လံာ်ယဃ့းစက့လး 28:18 - Sgaw Karen Common Bible

¹⁸ နမၤတၢ်အၢတၢ်သီဒ်သိးအံၤတမံၤလၢတၢ်ဆါတၢ်ပှ့ၤအပူၤ တုၤနတၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်အဂီၢ်န့ၣ်ဟးဂူာ် ဟးဂီၤကွံာ်ဝဲဒၣ်န့ၣ်လီၤ. လၢတၢ်န့ၣ်အဃိယဒွဲၣ်ကွံာ်ဝ့ၢ်န့ၣ်လၢမ့ၣ် အူဒီး မ့ၣ်အူအီၣ်ကွံာ်အီၤခဲလၢာ်န့ၣ်လီၤ. ပှၤလၢအကွၢ်ဃီၤနၤ ခဲလၢာ်န့ၣ်ခဲအံၤထံၣ်ဝဲလၢနကဲထီၣ်ဖၣ်ဆါလံန့ၣ်လီၤ.

လံာ်ယဃ့းစက့လး 28:18 Iomraidhean Croise

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယဃ့းစက့လး 28:15

နတၢ်သကဲးပဝးမ့ၢ် တၢ်လၢတၢ်ပှဲၤစးထီၣ်မုၢ်တနံၤလၢနဘၣ် တၢ်တ့လီၤပာ်လီၤနၤတုၤဃီၤလၢနစးထီၣ်မၤတၢ်အၢတၢ်သီတစုန့ၣ်လီၤ.

လံာ်ယဃ့းစက့လး 28:16

နတၢ်ဖံးတၢ်မၤအါလၢ တၢ်ဆါတၢ်ပှ့ၤဒီး တၢ်အံၤန့ၣ်ဆှၢဃီၤနၤဆူတၢ်မၤဆူၣ်မၤစိးတၢ်ဒီးတၢ်မၤဒဲးဘးန့ၣ်လီၤ. လၢတၢ်န့ၣ်အဃိ, ယမၤဆူၣ်ဒ်သိး နကဟးထီၣ်ကွံာ်လၢယကစၢၢ်စီဆှံဒီးမူခိၣ်ကလူး တဂၤလၢအခိးဒီဒၣ်နၤန့ၣ်နီၣ်ဟးထီၣ်ကွံာ်နၤယံၤဒီး လၢၢ်တၢ်မျၢ်ကပြုၢ်ကပြီၤတဖၣ်န့ၣ်လီၤ.

လံာ်ယဃ့းစက့လး 5:4

ဝံၤဒီး, ဟံးန့ၢ်က့ၤကဒီးအဂၤတနီၤလၢအကျါ, ကွံာ်လီၤအီၤလၢမ့ၣ်အူပူၤဒီးပျဲမ့ၣ်အူအီၣ်ကွံာ်အီၤတက့ၢ်. မ့ၣ်အူကဟဲထီၣ်လၢအဝဲသ့ၣ်အကျါဒီးကရၤလီၤအသးဆူကီၢ်အံၣ် စရ့လးအပှၤကလုာ်ခဲလၢာ်အအိၣ်န့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်စကၤရယၤ 9:4

ဘၣ်ဆၣ်ဒီးယွၤကစိာ်ကွံာ်တၢ်ခဲလၢာ်လၢအအိၣ်ဒီးအီၤန့ၣ်လီၤ. ဒီးအဝဲကတ့ၢ်လီၤကွံာ်ဝ့ၢ်န့ၣ်အတၢ်ထူးတၢ်တီၤဆူပီၣ်လဲၣ်ပူၤ, ဒီးမ့ၣ်အူကအီၣ်ကွံာ်ဝ့ၢ်န့ၣ်လီၤ.

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

လံာ်မၢ်ကူး 8:36

ပှၤကညီတဂၤမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ညါဘၣ်ဆၣ်ဒီး အသးသမူနီၢ်နီၢ်မ့ၢ်လီၤမၢ်ကွံာ်န့ၢ်အီၤန့ၣ်, တၢ်ဘျုးလၢအဂီၢ်ကအိၣ်ဒံးမနုၤလဲၣ်.

၂ ပ့းတရူး 2:6

ယွၤစံၣ်ညီၣ်ဝ့ၢ်စဒိၣ်ဒီးဝ့ၢ်ဂမိရၤဒီးမၤဟးဂီၤကွံာ်အီၤလၢ မ့ၣ်အူ, ဒီးဒုးကဲထီၣ်အီၤလၢတၢ်အဒိအတဲာ်လၢပှၤလၢ အတယူးတယီၣ်ယွၤအဂီၢ်န့ၣ်လီၤ.

လံာ်လီၣ်ဖျါ 18:8

လၢတၢ်တမံၤအံၤအဃိ, လၢတနံၤဃီအတီၢ်ပူၤ, အဝဲဒၣ်ကဘၣ်တၢ်မၤဘၣ်ဒိအီၤလၢ တၢ်သံသတြိာ်တဖၣ်, တၢ်ဆူးတၢ်ဆါ, တၢ်သူၣ်အုးသးအုး, ဒီးတၢ်သၣ်ဝံၤလီၤဒိ ဒီးအဝဲဒၣ်ကဘၣ်တၢ်ဒွဲၣ်အီၤလၢမ့ၣ်အူလီၤ. အဂ့ၢ်ဒ်အံၤ, ကစၢ်ယွၤလၢအစံၣ်ညီၣ်အီၤတဂၤ မ့ၢ်ပှၤလၢအစိဒိၣ်ကမီၤထီတဂၤလီၤ.”

လံာ်ပှၤစံၣ်ညီၣ်ကွီၢ် 9:15

ဒီးသ့ၣ်တၤဆှုၣ်စံးဆၢဝဲဒၣ်, သုမ့ၢ်သးအိၣ်သပှၢ်ကတၢၢ်လၢသုကဒုးကဲထီၣ်ယၤလၢသုစီၤပၤန့ၣ်, ဟဲဒီးအိၣ်ကဒုလၢယကဒုဖီလာ်တက့ၢ်. သုမ့ၢ်တဟဲဘၣ်ဒီးမ့ၣ်အူကဟးထီၣ်လၢယဒ့ယတြၢ်တဖၣ် အပူၤဒီးအီၣ်ကွံာ်လဘၤနိၣ်အသ့ၣ်ဆှိအ့ရ့းတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”