လံာ်ယဃ့းစက့လး 28:13 - Sgaw Karen Common Bible

¹³ နအိၣ်ဆိးတ့ၢ်လၢ ဧ့ၤဒ့ၣ်, ကစၢ်ယွၤအတၤသၣ်လီၢ်အပူၤဒီး နသိးထီၣ်တ့ၢ်လၢၢ်တၢ်မျၢ်ကိးကလုာ်ဒဲး လၢအမ့ၢ်တၢ်မျၢ်ဆီသွံၣ် တဖၣ်, တၢ်မျၢ်မဟူယၤတိၤအသး, တၢ်မျၢ်ဘီအူး သဖးယၤ, တၢ်မျၢ်လါဟ့, တၢ်မျၢ်မဟူယၤဂီၤ, တၢ်မျၢ်နကၤသွဲး, တၢ်မျၢ်နံၤလါအဲးတဖၣ်, လၢၢ်လါဟ့တဖၣ်ဒီးလၢၢ်ဂီၤတဖၣ်န့ၣ်လီၤ. နအိၣ်စ့ၢ်ကီးဒီးတၢ်ကယၢကယဲတဖၣ်လၢထူန့ၣ်လီၤ. တၢ်တဖၣ်န့ၣ်ဘၣ်တၢ်မၤတ့ၢ်အီၤလၢနဂီၢ်ဖဲမုၢ်တနံၤလၢ နဘၣ်တၢ်တ့လီၤပာ်လီၤနၤန့ၣ်လီၤ.

လံာ်ယဃ့းစက့လး 28:13 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 2:8

ဒီးယွၤ, ကစၢ်ယွၤသူၣ်လီၤဖျးလီၤတၤသၣ်အလီၢ်တပူၤလၢဧ့ၤဒ့ၣ်, လၢမုၢ်ထီၣ်တခီဒီးပာ်လီၤပှၤကညီလၢအတ့လီၤပာ်လီၤဝဲဖဲန့ၣ်လီၤ.

လံာ်စီၤယိၤဘး 28:19

တၢ်မျၢ်ဘီအဂ့ၤကတၢၢ်ဒီးထူစီန့ၣ်ဘၣ်တၢ်ထိၣ်သတြီၤ အီၤလၢတၢ်ကူၣ်သ့အလုၢ်အပှ့ၤတန့ၢ်ဝဲဒၣ်ဘၣ်.

လံာ်ယၡါယၤ 14:11

ညီနုၢ်န့ၣ်နဘၣ်တၢ်မၤလၤကပီၤနၤလၢတနၢ်သီတူၢ်တဖၣ်အ တၢ်ဒ့တၢ်အူလီၤ. ဘၣ်ဆၣ်ဒီး, ခဲအံၤနအိၣ်လၢပှၤသံတဖၣ်အကီၢ် ပူၤလီၤ. နမံလီၤလၢလီၢ်မံခးလၢၣ်ဧိၤဆှးဧိၤအလိၤဒီးနဘၣ်တၢ် မၤဘၢနၤလၢယၣ်လုးထိးကလဲာ်တဖၣ်လီၤ.

လံာ်ယၡါယၤ 23:16

ဟံးန့ၢ်တနၢ်, လဲၤတရံးဝ့ၢ်, နၤပှၤဃဲသဲမုၣ်လၢတၢ်သးပ့ၤနီၣ်အီၤတဂၤဧၢ, ဒ့ဒီးသးဝံၣ်ကဒီးနတၢ်သးဝံၣ်တဖၣ်, လၢတၢ်ကိးကဒါက့ၤပှၤပိာ်ခွါတဖၣ် လၢခံတဘျီအဂီၢ်တက့ၢ်.

လံာ်ယၡါယၤ 24:8

ဒီးအဝဲသ့ၣ်အတနၢ်တဖၣ်ဒီးကျိၣ်တဖၣ်အသီၣ်လၢအပှဲၤဒီးတၢ် သးခုန့ၣ်ဆိကတီၢ်အသးလံ.

လံာ်ယၡါယၤ 30:32

ဖဲယွၤတီၢ်ဝံၤတီၢ်က့ၤအဝဲသ့ၣ်အဆၢကတီၢ်န့ၣ်, ယွၤအပှၤဂီၢ်မုၢ်ကကွၢ်နီၣ်ကွၢ်ဃါတၢ်ဆၢကတီၢ်အိၣ်ဃုာ် ဒီးဒၢဧိၤမိၤဧိၤဒီးတနၢ်သီတူၢ်တဖၣ်အတၢ်ဒ့တၢ်အူန့ၣ်လီၤ. ယွၤအကစၢ်ဒၣ်ဝဲကဒုးထီဒါပှၤအၤၡူၢ်ဖိတဖၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယဃ့းစက့လး 21:30

ဖျီၣ်နုာ်က့ၤနးန့ၣ်တက့ၢ်. ယကစံၣ်ညီၣ်သုလၢတၢ်လီၢ်ဖဲသုဘၣ်တၢ်တ့လီၤပာ်လီၤသု, ကီၢ်ဖဲသုအိၣ်ဖျဲၣ်ထီၣ်အပူၤန့ၣ်လီၤ.

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ယဃ့းစက့လး 27:16

ကီၢ်စူၤရံအပှၤဂီၢ်မုၢ် ပှ့ၤနတၢ်ပနံာ်တၢ်ကၤတၢ်အတၢ်ပီးတၢ်လီ တဖၣ်ဒီး တၢ်ဖိတၢ်လံၤတဖၣ်လၢ အဟးထီၣ်လၢနထံလီၢ်ကီၢ်ပူၤ န့ၣ်လီၤ. အဝဲသ့ၣ်ဟ့ၣ်လီၤတၢ်မျၢ်လါဟ့, တၢ်ကံးယာ်လုးတကုာ်, တၢ်ဆးဒဲးကံၣ်ဒဲးဝ့ၤ, ဖှီဝါကဆှၣ်အဂ့ၤ, လၢၢ်နၢၤဒီး တၢ်မျၢ်ဂီၤဆှုၣ်တဖၣ် ဒ်တၢ်အပှ့ၤလၢ နတၢ်ဖိတၢ်လံၤလၢနဆါအီၤ တဖၣ်အဂီၢ်န့ၣ်လီၤ.

လံာ်ယဃ့းစက့လး 27:22

လၢနတၢ်ဖိတၢ်လံၤတဖၣ်အဂီၢ်န့ၣ်, ပှၤကၤတၢ်ဖိလၢကီၢ်ၡဘၤ ဒီးကီၢ်ရၤဧမၤတဖၣ် လဲလိာ်ဝဲဒီးတၢ်မျၢ်ပလဲတဖၣ်, ထူဒီးတၢ်နၢမူအဂ့ၤကတၢၢ်တဖၣ်န့ၣ်လီၤ.

လံာ်ယဃ့းစက့လး 28:14

ယပာ်လီၤတ့ၢ် မူခိၣ်ကလူးတဂၤလၢအလီၤပျံၤလီၤဖုးဖဲန့ၣ်လၢ ကခိးဒီဒၣ်နၤန့ၣ်လီၤ. နအိၣ်လၢယကစၢၢ်စီဆှံအလိၤ, နလဲၤ တၢ်လၢလၢၢ်တၢ်မျၢ်ကပြုၢ်ကပြီၤတဖၣ် အကျါန့ၣ်လီၤ.

လံာ်ယဃ့းစက့လး 28:15

နတၢ်သကဲးပဝးမ့ၢ် တၢ်လၢတၢ်ပှဲၤစးထီၣ်မုၢ်တနံၤလၢနဘၣ် တၢ်တ့လီၤပာ်လီၤနၤတုၤဃီၤလၢနစးထီၣ်မၤတၢ်အၢတၢ်သီတစုန့ၣ်လီၤ.

လံာ်ယဃ့းစက့လး 36:35

ပှၤကိးဂၤကစံးဝဲလၢကီၢ်အံၤ, တဘျီမ့ၢ်ပှၢ်မုၢ်ကနၢတပူၤ, ခဲကနံၣ်အံၤကဲထီၣ်ဒ်ဧ့ၤဒ့ၣ်တၤသၣ်လီၢ်အသိးဒ်လဲၣ်, ဒီးဝ့ၢ်တဖၣ် လၢအဘၣ်တၢ်မၤလီၤပှီၢ်ကွံာ်အီၤ, ဘၣ်တၢ်ဂုာ်ဆူၣ်ပျီဆူၣ်ဒီးဘၣ် တၢ်ပာ်လီၤတဲာ်ကွံာ်အီၤလၢတၢ်ဟးဂီၤတဖၣ်အပူၤန့ၣ်, ခဲအံၤ ပှၤအိၣ်ဝဲဆိးဝဲဒီးဘၣ်တၢ်မၤကျၢၤခၢၣ်သနၢၣ်ထီၣ်အီၤန့ၣ်ဒ်လဲၣ်.

လံာ်ယိၤအ့လး 2:3

အဝဲသ့ၣ်အီၣ်ကွံာ်တၢ်မုၢ်တၢ်ဘိတဖၣ်ဒ်မ့ၣ်အူအီၣ်တၢ်အသိး, ဒီးလၢအဝဲသ့ၣ်အမဲာ်ညါန့ၣ်ထံဧိၤကီၢ်ဧိၤမၤအသးဒ် ဧ့ၤဒ့ၣ်တၤသၣ်အလီၢ်အသိးန့ၣ်လီၤ. ဘၣ်ဆၣ်တုၤအဝဲသ့ၣ်အီၣ်ကွံာ်တၢ်ဝံၤအလီၢ်ခံန့ၣ် ကဲထီၣ်တၢ်ဃ့ထီအလီၢ်န့ၣ်လီၤ. ဒီးတၢ်တပူၤဖျဲးဘၣ်ဒီးအီၤနီတမံၤဘၣ်.

လံာ်လီၣ်ဖျါ 17:4

ပိာ်မုၣ်န့ၣ်ကူသိးဝဲလၢတၢ်အလွဲၢ်လုးတကုာ်ဒီးတၢ်အလွဲၢ်ဂီၤဆှုၣ်ကလာ်, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ်ဒီး တၢ်မျၢ်ပလဲတဖၣ်လီၤ. လၢအဝဲဒၣ်အစုပူၤန့ၣ်, ဟံးဃာ်ဝဲလီခီထူတဘ့ၣ်လၢအပှဲၤဒီးတၢ်လီၤသးဘၣ်အၢတကြၢး တဘၣ်တဖၣ်, လၢအအိၣ်ထီၣ်ဝဲခီဖျိအတၢ်အိၣ်မူတဂ့ၤတဝါအဃိ န့ၣ်လီၤ.

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”