လံာ်ယဃ့းစက့လး 28:24 - Sgaw Karen Common Bible

²⁴ ယွၤစံးဝဲဒၣ်, “ပှၤကလုာ်တဖၣ်လၢအအိၣ်ဝးတရံးကီၢ်အံၣ်စရ့လး, လၢအမၤတရီတပါအီၤန့ၣ်, တကဲထီၣ်လၢၤတၤဆှုၣ်တၤမဲတဖၣ် လၢကမၤဆါကဒီးအီၤနီတဖုလၢၤဘၣ်. ဒီးအဝဲသ့ၣ်ကသ့ၣ်ညါဝဲ လၢယမ့ၢ်ယွၤပၢဘၣ်တၢ်ခဲလၢာ်အကစၢ်န့ၣ်လီၤ.”

လံာ်ယဃ့းစက့လး 28:24 Iomraidhean Croise

လံာ်ယၡါယၤ 35:9

ခ့ယုၢ်တဖၣ်တအိၣ်ဖဲန့ၣ်နီတဒုဘၣ်. ဆၣ်ဖိကီၢ်ဖိလၢအဒူအဃိၤတပိာ်ကျဲအဝဲန့ၣ် နီတဒုဘၣ်. ပှၤလၢယွၤမၤပူၤဖျဲးတ့ၢ်အီၤတဖၣ်ကက့ၤဆူ အဟံၣ်လၢကျဲအဝဲန့ၣ်လီၤ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်ယဃ့းစက့လး 28:23

ယကဆှၢလီၤတၢ်ဆူးတၢ်ဆါတဖၣ်လၢနလိၤဒီး ယကဒုးယွၤလီၤ တၢ်သွံၣ်လၢနကျဲမုၢ်တဖၣ်အပူၤန့ၣ်လီၤ. နကဘၣ်တၢ်ဟဲထီၣ်ဒုးနၤလၢအကပၤကပၤဒီး နပှၤဂီၢ်မုၢ်ကဘၣ်တၢ်မၤသံကွံာ်အီၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်မံကၤ 7:4

ပှၤအဂ့ၤကတၢၢ်ဒီးပှၤအသူၣ်လိၤသးဘျၢကတၢၢ်လၢအဝဲသ့ၣ်အကျါဒၣ် လဲာ်အလုၢ်အပှ့ၤတအိၣ်ဘၣ်ဒ်သိးဒၣ်နီၣ်ဧိၤမံၤဧိၤတဖၣ်လီၤ. မုၢ်နံၤလၢကစၢ်ယွၤကစံၣ်ညီၣ်အပှၤဂီၢ်မုၢ်ဒ်အဟ့ၣ်ပလီၢ်ပာ်တ့ၢ် ဝဲခီဖျိအပှၤပၢၤတၢ်, ဝံတဖၣ်န့ၣ်ဟဲတုၤဝဲလံ. ခဲကနံၣ်အံၤအဝဲသ့ၣ်အိၣ်လၢတၢ်သဘံၣ်ဘုၣ်အပူၤလီၤ.

လံာ်တၢ်ဂံၢ် 33:55

ဘၣ်ဆၣ်ဒီးသုမ့ၢ်တနီၣ်ထီၣ်ကွံာ်ဘၣ်ပှၤအိၣ်ဆိးလၢကီၢ်န့ၣ်အပူၤ ဘၣ်ဒီးပှၤအိၣ်လီၤတဲာ်ဖဲန့ၣ်တဖၣ်ကမၤကိၢ်မၤဂီၤသုဒ်တၢ်ကမှံၤ တဖၣ်လၢသုမဲာ်ချံတဖၣ်အပူၤဒီးတၤဆှုၣ်တဖၣ်လၢသုကပၤတဖၣ်အသိး ဒီးအဝဲသ့ၣ်ကဒုးတၢ်ထီဒါသုန့ၣ်လီၤ.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

လံာ်စီၤယိၤၡူ 23:13

သ့ၣ်ညါသပှၢ်ကတၢၢ်လၢယွၤသုကစၢ်ယွၤတနီၣ်ထီၣ်ဟီထီၣ် ပှၤကလုာ်တဖၣ်အံၤလၢသုမဲာ်ညါလၢၤဘၣ်. မ့မ့ၢ်, အဝဲသ့ၣ်ကကဲ ထီၣ်ပျံၤသကွီၤဒီးထုလၢသုဂီၢ်, နီၣ်ဖျ့လၢသုချၢအဂီၢ်ဒီး တၤဆှုၣ်တၤမဲလၢသုမဲာ်ချံအပူၤန့ၣ်လီၤ. တၢ်အံၤကမၤအသးတုၤလၢသုဟးဂီၤကွံာ်ခဲလၢာ်လၢကီၢ်လၢအဂ့ၤ လၢယွၤသုကစၢ်ယွၤဟ့ၣ်လီၤသုတဘ့ၣ်အံၤအပူၤန့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်ပှၤစံၣ်ညီၣ်ကွီၢ် 2:3

မၤသးဒ်န့ၣ်ဒီးယစံးဘၣ်သုခဲအံၤလၢယတဟီထီၣ်ကွံာ်ဘၣ်ပှၤ ကလုာ်တဖၣ်အံၤလၢသုမဲာ်ညါဘၣ်. အဝဲသ့ၣ်ကကဲထီၣ်သုဒုၣ် သုဒါန့ၣ်လီၤ. ဒီးတၢ်ဘူၣ်ထီၣ်ဘါထီၣ်အဝဲသ့ၣ် အကစၢ်တဖၣ်န့ၣ်ကကဲထီၣ်ပျံၤသကွီၤလၢသုဂီၢ်လီၤ.”