လံာ်ယဃ့းစက့လး 28:7 - Sgaw Karen Common Bible

⁷ ယကဟဲစိာ်ဃီၤဒုၣ်ဒါတဖၣ်လၢအတအိၣ်ဒီးတၢ်သးကညီၤဘၣ်လၢ ကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်ကမၤဟးဂီၤကွံာ်တၢ်ဃံတၢ်လၤခဲလၢာ်လၢ နမၤန့ၢ်တ့ၢ်အီၤလၢနတၢ်သ့တၢ်ဘၣ်ဒီး တၢ်ကူၣ်သ့အပူၤန့ၣ်လီၤ.

လံာ်ယဃ့းစက့လး 28:7 Iomraidhean Croise

စံးထီၣ်ပတြၢၤ 89:44

နဟံးထီၣ်ကွံာ်အစီၤပၤအနီၣ်ထိး ဒီးနမၤလီၤဃံၤအလီၢ်ပစိာ်ပၢၢ်လၢဟီၣ်ခိၣ်လိၤလီၤ.

လံာ်ယဃ့းစက့လး 28:17

နပာ်ထီၣ်ထီတ့ၢ်နသးလၢနက့ၢ်ဘၣ်ဂီၤဂ့ၤအဃိဒီး နတၢ်မံၤဟူသၣ်ဖျါဒုးကဲထီၣ်နၤလီၤဂာ်ဒ်ပှၤဟးဂီၤဖိ တဂၤအသိးန့ၣ်လီၤ. မ့ၢ်လၢတၢ်အံၤအဃိယတ့ၢ်လီၤကွံာ် နၤလၢဟီၣ်ခိၣ်လိၤ, ပာ်တ့ၢ်နၤဒ်တၢ်ဟ့ၣ်ပလီၢ်တမံၤအသိးလၢ စီၤပၤအဂၤတဖၣ်အဂီၢ်လီၤ.

လံာ်ယဃ့းစက့လး 30:10

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကသူကီၢ်ဘၤဘူၤလိၣ် အစီၤပၤနဘူၤကးန့စၢ်ဒ်သိး ကမၤကတၢၢ်ကွံာ်ကီၢ်အဲၤကူပတူးအတၢ်ထူးတၢ်တီၤန့ၣ်လီၤ.

လံာ်ယဃ့းစက့လး 30:11

အဝဲဒီးအသုးမုၢ်လၢ အတအိၣ်ဒီးတၢ်သးကညီၤဘၣ် န့ၣ်ကဟဲဒ်သိးကမၤဟးဂူာ်ဟးဂီၤထံကီၢ်အဂီၢ်န့ၣ်လီၤ. အဝဲသ့ၣ်ကဟဲထီၣ်ဒုးကီၢ်အဲၤကူပတူးလၢနးတဖၣ်ဒီး ကီၢ်န့ၣ်ကပှဲၤဒီးတၢ်သံစိၣ်တဖၣ်န့ၣ်လီၤ.

လံာ်ယဃ့းစက့လး 31:12

ပှၤတခီဘီမုၢ်ဖိတဖၣ်လၢတအိၣ်ဒီးတၢ်သးကညီၤဘၣ်န့ၣ်ကကျီလီၤ အီၤဒီးပာ်တ့ၢ်ကွံာ်အီၤန့ၣ်လီၤ. အဒ့တဖၣ်ဒီးအဒ့ဖးဒိၣ်တဖၣ်လၢ အကၢ်ကွံာ်န့ၣ်ကလီၤတဲာ်လၢကယဲၢ်ကစၢၢ်အလိၤဒီးဆူတၢ်တြီၤ ပူၤလၢထံကီၢ်အပူၤန့ၣ်လီၤ. ပှၤကလုာ်တဖၣ်လၢအအိၣ်ဆိးလၢ အဝဲအတၢ်ကဒုပူၤန့ၣ်ကဟးကွံာ်ဝဲဒၣ်န့ၣ်လီၤ.

လံာ်ယဃ့းစက့လး 32:12

ယကပျဲပှၤကလုာ်အအၢအသီအသုးဖိတဖၣ်ထုးထီၣ်အနးတဖၣ်ဒီး မၤသံကယဲၢ်နပှၤဂီၢ်မုၢ်ခဲလၢာ်န့ၣ်လီၤ. နပှၤဂီၢ်မုၢ်ခဲလၢာ်ဒီး တၢ်ခဲလၢာ်လၢနပာ်ကဖၢလၢနသးလၢအဃိန့ၣ်ကဘၣ်တၢ်မၤဟးဂီၤ ကွံာ်အီၤန့ၣ်လီၤ.

လံာ်ယဃ့းစက့လး 7:24

ယကဒုးဟဲနုာ်ပှၤကလုာ်လၢအအၢကတၢၢ်တဖၣ်ဖဲအံၤဒီးပျဲ အဝဲသ့ၣ်မၤန့ၢ်ကွံာ်သုဟံၣ်သုဃီတဖၣ်န့ၣ်လီၤ. ဖဲယပျဲပှၤကလုာ်တဖၣ်မၤတကဆှီတၢ်လီၢ်တဖၣ်လၢသုဘူၣ်ထီၣ်ဘါထီၣ် တၢ်န့ၣ်, သုပှၤတဖၣ်လၢအဂံၢ်ဆူၣ်ဘါဆူၣ်ကတၢၢ်န့ၣ်အတၢ် နာ်န့ၢ်လီၤသးကလီၤမၢ်ကွံာ်ဝဲန့ၣ်လီၤ.

လံာ်ဒၤနံးယ့လး 7:7

ဒ်ယအိၣ်ခိးကွၢ်တၢ်အသိးန့ၣ်, ဆၣ်ဖိကီၢ်ဖိအၢအၢသီသီ လွံၢ်ဒုတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲအဂံၢ်အဘါဆူၣ်ဒိၣ် မး, အၢဝဲသီဝဲဒိၣ်ဒိၣ်ကလဲာ်ဒီးလီၤပျံၤလီၤဖုးဒိၣ်မးန့ၣ်လီၤ. လၢအမဲထးဖးဒိၣ်တဖၣ်န့ၣ်အ့ၣ်လီၤကလဲကွံာ်တၢ်ဒီးယီၢ်တံၢ် ဝဲတၢ်အိၣ်လီၤတဲာ်တဖၣ်န့ၣ်လီၤ. အဝဲဒၣ်လီၤဆီန့ၢ်ဆၣ်ဖိကီၢ် ဖိအဂၤတဖၣ်ဒီးအနၢၤအိၣ်အဘိတဆံန့ၣ်လီၤ.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.