လံာ်ယဃ့းစက့လး 28:8 - Sgaw Karen Common Bible

⁸ အဝဲသ့ၣ် ကမၤသံနၤဒီး ဆှၢနၤဆူတၢ်သွၣ်ခိၣ်တပူၤလၢအဘၣ်စီၣ်ဘၣ်သ့န့ၣ်လီၤ.

လံာ်ယဃ့းစက့လး 28:8 Iomraidhean Croise

လံာ်စီၤယိၤဘး 17:16

တုၤယလဲၤလီၤဆူပျူၤပူၤန့ၣ်, တၢ်မုၢ်လၢ်တမ့ၢ်ကလဲၤဃုာ် တၢ်ဒီးယၤဘၣ်.

လံာ်စီၤယိၤဘး 33:18

တပျဲအဝဲသ့ၣ်ကဘၣ်တၢ်မၤဟးဂီၤအီၤဘၣ်. ဒီးတြီအသးသမူဒ်သိးအသုတသံလၢနးတဂ့ၤလီၤ.

လံာ်စီၤယိၤဘး 33:28

အဝဲတပျဲယလဲၤဆူ တၢ်သံအကီၢ်ပူၤဘၣ်. ဒီးယအိၣ်မူဒံးယဲလီၤ.”

စံးထီၣ်ပတြၢၤ 28:1

ယွၤယလၢၢ်ဧၢ, ယကိးထီၣ်နၤလီၤ. ဒိကနၣ်ယတၢ်ကိးထီၣ်န့ၣ်တက့ၢ်. နမ့ၢ်တစံးဆၢယၤဘၣ်ဒီး, ယကလီၤဂာ်ဒီးပှၤလၢအလဲၤလီၤဆူ တၢ်သံကီၢ်ပူၤန့ၣ်လီၤ.

စံးထီၣ်ပတြၢၤ 30:9

“ယမ့ၢ်လဲၤလီၤဆူတၢ်သံအကီၢ်ပူၤဒီး လၢယတၢ်သံအဃိန့ၣ် နကဒိးန့ၢ်ဘၣ် တၢ်ဘျုးမနုၤတမံၤလဲၣ်. ဟီၣ်ခိၣ်အကမူၣ် ကစံးထီၣ်ပတြၢၤနၤစ့ၢ်ကီးဧါ. ကတဲဖျါထီၣ်နတၢ်သးတီစ့ၢ်ကီးဧါ.

စံးထီၣ်ပတြၢၤ 55:15

မ်တၢ်သံလီၤဘၣ်လၢယဒုၣ်ယဒါတဖၣ်အလိၤ တချုးအဆၢကတီၢ်ဘၣ်ဒံးတက့ၢ်. မ်အလဲၤလီၤမူဒံးဝဲဆူပျုၤပူၤတက့ၢ်, တၢ်အၢတၢ်သီအိၣ်ဝဲလၢအတၢ်အိၣ်တၢ်ဆိးအလီၢ် ဒီးလၢအသးကံၢ်ပူၤန့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

တၢ်ကတိၤဒိ. 1:12

အဝဲသ့ၣ်ကမူဒီးအိၣ်ဆူၣ်အိၣ်ချ့ဝဲဖဲပထံၣ်အီၤအခါ, ဘၣ်ဆၣ်ကသံဝဲဖဲပမၤဒၢၣ်ကွံာ်အဝဲသ့ၣ်ဝံၤဝဲန့ၣ်လီၤ.

တၢ်ကတိၤဒိ. 28:17

ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

လံာ်ယၡါယၤ 14:15

ဘၣ်ဆၣ်လၢ တၢ်န့ၣ်အလီၢ်, ခဲအံၤနဘၣ်တၢ်ထုးလီၤ ကွံာ်နၤဆူတၢ်လီၢ်အယိာ်ကတၢၢ်တတီၤလၢတၢ်သံအကီၢ်ပူၤန့ၣ်လီၤ.

လံာ်ယၡါယၤ 38:17

ယတၢ်သးခၣ်ကဃၣ်က့ၤအသးဆူတၢ်ဃူတၢ်ဖိးလီၤ. နအုၣ်က့ၤခီၣ်က့ၤယသးသမူလၢတၢ်လီၤပျံၤ လီၤဘၣ်ယိၣ်ခဲလၢာ် ဒီးနပျၢ်ယတၢ်ဒဲးဘးခဲလၢာ်လီၤ.

လံာ်ယဃ့းစက့လး 26:12

သုဒုၣ်သုဒါတဖၣ်ကဟံးန့ၢ်ကွံာ်သုတၢ်ထူးတၢ်တီၤတဖၣ်ဒီး သုတၢ်ပနံၣ်တၢ်ကၤတၢ်တဖၣ်လၢ အကစၢ်ဒၣ်ဝဲအဂီၢ်န့ၣ်လီၤ. အဝဲသ့ၣ်ကမၤလီၤပှီၢ်ကွံာ်သု ဝ့ၢ်ခိၣ်ဒူတဖၣ်ဒီးကမၤလီၤ ကလဲကွံာ်သုဟံၣ်ဃံလၤကပြုၢ်ကပြီၤတဖၣ်လၢ သုပာ်အီၤဒ်ဟီၣ်ခိၣ်အတၢ်မုာ်တၢ်ပၢၤအလီၢ်န့ၣ်လီၤ. အဝဲသ့ၣ်ကစိာ်ထီၣ်ကွံာ်လၢၢ်တဖၣ်ဒီးသ့ၣ်ဒီးကယဲၢ်တၢ် အက့အခီအကမူၣ်ခဲလၢာ်, ဒီးကတ့ၢ်လီၤဖှိၣ်ကွံာ်ဝဲဆူ ပီၣ်လဲၣ်ပူၤန့ၣ်လီၤ.

လံာ်ယဃ့းစက့လး 27:34

ခဲကနံၣ်အံၤ နဟးဂီၤလၢပီၣ်လဲၣ်အပူၤလံ. နလီၤဘျၢကွံာ်လံလၢ ပီၣ်လဲၣ်ဖးဒိၣ်အတၢ်ယိာ်ပူၤ, နတၢ်ဖိတၢ်လံၤတဖၣ်ဒီးပှၤတဖၣ်လၢ အမၤတၢ်လၢနဂီၢ်န့ၣ်လီၤ. မၢ်ကွံာ်ဃုာ်ဒီးနၤလၢပီၣ်လဲၣ်အပူၤ ခဲလၢာ်လံ.

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.