လံာ်ယဃ့းစက့လး 28:25 - Sgaw Karen Common Bible

²⁵ ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကဟဲက့ၤစိာ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်ဒီးပှၤကလုာ်ခဲလၢာ်ကသ့ၣ်ညါဝဲလၢယမ့ၢ်တၢ်စီဆှံ န့ၣ်လီၤ. ကီၢ်အံၣ်စရ့လးအပှၤဂီၢ်မုၢ် ကအိၣ်ဆိးလၢ အထံကီၢ်ဒၣ်ဝဲအပူၤ, ထံကီၢ်တဘ့ၣ်လၢယဟ့ၣ်လီၤ တ့ၢ်ယခ့ယပှၤစီၤယၤကိာ်န့ၣ်လီၤ.

လံာ်ယဃ့းစက့လး 28:25 Iomraidhean Croise

စံးထီၣ်ပတြၢၤ 106:47

ယွၤပကစၢ်ဧၢယွၤ, အုၣ်က့ၤခီၣ်က့ၤပှၤတက့ၢ်. ကိးက့ၤပှၤလၢ ပှၤကလုာ်တဖၣ်အကျါ ဒ်သိးပကစံးဘျုးစံးဖှိၣ်နၤ ဒီးစံးထီၣ်ပတြၢၤနမံၤစီဆှံန့ၣ်တက့ၢ်.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယံးရမံယၤ 23:8

အခိၣ်တလိာ်, အဝဲသ့ၣ်ကဆိၣ်တၢ်လၢယမံၤအပူၤ ဒ်ကစၢ်ယွၤအမူဝဲတဂၤအသိးဒ်ကစၢ်တဂၤလၢအစိာ်ထုးထီၣ်ကွံာ် ကီၢ်အံၣ်စရ့လးအပှၤဂီၢ်မုၢ်လၢထံကီၢ်လၢကလံၤစိးတခီဒီးလၢထံကီၢ် အဂၤတဖၣ်ခဲလၢာ်အပူၤဖဲယမၤလီၤပြံလီၤပြါတ့ၢ်အဝဲသ့ၣ်န့ၣ်လီၤ. အန့ၣ်ဝံၤဒီး, အဝဲသ့ၣ်ကအိၣ်ကဆိးလၢအထံအကီၢ်ဒၣ်ဝဲအပူၤန့ၣ်လီၤ.”

လံာ်ယံးရမံယၤ 27:11

ဘၣ်ဆၣ်ဒီး, ပှၤတကလုာ်လၢ်လၢ်မ့ၢ်, ဆီၣ်လီၤအသးလၢ ကီၢ်ဘၤဘူၤလိၣ်အစီၤပၤအဖီလာ်ဒီး မၤဝဲအတၢ်မၤဒီး, ယကပျဲအီၤလၢကအိၣ်ဘၣ်ဆိးဘၣ်ဒံး ဝဲလၢအထံအကီၢ်ဒၣ်ဝဲအပူၤ, လၢကထူစံာ်ထူပှဲၤဒီးအိၣ်ဝဲဆိးဝဲဖဲန့ၣ်အဂီၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ယဃ့းစက့လး 11:17

လၢတၢ်န့ၣ်အဃိ, တဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ် ကစၢ်စံးဝဲန့ၣ်တက့ၢ်. ‘ယကထုးထီၣ်က့ၤအဝဲသ့ၣ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်အပူၤ, ဒီးထၢဖှိၣ်ပာ်ဖှိၣ်က့ၤအီၤဒီးယကဟ့ၣ်လီၤက့ၤကီၢ်အံၣ်စရ့လး ဆူအဝဲသ့ၣ်အစုပူၤန့ၣ်လီၤ.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်ယဃ့းစက့လး 34:13

ယကဟံးထီၣ်ကွံာ်အဝဲသ့ၣ်လၢတခီထံတခီကီၢ်တဖၣ်အပူၤ, ပာ်ဖှိၣ်က့ၤအဝဲသ့ၣ်တပူၤဃီဒီးဟဲက့ၤစိာ်က့ၤအဝဲသ့ၣ်ဆူ အကီၢ်ဒၣ်ဝဲန့ၣ်လီၤ. ယကဆှၢက့ၤအဝဲသ့ၣ်ဆူကီၢ် အံၣ်စရ့လးအကစၢၢ်ကလိတဖၣ်ဒီးအထံကျိဖိတဖၣ် ဒီးယကလုၢ်အီလုၢ်အီအဝဲသ့ၣ်လၢအီၣ်ဆၣ်အလီၢ်လါဟ့ အမုာ်အပၢၤတဖၣ်အပူၤန့ၣ်လီၤ.

လံာ်ယဃ့းစက့လး 34:14

ယကဒုးကိာ်လီၤအဝဲသ့ၣ်လၢတၢ်ဘံၣ်တၢ်ဘၢအပူၤလၢ ကီၢ်အံၣ်စရ့လးအကစၢၢ်ကလိအတၢ်ပၢၤခိၣ်တဖၣ်လၢ အအိၣ်ဒီးတပံၢ်တမါအပူၤဒီးလၢတၢ်တြီၤ တဖၣ်အပူၤဒီးလၢကယဲၢ်အီၣ်ဆၣ်အလီၢ်လါဟ့ခဲ လၢာ်အပူၤန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 36:28

အန့ၣ်ဒီးသုကအိၣ်ဆိးလၢကီၢ်လၢယဟ့ၣ်လီၤတ့ၢ်သုမိၢ်ပၢ်ဖံဖု လၢပျၢၤတဖၣ်အပူၤန့ၣ်လီၤ. သုကမ့ၢ်ပှၤဂီၢ်မုၢ်ဒီးယကမ့ၢ် သုကစၢ်ယွၤန့ၣ်လီၤ.

လံာ်ယဃ့းစက့လး 37:21

အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 39:27

ဒ်သိးယဒုးနဲၣ်ပှၤအါကလုာ်လၢယမ့ၢ်တၢ်စီဆှံကသ့ဝဲအဂီၢ်န့ၣ်, ယကဟဲစိာ်ကဒါက့ၤယပှၤဂီၢ်မုၢ်လၢကယဲၢ်ထံကီၢ်တဖၣ်လၢ အဝဲသ့ၣ်အဒုၣ်အဒါတဖၣ်အိၣ်ဆိးဝဲန့ၣ်လီၤ.

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.

လံာ်ဟိၤၡ့ 11:11

အဝဲသ့ၣ်ကဟဲလၢကီၢ်အဲၤကူပတူးတခီချ့ချ့ဒ်ထိၣ်တဖၣ် ယူၤဝဲအသိးဒီးလၢကီၢ်အၤၡူၢ်တခီဒ်ထိၣ်လွံၢ်တဖၣ်အသိးန့ၣ်လီၤ. ယကစိာ်က့ၤကဒီးအဝဲသ့ၣ်ဆူအဟံၣ်တဖၣ်လီၤ. ယၤ, ယွၤအံၤကတိၤလံတၢ်လံ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်ယိၤအ့လး 3:7

ဒီးခဲကနံၣ်အံၤ, ယကဟဲက့ၤစိာ်ကဒါက့ၤအဝဲသ့ၣ်လၢသုဆါကွံာ်အီၤအလီၢ်တဖၣ်အ ပူၤ, ဒီးယကမၤသုဒ်သုမၤတ့ၢ်အဝဲသ့ၣ်အသိးန့ၣ်လီၤ.