လံာ်ယဃ့းစက့လး 27:13 - Sgaw Karen Common Bible

¹³ နမၤပနံၣ်တၢ်ကၤအတၢ်မၤလၢကီၢ်ကြံး(စ်), ဝ့ၢ်တူၤဘလးဒီး ဝ့ၢ်မ့ၤၡးအပူၤ, ဒီးမၤတၢ်ဆါတၢ်ပှ့ၤ နတၢ်ဖိတၢ်လံၤတဖၣ် လၢကုၢ်တဖၣ်အဂီၢ်ဒီး လၢတၢ်ပီးတၢ်လီတဖၣ်လၢတၢ်မၤအီၤ လၢတိၢ်ဘီအဂီၢ်န့ၣ်လီၤ.

လံာ်ယဃ့းစက့လး 27:13 Iomraidhean Croise

လံာ်တၢ်ကဲထီၣ်အခီၣ်ထံး 10:2

ဒီးစီၤယ့းဖ့းသးအစၢၤအသွဲၣ်တဖၣ်န့ၣ်မ့ၢ်ဝဲ စီၤကိမၢၤ, စီၤမါကူး, စီၤမၤဒဲ, စီၤယၤဝၣ်, စီၤတူၤဘလး, စီၤမ့ၤၡ့းဒီးစီၤတံရ့းန့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ် လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 10:4

ဒီးစီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ဝဲအလံၡၤ, ကီၢ်စပၤနံ, ကီးကူပြူး, ဒီးကီးရိဒံးအပှၤဂီၢ်မုၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:5

စီၤယ့ဖ့းသးအဖိခွါတဖၣ်မ့ၢ်ဝဲ, စီၤကိမၢၤ, စီၤမကိး, စီၤမၤဒဲ, စီၤယၤဝၣ်, စီၤတူၤဘလး, စီၤမ့ၤၡ့းဒီးစီၤတံၤရ့းလီၤ. ဒီးအဝဲသ့ၣ်မ့ၢ်ပှၤတဖၣ်လၢပှၤဂီၢ်မုၢ်လၢအဟံးန့ၢ်အဝဲသ့ၣ် အမံၤတဖၣ်အပၢ်ဖးဒိၣ်လၢပျၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:7

စီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢကီၢ်အလံၡၤ, ကီၢ်စပၤနံ, ကီၢ်ကူပြူးဒီးကီၢ်ရဒူ, တဖၣ်န့ၣ်လီၤ.

စံးထီၣ်ပတြၢၤ 120:5

တၢ်အိၣ်ဆိးလၢသုကျါန့ၣ် အၢဝဲဒ်သိးဒၣ် တၢ်အိၣ်ဆိးလၢပှၤမ့ၤၡးဖိ မ့တမ့ၢ် ပှၤက့ဒၢ်ဖိအသိးအကျါန့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယဃ့းစက့လး 27:12

နမၤပနံၣ်တၢ်ကၤအတၢ်မၤဒီး ကီၢ်စပၤနံဒီးနဟံးန့ၢ်စ့, ထး, ထးဝါဒီးပှာ်သူဒ်တၢ်အပှ့ၤအသိး လၢနတၢ်ဖိတၢ်လံၤအါအါ ကလဲာ်အဂီၢ်န့ၣ်လီၤ.

လံာ်ယဃ့းစက့လး 27:19

အဝဲသ့ၣ်လဲလိာ်ထးလၢ တၢ်ပိာ်အီၤဝံၤဒီးတၢ်နၢမူတဖၣ်ဒီး နတၢ်ပနံာ်တၢ်ကၤတၢ် အတၢ်ပီးတၢ်လီတဖၣ်န့ၣ်လီၤ.

လံာ်ယဃ့းစက့လး 32:26

ဝ့ၢ်မ့ၤၡးဒီးဝ့ၢ်တူၤဘလးတဖၣ်အိၣ်ဖဲန့ၣ်, ဃုာ်ဒီးအသုးဖိတဖၣ် အသွၣ်ခိၣ်လၢအိၣ်ဝးတရံးအဝဲသ့ၣ်န့ၣ်လီၤ. အဝဲသ့ၣ်တဖၣ် ခဲလၢာ်တဒိးဘၣ်တၢ်ကူးတရံးအီၤဘၣ်, ခဲလၢာ်ဘၣ်တၢ်မၤသံအီၤ တၢ်ဒုးအပူၤန့ၣ်လီၤ. တဘျီန့ၣ်အဝဲသ့ၣ်မၤပျံၤမၤဖုးဒၣ်လဲာ် ပှၤလၢအမူတဖၣ်လီၤ.

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်ဒၤနံးယ့လး 10:20

တုၤနုၤတစု, အဝဲစံးဘၣ်ယၤ, “ဘၣ်မနုၤအဃိယဟဲဆူနအိၣ်န့ၣ် နသ့ၣ်ညါစ့ၢ်ကီးဧါ. မ့ၢ်ဒ်သိးယကလီၣ်ဖျါထီၣ်န့ၢ်နၤတၢ်ကွဲး အသးလၢလံာ်တၢ်မ့ၢ်တၢ်တီအပူၤန့ၣ်လီၤ. ခဲအံၤယကဘၣ်က့ၤကဒါက့ၤဒီးဒုးတၢ်ထီဒါကလူးလၢအပၢၤကီၢ် ပၤရၣ်, ဒီးတုၤယမၤနၢၤကွံာ်အီၤန့ၣ်, ကလူးလၢအပၢၤကီၢ်ကြံး(စ်) န့ၣ် ကဟဲဝဲလီၤ.

လံာ်ဒၤနံးယ့လး 11:2

ဒီးခဲအံၤယကဒုးနဲၣ်နၤလၢတၢ်မ့ၢ်တၢ်တီန့ၣ်လီၤ.” “ကွၢ်ကွၢ်, စီၤပၤအဂၤသၢဂၤကဟဲအိၣ်ထီၣ်ဒံးလၢကီၢ်ပၤရၣ်အပူၤ, ဒီးလွံၢ်ဂၤတဂၤန့ၣ်ကထူးတီၤဝဲအါန့ၢ်ဒံးအဝဲသ့ၣ်ခဲလၢာ်လီၤ. ဒီးဖဲအဂံၢ်အဘါဆူၣ်ထီၣ်ခီဖျိအတၢ်ထူးတၢ်တီၤန့ၣ်, ကတၤလိာ်အသးဒီးကြံး(စ်) အဘီအမုၢ်န့ၣ်လီၤ.

လံာ်ဒၤနံးယ့လး 8:21

မဲာ်တဲးလဲးတဒုန့ၣ်ဒိလီၤပှၤကြံး(ခ်) ဖိအဘီအမုၢ်ဒီးတၢ်အနၢၤ ဖျါလီၤတိၢ်လီၤဆီတဘိလၢအမဲာ်ချံခံဖျၢၣ်အဘၢၣ်စၢၤန့ၣ် မ့ၢ်စီၤပၤအဆိကတၢၢ်တဂၤန့ၣ်လီၤ.

လံာ်ယိၤအ့လး 3:3

အဝဲသ့ၣ်ဖီၣ်တၢ်ဖးလၢ မတၤကမၤန့ၢ်ပှၤဘၣ်တၢ်စိာ်မၢကဲကုၢ်အီၤတဖၣ်လဲၣ်န့ၣ်လီၤ. အဝဲသ့ၣ်ဆါကွံာ်တ့ၢ်ဖိသၣ်ပိာ်ခွါဒီးဖိသၣ်ပိာ်မုၣ်တဖၣ်ဆူ ကုၢ်အလီၢ်ဒ်သိးကဟ့ၣ်တၢ်အပှ့ၤလၢပိာ်မုၣ်ဟးဂီၤတဖၣ် ဒီးစပံးထံအဂီၢ်န့ၣ်လီၤ.

လံာ်ယိၤအ့လး 3:6

သုစိာ်ထီၣ်ကွံာ်ဒီးဆါကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ဆူပှၤကြံးခ်ဖိတဖၣ်အအိၣ်လီၤ.

လံာ်လီၣ်ဖျါ 18:13

ဒီးသ့ၣ်ကဒါရၤအဖံး, တၢ်နၢမူမၤဝံၣ်မၤဘဲကသူ, တၢ်နၢမူနၢဆှီ, မူရၣ်ဒီးလီၢ်ဘၣ်, စပံးထံဒီးသိ, ကိၣ်ကမူၣ်ဒီးဘုကၠူၣ်, ကျီၢ်, ဒီးသိတဖၣ်, ကသ့ၣ်တဖၣ်ဒီးလ့ၣ်ကဟၣ်တဖၣ်, ကုၢ်တဖၣ်, ဒီးပှၤကညီအသးသမူတဖၣ်ဒၣ်လဲာ်န့ၣ်လီၤ.