လံာ်ယဃ့းစက့လး 28:17 - Sgaw Karen Common Bible

¹⁷ နပာ်ထီၣ်ထီတ့ၢ်နသးလၢနက့ၢ်ဘၣ်ဂီၤဂ့ၤအဃိဒီး နတၢ်မံၤဟူသၣ်ဖျါဒုးကဲထီၣ်နၤလီၤဂာ်ဒ်ပှၤဟးဂီၤဖိ တဂၤအသိးန့ၣ်လီၤ. မ့ၢ်လၢတၢ်အံၤအဃိယတ့ၢ်လီၤကွံာ် နၤလၢဟီၣ်ခိၣ်လိၤ, ပာ်တ့ၢ်နၤဒ်တၢ်ဟ့ၣ်ပလီၢ်တမံၤအသိးလၢ စီၤပၤအဂၤတဖၣ်အဂီၢ်လီၤ.

လံာ်ယဃ့းစက့လး 28:17 Iomraidhean Croise

စံးထီၣ်ပတြၢၤ 147:6

ပှၤလၢအဆီၣ်လီၤအသးန့ၣ်ယွၤဝံၢ်ဆၢထၢၣ်အီၤလီၤ. မ့မ့ၢ်ပှၤတတီတလိၤန့ၣ် ဆီၣ်လီၤဝဲလၢဟီၣ်ခိၣ်လိၤလီၤ.

စံးထီၣ်ပတြၢၤ 73:18

မ့ၢ်မးကနပာ်အဝဲသ့ၣ်လၢတၢ်လီၤတလံာ်အလီၢ်တဖၣ်, နကဒုးလီၤအဝဲသ့ၣ်ဆူတၢ်ဟးဂူာ်ဟးဂီၤန့ၣ်လီၤ.

တၢ်ကတိၤဒိ. 11:2

ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

လံာ်ယၡါယၤ 25:12

အဝဲကမၤဟးဂီၤကီၢ်မိၤအးအတိာ်ဧိၤတာ်ဧိၤတဖၣ်ဃုာ်ဒီး အဝ့ၢ်ခိၣ်ဒူလၢအထီတဖၣ်ဒီးမၤလီၤပှီၢ်လီၤကလဲကွံာ်အီၤဆူ ဖၣ်ကမူၣ်ဖၣ်ဆါအကျါန့ၣ်လီၤ.

လံာ်ယၡါယၤ 26:5

အဝဲဒၣ်ဆီၣ်လီၤကွံာ်ပှၤလၢအပာ်ထီၣ်ထီအသးတဖၣ်လီၤ. အဝဲဒၣ်မၤဟးဂီၤကွံာ်ဝ့ၢ်အဂံၢ်ဆူၣ်အဘါဆူၣ်လၢအဝဲသ့ၣ် အိၣ်တ့ၢ်ဆိးတ့ၢ်ဝဲ, ဒီးမၤလီၤပှီၢ်လီၤကလဲကွံာ်အခိၣ်ဒူတဖၣ် ဆူဖၣ်ကမူၣ်ဖၣ်ဆါအပူၤန့ၣ်လီၤ.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်ယဃ့းစက့လး 16:41

အဝဲသ့ၣ်ကဒွဲၣ်အူထီၣ်ကွံာ်နဟံၣ်တဖၣ်ဒီးပျဲပှၤပိာ်မုၣ်ဂီၢ် မုၢ်တဖုထံၣ်ဘၣ်တၢ်စံၣ်ညီၣ်နၤန့ၣ်လီၤ. ယကဒုးဆိကတီၢ်နၤလၢနတၢ်မ့ၢ်ပှၤဃဲသဲမုၣ်တဂၤ, ဒီးဆိကတီၢ်နၤလၢနတၢ်ဟ့ၣ်တဖၣ်ဆူပှၤလၢနအဲၣ်အီၤတဖၣ်န့ၣ်လီၤ.

လံာ်ယဃ့းစက့လး 19:12

ဘၣ်ဆၣ်တၢ်သးဒိၣ်အစုတဖၣ်ထဲးထီၣ်ကွံာ်အီၤလၢအဂံၢ် တဖၣ်ဒီးတ့ၢ်လီၤကွံာ်အီၤဆူဟီၣ်ခိၣ်လိၤန့ၣ်လီၤ. မုၢ်ထီၣ်အကလံၤမၤဃ့ထီကွံာ်အသၣ်န့ၣ်လီၤ. အဒ့တဖၣ်ကၢ်ကွံာ်ဝဲ, ဃ့ထီကွံာ်ဒီးဘၣ်တၢ်ဒွဲၣ်ကွံာ်အီၤန့ၣ်လီၤ.

လံာ်ယဃ့းစက့လး 23:48

လၢကီၢ်ဒီတဘ့ၣ်ညါအပူၤန့ၣ်, ယကဆိကတီၢ်ကွံာ်တၢ်လုၢ်အၢလၢ်သီ, ဒ်အမ့ၢ်တၢ်ဟ့ၣ်ပလီၢ်တမံၤလၢပိာ်မုၣ်ကိးဂၤဒဲးသုတမၤတၢ်မၤကမၣ် မုၣ်ကမၣ်ခွါဒ်အဝဲသ့ၣ်မၤတ့ၢ်ဝဲအသိးတဂ့ၤန့ၣ်လီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ယဃ့းစက့လး 27:3

ဝ့ၢ်လၢအအိၣ်သူၣ်လီၤအသးလၢ ပီၣ်လဲၣ်အသရ့ၤဒီးမၤပနံၣ်တၢ်ကၤ အတၢ်မၤဒီး ပှၤဂီၢ်မုၢ်လၢအအိၣ်ဆိးလၢ ကယဲၢ်ပီၣ်လဲၣ်နံၤခဲလၢာ် န့ၣ်တက့ၢ်. တဲဘၣ်အီၤလၢယွၤ, ပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. ဝ့ၢ်ထါယၢၣ်ဧၢ, နပာ်ကဖၢလၢနသးလၢနတၢ်ဃံတုာ်လၤတုာ်အဃိန့ၣ်လီၤ.

လံာ်ယဃ့းစက့လး 27:4

နဟံၣ်မ့ၢ်ပီၣ်လဲၣ်လီၤ. ပှၤတဖၣ်လၢအသူၣ်ထီၣ်နၤန့ၣ်မၤထီၣ်နၤ ဒ်ကဘီဃံလၤတဘ့ၣ်အသိးန့ၣ်လီၤ.

လံာ်ယဃ့းစက့လး 28:15

နတၢ်သကဲးပဝးမ့ၢ် တၢ်လၢတၢ်ပှဲၤစးထီၣ်မုၢ်တနံၤလၢနဘၣ် တၢ်တ့လီၤပာ်လီၤနၤတုၤဃီၤလၢနစးထီၣ်မၤတၢ်အၢတၢ်သီတစုန့ၣ်လီၤ.

လံာ်ယဃ့းစက့လး 28:5

နမၤပနံၣ်တၢ်ကၤအတၢ်မၤအိၣ်ဒီးတၢ်သးဆး, တၢ်ပ့ၢ်တၢ်ဆှါဒီး နမၤအါထီၣ်နတၢ်စုလီၢ်ခီၣ်ခိၣ်ကွ့ၢ်ကွ့ၢ်န့ၣ်လီၤ. နပာ်ထီၣ်ထီနသးလၢ နတၢ်ထူးတၢ်တီၤတဖၣ်အဃိဒိၣ်မးလဲၣ်.

လံာ်ယဃ့းစက့လး 28:7

ယကဟဲစိာ်ဃီၤဒုၣ်ဒါတဖၣ်လၢအတအိၣ်ဒီးတၢ်သးကညီၤဘၣ်လၢ ကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်ကမၤဟးဂီၤကွံာ်တၢ်ဃံတၢ်လၤခဲလၢာ်လၢ နမၤန့ၢ်တ့ၢ်အီၤလၢနတၢ်သ့တၢ်ဘၣ်ဒီး တၢ်ကူၣ်သ့အပူၤန့ၣ်လီၤ.

လံာ်ယဃ့းစက့လး 31:10

အန့ၣ်ဒီးခဲကနံၣ်အံၤ, ယၤယွၤပၢဘၣ်တၢ်ခဲလၢာ်ကစၢ်, ကတဲဘၣ် နၤတၢ်လၢကမၤအသးဒီးသ့ၣ်န့ၣ် လၢအဒိၣ်ထီၣ်တ့ၢ်ဝဲတုၤလၢအ တုၤဃီၤဆူတၢ်အၢၣ်တဖၣ်အအိၣ်န့ၣ်လီၤ. ဒ်အထီထီၣ်ဝဲအသိးန့ၣ်အသးထီၣ်ထီဝဲန့ၣ်လီၤ.

လံာ်ယဃ့းစက့လး 32:10

တၢ်လၢယမၤဘၣ်နၤတဖၣ်န့ၣ်ကမၤဖုးမၤပျီၢ်ပှၤကလုာ်တဖၣ် န့ၣ်လီၤ. ဖဲယမၤဟူးဝးထီၣ်ယနးန့ၣ်စီၤပၤတဖၣ်ကကနိးကစုာ် လၢတၢ်ပျံၤတၢ်ဖုးအပူၤန့ၣ်လီၤ. မုၢ်တနံၤလၢနလီၤကွံာ်န့ၣ်, အဝဲသ့ၣ်ခဲလၢာ်ကကနိးကစုာ်လၢတၢ်ပျံၤတၢ်ဖုးအပူၤလၢ အသးသမူဒၣ်ဝဲအဂီၢ်န့ၣ်လီၤ.”

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”