လံာ်ယဃ့းစက့လး 29:13 - Sgaw Karen Common Bible

¹³ ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “အနံၣ်လွံၢ်ဆံဝံၤအလီၢ်ခံန့ၣ်ယကဟဲက့ၤစိာ်ကဒါက့ၤ ပှၤအဲၤကူပတူးဖိတဖၣ်လၢထံကီၢ်တဖၣ်ဖဲ ယမၤလီၤပြံလီၤပြါတ့ၢ်အဝဲသ့ၣ်,

လံာ်ယဃ့းစက့လး 29:13 Iomraidhean Croise

လံာ်ယၡါယၤ 19:22

ယွၤကစံၣ်ညီၣ်ပှၤအဲၤကူပတူးဖိတဖၣ်, ဝံၤဒီးကမၤဘျါက့ၤ အီၤလီၤ. အဝဲသ့ၣ်ကဃၣ်ဃီၤအသးဆူအအိၣ်, ဒီးအဝဲကဒိ ကနၣ်အတၢ်ထုကဖၣ်ဒီးမၤဘျါက့ၤအဝဲသ့ၣ်န့ၣ်လီၤ.

လံာ်ယံးရမံယၤ 46:26

ဒီးဟ့ၣ်လီၤကွံာ်အဝဲသ့ၣ် ဆူပှၤတဖၣ်လၢအသးအိၣ်မၤသံအဝဲသ့ၣ်, လၢအမ့ၢ်ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအသုးမုၢ်, အစုပူၤန့ၣ်လီၤ. ဘၣ်ဆၣ်ဒီး လၢခံက့ၤန့ၣ်, ပှၤဂီၢ်မုၢ်ကအိၣ်ကဆိး ကဒီးလၢကီၢ်အဲၤကူပတူးအပူၤ, ဒ်အဝဲသ့ၣ်အိၣ်ဆိးတ့ၢ်ဝဲလၢ ခ့ခါပူၤကွံာ်အသိးန့ၣ်လီၤ. ယၤ, ယွၤအံၤကတိၤလံတၢ်လံ.”