လံာ်ယဃ့းစက့လး 27:31 - Sgaw Karen Common Bible

³¹ အဝဲသ့ၣ်လူၤကွံာ်အခိၣ်တဖၣ်လၢ နဂီၢ်ဒီးကူထီၣ်ကၤထီၣ်ဝဲထၢၣ် တၢ်ကံးညၣ်န့ၣ်လီၤ. အဝဲသ့ၣ်အသးတဖၣ် ဆါဝဲနးနးကလဲာ် ဒ်အဟီၣ်ဝဲနးနး ကလဲာ်အသိးန့ၣ်လီၤ.

လံာ်ယဃ့းစက့လး 27:31 Iomraidhean Croise

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယၡါယၤ 16:9

ခဲအံၤယဟီၣ်ယယၢၤလၢစံးဘမၤအစပံးမုၢ်အလီၢ်တဖၣ် အဃိ, ဒ်ယဟီၣ်ယယၢၤလၢဝ့ၢ်ယၤစ့ၢ်အဃိအသိးန့ၣ်လီၤ. ယမဲာ်ထံတဖၣ်လီၤဝဲလၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤ အဂီၢ်လီၤ. အဂ့ၢ်ဒ်အံၤတၢ်ကူးဘုတအိၣ်လၢၤ လၢအကမၤသးခုအပှၤဂီၢ်မုၢ်အဂီၢ်ဘၣ်.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယၡါယၤ 3:24

လၢကသူတၢ်နၢမူတဖၣ်အလီၢ်အဝဲသ့ၣ် ကနၢအုၣ်နၢပူးလီၤ. ဒီးလၢယီၢ်တကိးအ ဂ့ၤတဖၣ်အလီၢ်န့ၣ်ကသူဝဲပျံၤသွဲးတဖဲး တဖၣ်လီၤ. ဒီးလၢကအိၣ်ဒီးခိၣ်သူဃံလၤ အလီၢ်အခိၣ်ကကျိလီၤ. ဒီးလၢတၢ်ကူတၢ်ကၤဃံ လၤတဖၣ်အလီၢ်, အဝဲသ့ၣ်ကကူထီၣ်ကၤထီၣ်တၢ်ယာ်ဘုၣ်ယာ်ဖျ့တဖၣ်, ဒီးအတၢ်ဃံတၢ် လၤကဘၣ်တၢ်ဘိးကဒါအီၤဆူတၢ်မဲာ်ဆှးန့ၣ်လီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 47:5

တၢ်သူၣ်အုးသးအုးဖးဒိၣ် တုၤအိၣ်ဝ့ၢ်ဂါစၤအပှၤဂီၢ်မုၢ် ဒီးဝ့ၢ်အၤၡကလိၣ်အပှၤဂီၢ်မုၢ်အိၣ်ဘှ့ၣ်အိၣ်ဘှီၣ်ဝဲလီၤ. တၢ်လီၢ်အဂၤအိၣ်လီၤတဲာ်လၢကီၢ်ဖလ့ၡသး, ကဘၣ်မိၢ်ဘၣ်မးဒီး ဂဲာ်လီၤအသး, ဒံးဆံးယံာ်လဲၣ်.

လံာ်ယံးရမံယၤ 48:37

အဝဲသ့ၣ်ခဲလၢာ်န့ၣ်, လူၤကွံာ်အခိၣ်တဖၣ်ဒီး တံာ်ကွံာ်အခၣ်ဆူၣ်တဖၣ်လံ. အဝဲသ့ၣ်ခဲလၢာ်ဂဲာ်လီၤအစုတဖၣ်ဒီး ပှၤကိးဂၤဒဲးကူကၤ ထၢၣ်တၢ်ကံးယာ်န့ၣ်လီၤ.

လံာ်ယဃ့းစက့လး 29:18

အဝဲစံးဝဲဒၣ်, “ပှၤကညီလၢအသံသ့ဧၢ, ကီၢ်ဘၤဘူၤလိၣ်အစီၤပၤနဘူၤကး န့စၢ်ဒုးလံတၢ်ဒီးဝ့ၢ်ထါယၢၣ်လံန့ၣ်လီၤ. အဝဲမၢအပှၤသုးဖိတဖၣ် စိာ်တၢ်အဃၢတုၤဒၣ်အခိၣ်တဖၣ်လ့ၤဝဲဒီးအဖံဘၣ်ခိၣ်တဖၣ် တီၣ်ထီၣ်ဒီးသွဲးဝဲဘၣ်ဆၣ် စီၤပၤမ့ၢ်ဂ့ၤအဝဲအသုးမ့ၢ်မ့ၢ်ဂ့ၤ တမၤန့ၢ်တၢ်နီတမံၤလၢ အတၢ်မၤကိၢ်ကိၢ်ဂီၤဂီၤတဖၣ်အံၤအဃိဘၣ်.

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 21:5

ပှၤလုၢ်တၢ်အခိၣ်မ်အသုတလူၤအခိၣ်မ့ၢ်ဂ့ၤ, တံာ်တဲာ်အခၣ်ဆူၣ်မ့ၢ်ဂ့ၤ, ဂဲာ်အဖံးအညၣ်မ့ၢ်ဂ့ၤလၢကပာ်ဖျါတၢ်သးအုးအပနီၣ်နီတဂၤန့ၣ်တဂ့ၤ.

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်မံကၤ 1:16

ကီၢ်ယူဒၤအပှၤဂီၢ်မုၢ်သ့ၣ်ဧၢ, လူၤကွံာ်သုခိၣ်သူလၢတၢ်ဟီၣ် တၢ်ယၢၤအပူၤလၢဖိလၢသုအဲၣ်တဖၣ်အဂီၢ်တက့ၢ်. မၤသု ခိၣ်လ့ၤကဒိဒ်လီတာ်တဖၣ်အသိးတက့ၢ်. အဂ့ၢ်ဒ်အံၤ, သုဖိ တဖၣ်ကဘၣ်တၢ်စိာ်ထီၣ်ကွံာ်အီၤဆူတၢ်မၢကဲကုၢ်အပူၤလီၤ.

လံာ်မံကၤ 1:8

တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

လံာ်သိၣ်လီၤသီလီၤတၢ် 14:1

သုမ့ၢ်ယွၤသုကစၢ်ယွၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဖဲသုသူၣ်အုးသးအုးလၢတၢ်သံအဃိန့ၣ်, ဂဲာ်လီၤသုသးမ့ၢ်ဂ့ၤမၤလ့ၤသုခိၣ်တိသၣ်မ့ၢ်ဂ့ၤဒ်ပှၤဂီၢ် မုၢ်အဂၤမၤဝဲအသိးန့ၣ်တဂ့ၤ.