လံာ်ယဃ့းစက့လး 27:5 - Sgaw Karen Common Bible

⁵ အဝဲသ့ၣ် မၤသ့ၣ်ဘၣ်တဖၣ်လၢကစၢၢ်ဃ့ရမိၣ်အသ့ၣ်ဆှိတဖၣ် အဝဲသ့ၣ်ဟံးန့ၢ်လဘၤနိၣ်အသ့ၣ်ဆှိအ့ရ့း တထံးလၢနယၢ်ထူၣ် အဂီၢ်န့ၣ်လီၤ.

လံာ်ယဃ့းစက့လး 27:5 Iomraidhean Croise

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 5:23

ပှၤမုၢ်ထီၣ်မနၤၡ့ၤဖိတဖၣ်အိၣ်ဝဲဆိးဝဲလၢကီၢ်ဘၤၡၣ်အလီၢ် ကဝီၤတဖၣ်ဒီးယံၤဝဲတုၤလၢဘဧၤလးဃ့ရမိၣ်, စနံၢ်, ကစၢၢ်ဃ့ရမိၣ်လၢကလံၤစိးတကပၤဒီးအနီၣ်ဂံၢ်အါထီၣ်ဝဲ ဒိၣ်ဒိၣ်ကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:7

ခဲကနံၣ်အံၤ, ဆှၢလီၤန့ၢ်ယၤပှၤတဂၤလၢအမၤတၢ်သ့ဂ့ၤဂ့ၤ, လၢတၢ်စိးပျၤအတၢ်မၤ, လၢတၢ်ပိာ်တၢ်လၢထူ, စ့, တိၢ်ဘီဒီးထး, လၢတၢ်သ့ဆးတၢ်လၢတၢ်ကံးယာ်အလွဲၢ်လါဟ့, အဂီၤလုးဒီးအဂီၤအပူၤတက့ၢ်. အဝဲကမၤသကိးတၢ်ဒီးပှၤစုသ့တဖၣ်လၢကီၢ်ယူဒၤဒီးဝ့ၢ်ယရူၤၡလ့ၣ်, လၢယပၢ်စီၤဒၤဝံးဃုထၢတ့ၢ်ဝဲန့ၣ်လီၤ.

စံးထီၣ်ပတြၢၤ 104:16

ယွၤအသ့ၣ်လၢအသူၣ်လီၤဝဲလၢအမ့ၢ် လဘၤနိၣ်အသ့ၣ်ဆှိအ့ရ့းန့ၣ်, ဒိးန့ၢ်ဘၣ်တၢ်စူၤထံလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 29:5

ယွၤအကလုၢ်မၤကၢ်လီၤသ့ၣ်ဆှိအ့ရ့း, ယွၤမၤကၢ်လီၤလဘၤနိၣ်အသ့ၣ်ဆှိအ့ရ့းန့ၣ်လီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:8

ဟဲဃုာ်ဒီးယၤလၢလဘၤနိၣ်အကစၢၢ်ကလိတဖၣ်တက့ၢ်, ယတလးမူးပိာ်မုၣ်ဧၢ, ဟဲဃုာ်ဒီးယၤလၢကီၢ်လဘၤနိၣ်တက့ၢ်. ဟဲလီၤလၢကစၢၢ်အမါနၤအဒီခိၣ်, လၢကစၢၢ်စနံၣ်ဒီးကစၢၢ်ဃ့ရမိၣ်, ဖဲခ့ယုၢ်ဒီးခ့စံၣ်ပိၣ်တဖၣ်အိၣ်ဆိးဝဲအလီၢ်တက့ၢ်.

လံာ်ယၡါယၤ 14:8

လဘၤနိၣ်အသ့ၣ်ဆှိဒီးအသ့ၣ်ဆှိအ့ရ့းတဖၣ်သူၣ်ခုသးခုလၢ စီၤပၤလၢအလီၤဝဲတဂၤအဃိလီၤ. အဂ့ၢ်ဒ်အံၤ, အဝဲတအိၣ်လၢၤ ဘၣ်အဃိဒီး, ပှၤကကူာ်လီၤအဝဲသ့ၣ်တအိၣ်ဘၣ်နီတဂၤလၢၤဘၣ်.

လံာ်ယဃ့းစက့လး 27:4

နဟံၣ်မ့ၢ်ပီၣ်လဲၣ်လီၤ. ပှၤတဖၣ်လၢအသူၣ်ထီၣ်နၤန့ၣ်မၤထီၣ်နၤ ဒ်ကဘီဃံလၤတဘ့ၣ်အသိးန့ၣ်လီၤ.

လံာ်သိၣ်လီၤသီလီၤတၢ် 3:9

(ကစၢၢ်ဃ့ရမိၣ်န့ၣ်ဘၣ်တၢ်ကိးအီၤလၢကစၢၢ်စံရယိၣ်လၢပှၤစံဒိၣ် ဖိတဖၣ်ဒီးကစၢၢ်စနံၢ်လၢပှၤဧၣ်မိၣ်ဖိတဖၣ်န့ၣ်လီၤ.)