လံာ်ယဃ့းစက့လး 29:18 - Sgaw Karen Common Bible

¹⁸ အဝဲစံးဝဲဒၣ်, “ပှၤကညီလၢအသံသ့ဧၢ, ကီၢ်ဘၤဘူၤလိၣ်အစီၤပၤနဘူၤကး န့စၢ်ဒုးလံတၢ်ဒီးဝ့ၢ်ထါယၢၣ်လံန့ၣ်လီၤ. အဝဲမၢအပှၤသုးဖိတဖၣ် စိာ်တၢ်အဃၢတုၤဒၣ်အခိၣ်တဖၣ်လ့ၤဝဲဒီးအဖံဘၣ်ခိၣ်တဖၣ် တီၣ်ထီၣ်ဒီးသွဲးဝဲဘၣ်ဆၣ် စီၤပၤမ့ၢ်ဂ့ၤအဝဲအသုးမ့ၢ်မ့ၢ်ဂ့ၤ တမၤန့ၢ်တၢ်နီတမံၤလၢ အတၢ်မၤကိၢ်ကိၢ်ဂီၤဂီၤတဖၣ်အံၤအဃိဘၣ်.

လံာ်ယဃ့းစက့လး 29:18 Iomraidhean Croise

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 27:6

ယမ့ၢ်ပှၤတဂၤလၢ အပာ်လီၤပှၤကလုာ်ခဲလၢာ်အံၤလၢယခ့ယပှၤ ကီၢ်ဘၤ ဘူၤလိၣ်အစီၤပၤနဘူၤကးန့ စၢ်အစိကမီၤအဖီလာ်ဒီးယဒုးမၤဒၣ်လဲာ် ဆၣ်ဖိကီၢ်ဖိအမံၤတဖၣ်လၢ အဝဲအတၢ်မၤန့ၣ်လီၤ.

လံာ်ယံးရမံယၤ 48:37

အဝဲသ့ၣ်ခဲလၢာ်န့ၣ်, လူၤကွံာ်အခိၣ်တဖၣ်ဒီး တံာ်ကွံာ်အခၣ်ဆူၣ်တဖၣ်လံ. အဝဲသ့ၣ်ခဲလၢာ်ဂဲာ်လီၤအစုတဖၣ်ဒီး ပှၤကိးဂၤဒဲးကူကၤ ထၢၣ်တၢ်ကံးယာ်န့ၣ်လီၤ.

လံာ်ယဃ့းစက့လး 27:31

အဝဲသ့ၣ်လူၤကွံာ်အခိၣ်တဖၣ်လၢ နဂီၢ်ဒီးကူထီၣ်ကၤထီၣ်ဝဲထၢၣ် တၢ်ကံးညၣ်န့ၣ်လီၤ. အဝဲသ့ၣ်အသးတဖၣ် ဆါဝဲနးနးကလဲာ် ဒ်အဟီၣ်ဝဲနးနး ကလဲာ်အသိးန့ၣ်လီၤ.