လံာ်ယဃ့းစက့လး 29:19 - Sgaw Karen Common Bible

¹⁹ အဃိသတးဒီး, ခဲကနံၣ်အံၤ, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယဟ့ၣ်လီၤကွံာ် ကီၢ်အဲၤကူပတူးဆူစီၤပၤနဘူၤကးန့စၢ်အအိၣ်လံ. အဝဲကဂုာ်န့ၢ်ဒီးဟံးန့ၢ်ဆူၣ်ဒီးစိာ်ထီၣ်ကွံာ်ကယဲၢ် ကီၢ်အဲၤကူပတူးအတၢ်ထူးတၢ်တီၤ ခဲလၢာ်ဒ်အမ့ၢ်တၢ်ဘူး တၢ်လဲလၢအဝဲအသုးမုၢ်အဂီၢ်န့ၣ်လီၤ.

လံာ်ယဃ့းစက့လး 29:19 Iomraidhean Croise

လံာ်ယၡါယၤ 19:4

ယကဟ့ၣ်လီၤပှၤအဲၤကူပတူးဖိတဖၣ်ဆူပှၤပၢတၢ်အၢအၢသီသီ တဂၤအစုပူၤ, စီၤပၤတဂၤလၢကပၢအဝဲသ့ၣ်အၢအၢသီသီန့ၣ်လီၤ. ယၤ, ယွၤသ့တၢ်လၢာ်ကစၢ်, စံးကတိၤတ့ၢ်တၢ်လီၤ.”

လံာ်ယဃ့းစက့လး 26:5

ပှၤမၤညၣ်ဖိတဖၣ်ကမၤဃ့ထီအပှာ်တဖၣ်လၢအဖီခိၣ်ဖဲန့ၣ်, ဖဲတၢ်လီၢ်လၢလၢၢ်န့ၣ်အိၣ်ထူၣ်ကလာ်လၢပီၣ်လဲၣ်ပူၤန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ. ပှၤကလုာ်တဖၣ်ကဂုာ်ဆူၣ်ပျီဆူၣ်ကွံာ်ဝ့ၢ်ထါယၢၣ်,

လံာ်ယဃ့းစက့လး 30:14

ယကဒုးအိၣ်သယုၢ် ကီၢ်အဲၤကူပတူးကလံၤထံးဒီး ဒွဲၣ်အူကွံာ်ဝ့ၢ်စိၤဧၢ်လၢကလံၤထံးတကပၤန့ၣ်လီၤ. ယကစံၣ်ညီၣ်သံဘံးအဝ့ၢ်ခိၣ်န့ၣ်လီၤ.

လံာ်ယဃ့းစက့လး 30:4

တၢ်ဒုးကအိၣ်ဝဲလၢကီၢ်အဲၤကူပတူးအပူၤဒီး တၢ်ကိၢ်တၢ်ဂီၤဖးဒိၣ်လၢကီၢ်ကူၤၡးအပူၤန့ၣ်လီၤ. ပှၤအါဂၤလၢ ကီၢ်အဲၤကူပတူးအပူၤကဘၣ်တၢ်မၤသံအီၤလီၤ. ထံကီၢ်ကဘၣ်တၢ်ဂုာ်န့ၢ်ဆူၣ်အီၤဒီး ပာ်လီၤတဲာ်တ့ၢ်အီၤလၢ တၢ်ဟးဂီၤတဖၣ်အပူၤန့ၣ်လီၤ.

လံာ်ယဃ့းစက့လး 31:2

အဝဲစံးဝဲဒၣ်, “ပှၤကညီလၢအသံသ့ဧၢ, စံးဘၣ်ကီၢ်အဲၤကူပ တူးအစီၤပၤဒီးကယဲၢ်အပှၤဂီၢ်မုၢ်ခဲလၢာ်ဒ်အံၤတက့ၢ်. နဂံၢ်နဘါဆူၣ်ဝဲဒိၣ်မးလဲၣ်. ယကသ့ထိၣ်သတြီၤနၤလၢမနုၤတမံၤလဲၣ်.

လံာ်ယဃ့းစက့လး 32:11

ယွၤပၢဘၣ်တၢ်ခဲလၢာ်ကစၢ်စံးဘၣ်ကီၢ်အဲၤကူပတူးအစီၤပၤ, “နကဘၣ်ကွၢ်ဆၢၣ်မဲာ်ဒီးကီၢ်ဘၤဘူၤလိၣ်အစီၤပၤအနးန့ၣ်လီၤ.

လံာ်ယဃ့းစက့လး 32:15

ဖဲယဒုးအိၣ်သယုၢ်အိၣ်ကလီကီၢ်အဲၤကူပတူးဒီးမၤဟးဂီၤကယဲၢ် ပှၤလၢအအိၣ်ဆိးဖဲန့ၣ်ခဲလၢာ်ဒီးအဝဲသ့ၣ်ကသ့ၣ်ညါဝဲလၢယမ့ၢ် ယွၤန့ၣ်လီၤ.

လံာ်ယဃ့းစက့လး 38:12

နကဂုာ်ဆူၣ်ပျိဆူၣ်ဒီးဂုာ်န့ၢ်ကွံာ်ပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် အပူၤ, လၢတဘျီအိၣ်လၢတၢ်ဟးဂူာ်ဟးဂီၤအပူၤန့ၣ်လီၤ. အဝဲသ့ၣ်ဘၣ်တၢ်ပာ်ဖှိၣ်က့ၤအီၤလၢပှၤကလုာ်တဖၣ်အအိၣ်ဒီး ခဲကနံၣ်အံၤအဝဲသ့ၣ်အိၣ်ဒီးအဆၣ်ဖိကီၢ်ဖိအဒၢတ ဖၣ်ဒီးအတၢ်စုလီၢ်ခီၣ်ခိၣ်တဖၣ်ဒီးအိၣ်ဆိးဝဲ ဖဲဟီၣ်ခိၣ်အတၢ်လဲၤထီၣ်က့ၤလီၤအကျဲတဖၣ်ဘၣ် သဂၢၢ်လိာ်သးအလီၢ်န့ၣ်လီၤ.