လံာ်ယဃ့းစက့လး 28:4 - Sgaw Karen Common Bible

⁴ နတၢ်ကူၣ်သ့ဒီးတၢ်သ့တၢ်ဘၣ်မၤကဲဒိၣ်နၤဒီးတၢ်ထူးတၢ်တီၤ တဖၣ်လၢထူဒီးစ့န့ၣ်လီၤ.

လံာ်ယဃ့းစက့လး 28:4 Iomraidhean Croise

တၢ်ကတိၤဒိ. 18:11

ပှၤအထူးအတီၤတဖၣ်တခီန့ၣ်ဆိကမိၣ်ဝဲလၢအတၢ်ထူးတၢ်တီၤဒီဒၣ် အဝဲသ့ၣ်ဒ်ဝ့ၢ်တဖျၢၣ်လၢအအိၣ်ဒီးအခိၣ်ဒူတဖၣ်လၢအထီဒီးအိၣ် ဝးတရံးအီၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယၡါယၤ 10:13

ကီၢ်အၤၡူၢ်အစီၤပၤဖးဒိၣ်ကတိၤဒိၣ်ကတိၤသွါတၢ်ဒီးစံးဝဲ, “ယမၤတ့ၢ်တၢ်ခဲလၢာ်န့ၣ်လၢယကစၢ်ဒၣ်ယဲလီၤ. ယဂံၢ်ဆူၣ်ဘါဆူၣ်, ယကူၣ်တၢ်သ့ဒီးယသ့ယဘၣ်လီၤ. ယတြူာ်ကွံာ်ထံဆၢကီၢ်ဆၢတဖၣ်လၢပှၤကလုာ်တကလုာ်ဒီး တကလုာ်အဘၢၣ်စၢၤ, ဒီးဟံးန့ၢ်တၢ်လုၢ်ဒိၣ်ပှ့ၤဒိၣ်လၢအပာ် ဖှိၣ်ပာ်တံၤဝဲတဖၣ်လီၤ. ဒ်ဂီၤဖံးဖါတဒုအသိး, ယယီၢ်တံၢ်ပှၤ တဖၣ်လၢအအိၣ်ဖဲန့ၣ်န့ၣ်လီၤ.

လံာ်ယံးရမံယၤ 49:4

သုဝဲပှၤဂီၢ်မုၢ်လၢအသးတတီဘၣ်တဖၣ်ဘၣ်မနုၤအဃိ သုပာ်သုတၢ်နာ်လၢ သုတၢ်စိကမီၤအပူၤ, ဒီးစံးလၢ ပှၤဟဲထီၣ်ဒုးသုတဘူၣ်နီတဂၤဘၣ်န့ၣ်လဲၣ်.

လံာ်ယဃ့းစက့လး 27:33

ဖဲနတၢ်ပနံၣ်တၢ်ကၤ အတၢ်ပီးတၢ်လီလဲၤဆူတခီထံတခီကီၢ်တဖၣ်န့ၣ် နမၤပှဲၤထီၣ် ကယဲၢ်ပှၤကိးကလုာ်ဒဲးအတၢ်လိၣ်တဖၣ်န့ၣ်လီၤ. စီၤပၤတဖၣ် မၤကဲဒိၣ်ထီၣ်အသးလၢနတၢ်ဖိတၢ်လံၤတဖၣ် အတၢ်ထူးတၢ်တီၤန့ၣ်လီၤ.

လံာ်ယဃ့းစက့လး 29:3

စံးလၢတၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ် ကီၢ်အဲၤကူပတူးအစီၤပၤန့ၣ်တက့ၢ်. ယမ့ၢ်နဒုၣ်နဒါ, နသမၣ် ဖးဒိၣ်လၢအမံလီၤလၢ နထံကျိအပူၤန့ၣ်လီၤ. နစံးနဲလၢထံကျိ နံၤလါမ့ၢ်နတၢ်ဒီးနမၤအီၤလၢ နနီၢ်ကစၢ်ဒၣ်နဲလီၤ.

လံာ်ဒၤနံးယ့လး 5:11

ပှၤအိၣ်ဝဲဒၣ်တဂၤလၢနဘီနမုၢ်အပူၤလၢကစၢ်ယွၤလၢအစီဆှံ တဂၤအသးအိၣ်လၢအပူၤန့ၣ်လီၤ. လၢနပၢ်အမုၢ်နံၤတဖၣ်အက တီၢ်န့ၣ်ဘၣ်တၢ်ထံၣ်န့ၢ်အီၤလၢတၢ်ကူၣ်တၢ်ဆးအဂ့ၤ, တၢ်သ့ၣ်ညါဒီးတၢ်ကူၣ်သ့ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်လၢအပူၤလီၤ. ဒီးနပၢ်, စီၤပၤနဘူၤကးန့စၢ်ဒုးကဲထီၣ် အီၤလၢပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူ ပယၢ်တၢ်, ဒီးပှၤဖးဆၣ်ဧိၤဖီဧိၤအဂ့ၢ်တဖၣ်, အခိၣ်အဒိၣ်က တၢၢ်န့ၣ်လီၤ.

လံာ်ဃဘးကူာ် 1:16

အဝဲသ့ၣ်ဘူၣ်ထီၣ်ဘါထီၣ်ဒၣ်အပှာ်ဧိၤစၤဧိၤတဖၣ်, ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဂ့ၢ်ဒ်အံၤ, အပှာ်ဧိၤစၤဧိၤတဖၣ်လုၢ်အီၣ်အဝဲသ့ၣ်ဒီးတၢ် အဂ့ၤကတၢၢ်လၢတၢ်ကိးမံၤဒဲးအကျါန့ၣ်လီၤ.