခံယထံၣ်တၢ်ဒူတၢ်ဃိၤအဂၤတဒုလၢ အဟဲထီၣ်လၢဟီၣ်ခိၣ်အပူၤန့ၣ်လီၤ. အဝဲအိၣ်ဒီးအနၢၤခံ ဘိဒ်သိဖိအနၢၤအသိး, ဒီးအဝဲဒၣ်ကတိၤတၢ်ဒ်ပယိၤ အသိးန့ၣ်လီၤ.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.

လံာ်လီၣ်ဖျါ 13:4

ပှၤကိးဂၤဒဲးဘူၣ်ထီၣ်ဘါထီၣ်ပယိၤန့ၣ်, အဂ့ၢ်မ့ၢ်လၢအဝဲဟ့ၣ်တ့ၢ်အတၢ်စိတၢ်ကမီၤဆူတၢ်ဒူတၢ်ဃိၤန့ၣ် အဃိလီၤ. အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးတၢ်ဒူတၢ်ဃိၤန့ၣ် ဒီးစံးဝဲ “မတၤလီၤဂာ်ဒီးတၢ်ဒူတၢ်ဃိၤန့ၣ်တဂၤလဲၣ်. မတၤဒုးတၢ်ထီဒါအီၤကသ့တဂၤလဲၣ်.”

လံာ်လီၣ်ဖျါ 16:13

အန့ၣ်ဝံၤဒီးယထံၣ်သးလၢအတကဆှီဘၣ်သၢဒုလၢအလီၤဂာ်ဒီး ဒ့ၣ်တဖၣ်န့ၣ်လီၤ. အဝဲသ့ၣ်ဟဲထီၣ်လၢပယိၤအကိာ်ပူၤ, တၢ်ဒူတၢ်ဃိၤအကိာ်ပူၤ, ဒီးဝံအဘျၣ်တဂၤအကိာ်ပူၤလီၤ.

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.