လံာ်ယဃ့းစက့လး 27:6 - Sgaw Karen Common Bible

⁶ အဝဲသ့ၣ်ဟံးန့ၢ် ကီၢ်ဘၤၡၣ်အသ့ထိးအီၣ်တဖၣ်လၢကမၤ နီၣ်ဝၢ်တဖၣ်အဂီၢ်လီၤ. အဝဲသ့ၣ်မၤနကဘီအဒါလၢကီး ကူပြူးအသ့ၣ်ဆှိတအၤၡူၢ်ဒီး ကယၢကယဲအီၤဒီးကဆီမဲန့ၣ်လီၤ.

လံာ်ယဃ့းစက့လး 27:6 Iomraidhean Croise

လံာ်တၢ်ကဲထီၣ်အခီၣ်ထံး 10:4

ဒီးစီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ဝဲအလံၡၤ, ကီၢ်စပၤနံ, ကီးကူပြူး, ဒီးကီးရိဒံးအပှၤဂီၢ်မုၢ်တဖၣ်န့ၣ်လီၤ.

လံာ်ယၡါယၤ 2:13

အဝဲကမၤဟးဂီၤကီၢ်လဘၤနိၣ်အသ့ၣ်ဆှိအ့ရ့းလၢအထီတဖၣ် ဒီးသ့ၣ်သ့ထိးဖၣ်ခဲလၢာ်လၢကီၢ်ဘၤၡၣ်အပူၤလီၤ.

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယၡါယၤ 23:12

ဝ့ၢ်စံဒိၣ်ဧၢ, နတၢ်သူၣ်ဖှံသးညီအကတီၢ်ကတၢၢ်ဝဲလံ, ဒီးနပှၤဂီၢ်မုၢ်တဖၣ်ဘၣ်တၢ်မၤအၢမၤနးအီၤလီၤ. အဝဲသ့ၣ်မ့ၢ်ဃ့ၢ်ပူၤဖျဲးကွံာ်ဆူကီးကူပြူးဒၣ်လဲာ်, အဝဲသ့ၣ်တပူၤဖျဲးဒံးဘၣ်လီၤ.

လံာ်ယံးရမံယၤ 2:10

လဲၤဆူမုၢ်နုၢ်ဆူကီးကူပြူး, ဒီးဆှၢလီၤပှၤတဂၤဂၤဆူမုၢ်ထီၣ်တကပၤဆူ ကီၢ်က့ဒၢ်တက့ၢ်. သုကထံၣ်ဘၣ်လၢတၢ်ဒ်သိးအံၤလၢညါ တမၤတ့ၢ်အသးနီတဘျီဘၣ်န့ၣ်လီၤ.

လံာ်ယံးရမံယၤ 22:20

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, လဲၤဆူကီၢ်လဘၤနိၣ်ဒီး ကိးသတြီထီၣ်, လဲၤဆူကီၢ်ဘၤၡၣ်ဒီးကိးထီၣ်တက့ၢ်. ကိးပသူထီၣ်လၢကီၢ်မိၤအးအကစၢၢ်တဖၣ်တက့ၢ်. အဂ့ၢ်ဒ်အံၤ, နသိၣ်နမှံၤခဲလၢာ်ဘၣ်တၢ်မၤနၢၤမၤဃၣ်ကွံာ်အီၤလံ.

လံာ်ဒၤနံးယ့လး 11:30

ပှၤရိမ့ၤဖိတဖၣ်ကဟဲလၢကဘီတဖၣ်အပူၤဒီးကထီဒါအီၤ ဒီးအဝဲကပျံၤတၢ်ဖုးတၢ်လီၤ. အန့ၣ်ဒီးအဝဲကဃၣ်ကဒါက့ၤ အသးလၢတၢ်သူၣ်ဒိၣ်သးဖျိးအပူၤဒီးကကျဲးစၢးဒ်သိးကမၤ ဟးဂီၤကွံာ်ကစၢ်ယွၤအပှၤဂီၢ်မုၢ်အတၢ်ဘူၣ်တၢ်ဘါန့ၣ်လီၤ. အဝဲကပိာ်ထွဲပှၤလၢအပာ်တ့ၢ်ညိကွံာ်တၢ်ဘူၣ်တၢ်ဘါအဝဲန့ၣ်တဖၣ် အတၢ်ဟ့ၣ်ကူၣ်ဟ့ၣ်ဖးန့ၣ်လီၤ.

လံာ်စကၤရယၤ 11:2

သ့ၣ်ဆှိသ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ဆှိအ့ရ့းတဖၣ်လီၤဃံၤလံ ဒီးသ့ၣ်လၢအအိၣ်ဒီးအလၤကပီၤတဖၣ်န့ၣ် ဘၣ်တၢ်မၤဟးဂီၤကွံာ်အီၤလံ. ကီၢ်ဘၤၡၣ်အသ့ထိးဖၣ်သ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူ ဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ပှၢ်လၢအတီၣ်ဘၣ်တၢ်ကူာ်လီၤကွံာ်အီၤလံ.

လံာ်တၢ်ဂံၢ် 21:33

အန့ၣ်ဝံၤဒီး, ပှၤအံၣ်စရ့လးဖိတဖၣ်ဃၣ်အသးဒီးပိာ်အကျဲ တဘိဆူကီၢ်ဘၤၡၣ်, ဒီးကီၢ်ဘၤၡၣ်အစီၤပၤဧိာ်ဟဲထီၣ်ဒီးအသုးမုၢ်လၢကဒုးအဝဲ သ့ၣ်ဖဲအ့ဒရ့ဧံၤန့ၣ်လီၤ.

လံာ်တၢ်ဂံၢ် 24:24

ပှၤဟဲနုာ်လီၤဒုးတၢ်တဖၣ်ကဟဲဒီးကဘီလၢကီးကူပြူးလီၤ. အဝဲသ့ၣ်ကမၤနၢၤကွံာ်ကီၢ်အၤၡူၢ်ဒီးကီၢ်ဧၤဘ့ၢ်လီၤ. ဘၣ်ဆၣ်ဒီး, အဝဲသ့ၣ်ကဘၣ်တၢ်မၤဟးဂီၤကဒါက့ၤအီၤလီၤထူလီၤ ယိာ်လီၤ.”