လံာ်ယဃ့းစက့လး 27:30 - Sgaw Karen Common Bible

³⁰ အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်ယဃ့းစက့လး 27:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:2

မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ.

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

လံာ်စီၤယိၤဘး 2:8

ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

လံာ်ယံးရမံယၤ 25:34

သုဝဲပှၤခိၣ်ပှၤနၢ်သ့ၣ်ဧၢ, ဟီၣ်ပသူထီၣ်တက့ၢ်. သုဝဲယပှၤဂီၢ်မုၢ် အပှၤ ကွၢ်သိသ့ၣ်ဧၢ, ကိးပသူထီၣ်ဖးဒိၣ်တက့ၢ်. ဟီၣ်တၢ်ယၢၤတၢ်ဒီး က လိာ်ကနွၢ်သုသးလၢ ဖၣ်ဆါကျါတက့ၢ်. တၢ်ဆၢကတီၢ်တုၤလံဝဲလၢ တၢ်ကမၤသံသုအဂီၢ်ဒီး သုကဘၣ်တၢ်ကျီသု တကူာ်တကူာ်ဒ် တၢ်ကျီသိဖါတဖၣ်အသိးဒီး သ့ၣ်ဖးကွံာ်ဒ်သပၢၤ ဟီၣ်ခိၣ်လၢ အဂ့ၤအသိးန့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်ယဃ့းစက့လး 26:17

အဝဲသ့ၣ် ကသးဝံၣ်တၢ်သံအတၢ်သးဝံၣ်လၢနဂီၢ်န့ၣ်လီၤ. ဝ့ၢ်လၢအမံၤဟူသၣ်ဖျါန့ၣ်ဘၣ်တၢ်မၤဟးဂီၤကွံာ်အီၤလံ. ထံစိာ်ကွံာ် အဝဲအကဘီတဖၣ်လၢပီၣ်လဲၣ်တဖၣ်အပူၤလံ. ဝ့ၢ်အံၤအပှၤဂီၢ်မုၢ်, ပၢတ့ၢ်ပီၣ်လဲၣ်တဖၣ်ဒီး မၤပျံၤမၤဖုး ကယဲၢ်ပှၤတဖၣ်လၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယိၤနါ 3:6

တုၤဝ့ၢ်နံၤနဝ့အစီၤပၤနၢ်ဟူတၢ်ကစီၣ်န့ၣ်, အဝဲဒၣ်ဂဲၤဆၢထၢၣ်လၢအလီၢ်ပစိာ်, ဘ့ၣ်လီၤကွံာ်စီၤပၤအကူအ သိး, ဒီးသိးထီၣ်ဝဲဆ့ကၤထၢၣ်သွ့, ဒီးဆ့ၣ်နီၤဝဲလၢဖၣ်ဆါအကျါန့ၣ်လီၤ.

လံာ်မံကၤ 1:10

တဲဘၣ်ပဒုၣ်ပဒါတဖၣ်လၢဝ့ၢ်ကၤသးအပူၤဘၣ်ဃးဒီးပတၢ်ဃၣ်ကွံာ် အဂ့ၢ်န့ၣ်တဂ့ၤ. ပျဲအဝဲသ့ၣ်ထံၣ်ဘၣ်သုဟီၣ်တဂ့ၤ. ပှၤဂီၢ်မုၢ်လၢဝ့ၢ်ဘ့ၤသလဧၤဖြၤသ့ၣ်ဧၢ, ကလိာ်သုသးလၢဟီၣ်ခိၣ်ကမူၣ်အကျါဒ်သိးသုကဒုး နဲၣ်ဖျါထီၣ်သုတၢ်သးအုးတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 4:12

ပှၤတဂၤလၢစီၤဘံၣ်ယၤမံၣ်အဒူၣ်ဃ့ၢ်ကျဲဒီဘိညါစးထီၣ်လၢတၢ်ဒုးပျီ ဆူဝ့ၢ်ၡံလိၤဒီးတုၤဃီၤဖဲန့ၣ်တနံၤဃီလီၤ. လၢတၢ်ဒုးနဲၣ်အတၢ်သးအုးအပူၤဖှီယာ်အဆ့ဒီးပဲထီၣ်ဖၣ်ကမူၣ် လၢအခိၣ်လိၤန့ၣ်လီၤ.