လံာ်ယဃ့းစက့လး 28:16 - Sgaw Karen Common Bible

¹⁶ နတၢ်ဖံးတၢ်မၤအါလၢ တၢ်ဆါတၢ်ပှ့ၤဒီး တၢ်အံၤန့ၣ်ဆှၢဃီၤနၤဆူတၢ်မၤဆူၣ်မၤစိးတၢ်ဒီးတၢ်မၤဒဲးဘးန့ၣ်လီၤ. လၢတၢ်န့ၣ်အဃိ, ယမၤဆူၣ်ဒ်သိး နကဟးထီၣ်ကွံာ်လၢယကစၢၢ်စီဆှံဒီးမူခိၣ်ကလူး တဂၤလၢအခိးဒီဒၣ်နၤန့ၣ်နီၣ်ဟးထီၣ်ကွံာ်နၤယံၤဒီး လၢၢ်တၢ်မျၢ်ကပြုၢ်ကပြီၤတဖၣ်န့ၣ်လီၤ.

လံာ်ယဃ့းစက့လး 28:16 Iomraidhean Croise

လံာ်တၢ်ကဲထီၣ်အခီၣ်ထံး 3:24

ဒီးလၢတၤသၣ်အလီၢ်မုၢ်ထီၣ်န့ၣ်ပာ်လီၤဝဲခ့ရူာ်တဖၣ်ဒီးနးမ့ၣ်အူ လၢအတရံးအသးကိးကပၤဒဲးလီၤ. တၢ်အံၤမ့ၢ်ဒ်သိးအက တြီဃာ်ပှၤတဂၤလၢ်လၢ်လၢအကဟဲဘူးဒီးသ့ၣ်တထံးလၢအဟ့ၣ်တၢ်မူ န့ၣ်လီၤ.

လံာ်တၢ်ကဲထီၣ်အခီၣ်ထံး 6:11

ဒီးကယဲၢ်ပှၤအဂၤခဲလၢာ်န့ၣ်မ့ၢ်ထဲပှၤအၢပှၤသီလၢကစၢ်ယွၤအတၢ်ထံၣ် အပူၤန့ၣ်လီၤ. ဒီးတၢ်မၤတၢ်လၢတၢ်စုဆူၣ်ခီၣ်တကးသ့ၣ်တဖၣ်ရၤလီၤအသး သကုၤဆးဒးလီၤ.

လံာ်ယၡါယၤ 22:19

ယွၤကသုးကွံာ်နၤလၢနမူနဒါအလီၢ်ဒီးထုးလီၤတဲာ်ကွံာ်နၤလၢ နလီၢ်ဒိၣ်နလၤထီအလီၢ်န့ၣ်လီၤ.”

လံာ်ယၡါယၤ 23:9

ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယဃ့းစက့လး 28:14

ယပာ်လီၤတ့ၢ် မူခိၣ်ကလူးတဂၤလၢအလီၤပျံၤလီၤဖုးဖဲန့ၣ်လၢ ကခိးဒီဒၣ်နၤန့ၣ်လီၤ. နအိၣ်လၢယကစၢၢ်စီဆှံအလိၤ, နလဲၤ တၢ်လၢလၢၢ်တၢ်မျၢ်ကပြုၢ်ကပြီၤတဖၣ် အကျါန့ၣ်လီၤ.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်ဟိၤၡ့ 12:7

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်တဖၣ်တတီတလိၤဘၣ် ဒ်သိးဒၣ်ပှၤကနၤဧၣ်ဖိတဖၣ်န့ၣ်လီၤ. အဝဲသ့ၣ်အဲၣ်ဒိးလီန့ၢ်အပှၤပှ့ၤတၢ်တဖၣ်လၢစီၤပီၢ်လီတၢ်န့ၣ် လီၤ.

လံာ်ဧၤမိၣ် 3:9

ဘိးဘၣ်သ့ၣ်ညါတၢ်ဆူပှၤအိၣ်လၢကီၢ်အဲၤကူပတူးဒီးဝ့ၢ် အၤစဒိာ်အနူၢ်အစီၤတဖၣ်အပူၤဒီးစံး, “ပာ်ဖှိၣ်ထီၣ်သုသးလၢကစၢၢ် ကလိတဖၣ်လၢအအိၣ်ဝးတရံးကီၢ်ၡၤမရံဒီးကွၢ်တၢ်တၢထီၣ်တၢလီၤ ဖးဒိၣ်လၢအပူၤဒီးတၢ်မၤအၢမၤနးတဖၣ်လၢအဘၣ်တၢ်မၤအီၤဖဲန့ၣ် တက့ၢ်.

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်မံကၤ 2:10

ဂဲၤဆၢထၢၣ်ဒီးဟးထီၣ်ကွံာ်တက့ၢ်. တၢ်ပူၤဖျဲးတအိၣ်လၢၤဘၣ်ဖဲအံၤဘၣ်. သုတၢ်ဒဲးဘးတဖၣ်ဒုးလီၤဘၣ်တၢ်စံၣ်ညီၣ်ဃါမနၤဖဲတၢ်လီၢ်အံၤဆူ တၢ်ဟးဂူာ်ဟးဂီၤလီၤ.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်ဃဘးကူာ် 2:17

သုကူာ်လီၤကွံာ်လဘၤနိၣ်အသ့ၣ်ပှၢ်တဖၣ်, ဒီးခဲအံၤသုကဘၣ်တၢ်ဒီၣ်တဲာ်ကွံာ်သုလီၤ. သုမၤသံမၤဝီတ့ၢ်အဆၣ်ဖိကီၢ်ဖိတဖၣ်, ဒီးခဲအံၤဆၣ်ဖိကီၢ်ဖိတဖၣ်ကမၤပျံၤမၤဖုးသုလီၤ. တၢ်အံၤကမၤအသးလၢသုတၢ်မၤသံမၤဝီဒီးတၢ်ဂုာ် ဆူၣ်ပျီဆူၣ်ထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃဘးကူာ် 2:8

မ့ၢ်သုဂုာ်ဆူၣ်ပျီဆူၣ်တ့ၢ်ပှၤဂီၢ်မုၢ်လၢပှၤအါကလုာ်အကျါ အဃိ, ခဲကနံၣ်အံၤပှၤလၢအအိၣ်လီၤတဲာ်တဖၣ်ကဂုာ် ဆူၣ်ပျီဆူၣ်က့ၤသုလၢတၢ်လၢသုမၤသံသ့ၣ်တဖၣ်ဒီးသုတၢ် အၢတၢ်သီထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်စဖါနယၤ 1:9

ယကစံၣ်ညီၣ်ကယဲၢ်ပှၤလၢအဘူၣ်ထီၣ်ဘါထီၣ် တၢ်ဒ်ပှၤဘါတၢ်ဂီၤတၢ်ဖီၣ်တဖၣ်အသိး, ဒီးပှၤလၢအဟုၣ်တၢ်ဒီးမၤသံတၢ်ဒ်သိးအကမၤပှဲၤအကစၢ်အဟံၣ်လၢ အတၢ်ဂုာ်န့ၢ်တဖၣ်န့ၣ်လီၤ.”

လံာ်ယိၤဟၣ် 2:16

ဒီးအဝဲမၢဆူၣ်ပှၤလၢအဆါထိၣ်လွံၢ်တဖၣ်ဒီးစံးဝဲ, “စိာ်ထီၣ်ကွံာ်တၢ်တဖၣ်အံၤလၢတၢ်လီၢ်အံၤတက့ၢ်. တဘၣ်ဒုးကဲထီၣ်ယပၢ်အဟံၣ်လၢတၢ်ဆါတၢ်ပှ့ၤ အလီၢ်လၢၤတဂ့ၤ.”

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.