လံာ်ယဃ့းစက့လး 27:18 - Sgaw Karen Common Bible

¹⁸ ဝ့ၢ်ဒၤမ့ၤစ့းအပှၤဂီၢ်မုၢ် ပှ့ၤပနံၣ်တၢ်ကၤတၢ်အတၢ်ပီးတၢ်လီတဖၣ်ဒီး တၢ်ဖိတၢ်လံၤတဖၣ်လၢ အဟးထီၣ်လၢနထံလီၢ်ကီၢ်ပူၤ, ဒီးဟ့ၣ်ဝဲအပှ့ၤလၢဃ့လဘိၣ်အစပံးထံဒီး စၤဟၣ်အသိဆူၣ်တဖၣ်န့ၣ်လီၤ.

လံာ်ယဃ့းစက့လး 27:18 Iomraidhean Croise

လံာ်တၢ်ကဲထီၣ်အခီၣ်ထံး 14:15

ဒီးဖဲန့ၣ်အဝဲနီၤဖးလီၤဝဲအပှၤဒုးသုးဖိသ့ၣ်တဖၣ်ဆူကရူၢ် ဖိတဖၣ်ဒီးဒုးအဒုၣ်အဒါသ့ၣ်တဖၣ်ဖဲမုၢ်နၤအကတီၢ်ဒီးမၤနၢၤ ကွံာ်ဝဲဒၣ်န့ၣ်လီၤ. အဝဲလူၤထွဲအဝဲသ့ၣ်တုၤဆူဝ့ၢ်ဃိဘၤလၢအအိၣ်လၢဝ့ၢ်ဒၤမ့း စ့းအကလံၤစိးတခီန့ၣ်လီၤ.

လံာ်တၢ်ကဲထီၣ်အခီၣ်ထံး 15:2

ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

လံာ်ယၡါယၤ 7:8

ဘၣ်မနုၤအဃိလဲၣ်. မ့ၢ်လၢကီၢ်စူၤရံအဂံၢ်အဘါတဆူၣ်ထဲသိး ဒီးအဝ့ၢ်ခိၣ်, ဝ့ၢ်ဒၤမ့ၤစ့းဘၣ်, ဒီးဝ့ၢ်ဒၤမ့ၤစ့းစ့ၢ်ကီးအဂံၢ် အဘါတဆူၣ်ထဲသိးဒီးစီၤပၤရစံၣ်ဘၣ်. မ့မ့ၢ်ကီၢ်အံၣ်စရ့လး န့ၣ်, လၢဃုဆံယဲၢ်နံၣ်အပူၤအတ့ၤကဟးဂီၤဝဲတုၤဒၣ်လဲာ် ကအိၣ်မူဝဲဒ်ပှၤတကလုာ်အသိးန့ၣ်တသ့လၢၤဘၣ်လီၤ.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်ယဃ့းစက့လး 27:19

အဝဲသ့ၣ်လဲလိာ်ထးလၢ တၢ်ပိာ်အီၤဝံၤဒီးတၢ်နၢမူတဖၣ်ဒီး နတၢ်ပနံာ်တၢ်ကၤတၢ် အတၢ်ပီးတၢ်လီတဖၣ်န့ၣ်လီၤ.

လံာ်ယဃ့းစက့လး 27:33

ဖဲနတၢ်ပနံၣ်တၢ်ကၤ အတၢ်ပီးတၢ်လီလဲၤဆူတခီထံတခီကီၢ်တဖၣ်န့ၣ် နမၤပှဲၤထီၣ် ကယဲၢ်ပှၤကိးကလုာ်ဒဲးအတၢ်လိၣ်တဖၣ်န့ၣ်လီၤ. စီၤပၤတဖၣ် မၤကဲဒိၣ်ထီၣ်အသးလၢနတၢ်ဖိတၢ်လံၤတဖၣ် အတၢ်ထူးတၢ်တီၤန့ၣ်လီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.