လံာ်ယဃ့းစက့လး 28:23 - Sgaw Karen Common Bible

²³ ယကဆှၢလီၤတၢ်ဆူးတၢ်ဆါတဖၣ်လၢနလိၤဒီး ယကဒုးယွၤလီၤ တၢ်သွံၣ်လၢနကျဲမုၢ်တဖၣ်အပူၤန့ၣ်လီၤ. နကဘၣ်တၢ်ဟဲထီၣ်ဒုးနၤလၢအကပၤကပၤဒီး နပှၤဂီၢ်မုၢ်ကဘၣ်တၢ်မၤသံကွံာ်အီၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 28:23 Iomraidhean Croise

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 51:52

လၢတၢ်န့ၣ်အဃိဒီး, ယစံးယဲလၢတၢ်ဆၢကတီၢ်တုၤအိၣ်လံဝဲလၢ, ယကမၤဘၣ်ဒိဘၣ်ထံးကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်, ဒီးပှၤလၢအဘၣ်ဒိဘၣ်ထံးတဖၣ် ကကအုကစွါထီၣ်ဝဲလၢထံကီၢ်ဒီ ဘ့ၣ်ညါအပူၤန့ၣ်လီၤ.

လံာ်ယဃ့းစက့လး 21:14

ခဲကနံၣ်အံၤ, ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဒဲနစုတဖၣ်တက့ၢ်. ဒီးနးန့ၣ်ကဆဲးတၢ်တဘျီဝံၤတဘျီန့ၣ်လီၤ. တၢ်အံၤမ့ၢ်နးလၢအမၤသံတၢ်, မ့ၢ်နးလၢအမၤပျံၤမၤဖုးတၢ်, ဒီးမၤသံမၤဝီတၢ်အါအါဂီၢ်ဂီၢ်န့ၣ်လီၤ.

လံာ်ယဃ့းစက့လး 21:16

နဲဒၣ်, နးလၢအအ့ၣ်တဘ့ၣ်ဧၢ, ကျီတၢ်လၢစုထွဲဒီးလၢစုစ့ၣ် တက့ၢ်. ကျီတၢ်ဖဲနဃၣ်နသးတပူၤလၢ်လၢ်န့ၣ်တက့ၢ်.

လံာ်ယဃ့းစက့လး 25:11

ယကစံၣ်ညီၣ်ကီၢ်မိၤအးဒီးအဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 25:17

ယကစံၣ်ညီၣ်အဝဲသ့ၣ်နးနးကလဲာ်ဒီးဟ့ၣ်ကၣ်တၢ်လၢအဝဲသ့ၣ်အဖီ ခိၣ်လၢလၢပှဲၤပှဲၤန့ၣ်လီၤ. အဝဲသ့ၣ်ကကလၢၢ်ယတၢ်သးဒိၣ်ထီၣ်န့ၣ်လီၤ. အန့ၣ်တစုအဝဲသ့ၣ်, ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 25:7

မ့ၢ်လၢသုမၤတ့ၢ်တၢ်န့ၣ်အဃိ, ယကဟ့ၣ်လီၤကွံာ်သုဆူပှၤကလုာ် ဂၤတဖၣ်အစုပူၤလၢကဒုးသုဒီးဂုာ်ဆူၣ်ပျီဆူၣ်သုန့ၣ်လီၤ. ယကမၤဟးဂီၤကွံာ်သုစီဖ့ကလ့ၤ, တုၤဒၣ်လဲာ်သုတမ့ၢ်လၢၤဘၣ် ပှၤတကလုာ်မ့ၢ်ဂ့ၤ, သုတအိၣ်လၢၤဒီးသုထံသုကီၢ်ဒၣ်ဝဲမ့ၢ်ဂ့ၤလၢၤဘၣ်. အန့ၣ်ဒီးသုကသ့ၣ်ညါယမ့ၢ်ယွၤန့ၣ်လီၤ.”

လံာ်ယဃ့းစက့လး 26:6

ဒီးလၢအဝဲသ့ၣ်အနးတဖၣ်န့ၣ်, အဝဲသ့ၣ်ကမၤသံကွံာ်ပှၤတဖၣ်လၢ အအိၣ်လၢအဝ့ၢ်တဖၣ်အပူၤလၢကီၢ်မိၢ်ပှၢ်အဖီခိၣ်န့ၣ်လီၤ. အန့ၣ်ဒီးမ့ၢ်ထါယၢၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:4

တၢ်ဒုးကအိၣ်ဝဲလၢကီၢ်အဲၤကူပတူးအပူၤဒီး တၢ်ကိၢ်တၢ်ဂီၤဖးဒိၣ်လၢကီၢ်ကူၤၡးအပူၤန့ၣ်လီၤ. ပှၤအါဂၤလၢ ကီၢ်အဲၤကူပတူးအပူၤကဘၣ်တၢ်မၤသံအီၤလီၤ. ထံကီၢ်ကဘၣ်တၢ်ဂုာ်န့ၢ်ဆူၣ်အီၤဒီး ပာ်လီၤတဲာ်တ့ၢ်အီၤလၢ တၢ်ဟးဂီၤတဖၣ်အပူၤန့ၣ်လီၤ.

လံာ်ယဃ့းစက့လး 32:30

ကယဲၢ်အပဒိၣ်ဖးဒိၣ်တဖၣ်လၢကလံၤစိးအိၣ်ဖဲန့ၣ်ဒီးပှၤစံဒိၣ်ဖိတဖၣ် စ့ၢ်ကီးန့ၣ်လီၤ. တဘျီန့ၣ်အဝဲသ့ၣ်အစိကမီၤရၤလီၤတၢ်မၤပျံၤ မၤဖုးဘၣ်ဆၣ်ခဲအံၤအဝဲသ့ၣ်လဲၤလီၤလၢတၢ်လီၤမဲာ်ဆှးအပူၤ ဃုာ်ဒီးပှၤတဖၣ်လၢအဘၣ်တၢ်မၤသံအီၤလၢတၢ်ဒုးပူၤဒီးမံလီၤတ့ၢ် လၢတၢ်အိၣ်ဘှံးအပူၤတအိၣ်ဒီးတၢ်ဒိးဘၣ်တၢ်ကူးတရံးဘၣ်န့ၣ်လီၤ. အဝဲသ့ၣ်ဒိးဘၣ်တၢ်မဲာ်ဆှးတမံၤဃီဒ်သိးဒၣ်ပှၤတဖၣ် လၢအလဲၤလီၤတ့ၢ်ဆူတၢ်သံအကီၢ်ပူၤန့ၣ်လီၤ.

လံာ်ယဃ့းစက့လး 38:22

ယကစံၣ်ညီၣ်အီၤလၢတၢ်ဆူးတၢ်ဆါဒီးတၢ်ဂၢ်သွံၣ်ဂၢ်စီၤန့ၣ်လီၤ. ဒီးယကလူလီၤမူခိၣ်အထံယွၤဆူၣ်ဃုာ်ဒီးသူၣ်အိၣ်ဒီးမ့ၣ်အူဒီးကး ကလူလီၤဂၢ်လီၤအသးလၢအလိၤ, ဒီးလၢအသုးမုၢ်ဒီးပှၤကလုာ် တဖၣ်လၢအိၣ်လၢအဝဲအအိၣ်တခီအလိၤန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:17

ယကမၢလီၤတၢ်သၣ်ဝံၤလီၤဒိဒီးဆၣ်ဖိကီၢ်ဖိအမံၤတဖၣ်လၢကမၤ သံသုဖိတဖၣ်, ဒီးယကဆှၤလီၤတၢ်ဆူးတၢ်ဆါ, တၢ်စုဆူၣ်ခီၣ်တကး, ဒီးတၢ်ဒုးတၢ်ယၤလၢကမၤသံသုအဂီၢ်လီၤ. ယၤ, ယွၤအံၤ, ကတိၤလံတၢ်လံ.