လံာ်ယဃ့းစက့လး 27:10 - Sgaw Karen Common Bible

¹⁰ ပှၤသုးဖိတဖၣ်လၢ ကီၢ်ပၤရၣ်, ကီၢ်လူၤဒံဒီးကီၢ်လံးဘယၣ်မၤနၢ်နတၢ်လၢသုးမုၢ်အပူၤန့ၣ်လီၤ. အဝဲသ့ၣ်ဘျးထီၣ်အကတီၤတဖၣ်ဒီးခိၣ်ကုာ်သုးတဖၣ်လၢ နသုးဖိအိၣ်အဟံၣ်တဖၣ်အပူၤန့ၣ်လီၤ. အဝဲသ့ၣ်မ့ၢ် ပှၤတဖၣ်လၢအမၤနၢၤတၢ်လၢနလၤကပီၤအဂီၢ်န့ၣ်လီၤ.

လံာ်ယဃ့းစက့လး 27:10 Iomraidhean Croise

လံာ်တၢ်ကဲထီၣ်အခီၣ်ထံး 10:13

ပှၤတဖၣ်လၢအဟဲလီၤစၢၤလီၤသွဲၣ်လၢစီၤအဲၤကူပတူးန့ၣ်မ့ၢ် ဝဲ, ပှၤလူၤဒံဖိ, ပှၤဧနၤမံၣ်ဖိ, ပှၤလဟါဘံၣ်ဖိ, ပှၤနၤဖတူဃံၣ်ဖိ,

လံာ်တၢ်ကဲထီၣ်အခီၣ်ထံး 10:22

ဒီးစီၤၡ့ၣ်အဖိခွါတဖၣ်န့ၣ်မ့ၢ်ဝဲ, စီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူးဒီးစီၤအရၣ်လီၤ. အဝဲသ့ၣ်မ့ၢ်ပၢ်လၢ ပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 10:6

ဒီးစီၤဃၣ်အဖိခွါန့ၣ်မ့ၢ်ဝဲစီၤကူၤၡး, စီၤအဲၤကူပတူး, စီၤဖူးဒီးစီၤကနၤဧၣ်တဖၣ်န့ၣ်လီၤ. အဝဲသ့ၣ်တဖၣ်န့ၣ်မ့ၢ်ပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲ သ့ၣ်တဖၣ်အမံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:11

စီၤမံးစရၤယံၣ်အစၢၤအသွဲၣ်တဖၣ်န့ၣ်မ့ၢ်ပှၤကီၢ်အဲၤကူပတူး ဖိဒ်ပှၤလူဒံၣ်, ပှၤဧနၤမံၣ်, ပှၤလဟါဘံၣ်, ပှၤနၤဖထူဃံၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 1:17

စီၤၡ့ၣ်အဖိခွါတဖၣ်န့ၣ်မ့ၢ်ဝဲစီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူး, စီၤအရၣ်, စီၤဧူးစး, စီၤဃူလး, စီၤက့သၢ်, ဒီးစီၤမ့ၤၡ့း တဖၣ်န့ၣ်လီၤ. အဝဲသ့ၣ်မ့ၢ်ပှၤဂီၢ်မုၢ်ဟံးန့ၢ်အမံၤတဖၣ်ဒ်အပၢ်ဖးဒိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:8

စီၤဃၣ်အဖိခွါတဖၣ်န့ၣ်မ့ၢ်ဝဲ, စီၤကူၤၡး, စီၤမံးစရၤယံၣ်အဲၤကူပတူးစီၤဖူးဒီးစီၤကနၤဧၣ် လၢအပှၤဂီၢ်မုၢ်အဟံးန့ၢ် အဝဲသ့ၣ်အမံၤတဖၣ်ဒ်အပၢ်ဖးဒိၣ် လၢပျၢၤတဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:4

နကိာ်န့ၣ်ဖျၢၣ်ဒီးဘျ့ဝဲအိၣ်ဒီးဖဲတပျံၤလီၤဂာ်ဒ်စီၤဒၤ ဝံးအတၢးထီခၢၣ်သနၢၣ်အသိး, လၢကတီၤအဘ့ၣ်တကထိဘျးလီၤအသးဝးတရံးအီၤန့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယဃ့းစက့လး 26:17

အဝဲသ့ၣ် ကသးဝံၣ်တၢ်သံအတၢ်သးဝံၣ်လၢနဂီၢ်န့ၣ်လီၤ. ဝ့ၢ်လၢအမံၤဟူသၣ်ဖျါန့ၣ်ဘၣ်တၢ်မၤဟးဂီၤကွံာ်အီၤလံ. ထံစိာ်ကွံာ် အဝဲအကဘီတဖၣ်လၢပီၣ်လဲၣ်တဖၣ်အပူၤလံ. ဝ့ၢ်အံၤအပှၤဂီၢ်မုၢ်, ပၢတ့ၢ်ပီၣ်လဲၣ်တဖၣ်ဒီး မၤပျံၤမၤဖုး ကယဲၢ်ပှၤတဖၣ်လၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယဃ့းစက့လး 27:11

ပှၤသုးဖိတဖၣ်လၢ ဝ့ၢ်အၢ်ဝးခိးပၢၤတၢ်လၢနဝ့ၢ်ခိၣ်ဒူတဖၣ် ဒီးပှၤကညီတဖၣ်လၢ ဝ့ၢ်ဂါမးခိးပၢၤတၢ်လၢနတၢးထီခၢၣ် သနၢၣ်တဖၣ်န့ၣ်လီၤ. အဝဲသ့ၣ်ဘျးထီၣ်အကတီၤတဖၣ် လၢနတၢ်ဒူၣ်တဖၣ်အလိၤန့ၣ်လီၤ. အဝဲသ့ၣ်မ့ၢ် ပှၤတဖၣ်လၢအမၤဃံမၤလၤန့ၣ်လီၤ.

လံာ်ယဃ့းစက့လး 30:5

တၢ်ဒုးအဝဲန့ၣ် ကမၤသံကွံာ်စ့ၢ်ကီးသုးဖိတဖၣ် လၢအဘၣ်တၢ်ဒိးလဲအီၤလၢ ကီၢ်ကူၤၡး, ကီၢ်လံးဘယၣ်, ကီၢ်အရ့ဘယၣ်, ကီၢ်လူၤဒံ, ကီၢ်ကူာ်ဒီးလၢယပှၤဂီၢ်မုၢ်ဒၣ်ယဲအကျါဒၣ်လဲာ်န့ၣ်လီၤ.”

လံာ်ယဃ့းစက့လး 38:5

ပှၤပိာ်ခွါတဖၣ်လၢကီၢ်ပၤရၣ်, ကီၢ်ကူၤၡးဒီးကီၢ်လံးဘယၣ်အိၣ် ဒီးအီၤဒီးအဝဲသ့ၣ်ခဲလၢာ်အိၣ်ဒီးကတီၤတဖၣ်ဒီးခိၣ်ကုာ်သုးတဖၣ် န့ၣ်လီၤ.

လံာ်ဒၤနံးယ့လး 5:28

ပၤစ့ၣ်စံးတၢ်န့ၣ်မ့ၢ်တၢ်နီၤဖးတဖၣ်ဒီး, နဘီနမုၢ်အံၤဘၣ်တၢ် နီၤဖးအီၤဒီးဟ့ၣ်လီၤအီၤဆူပှၤမၤဒဲဖိဒီးပှၤပၤရၣ်ဖိတဖၣ်အအိၣ်လီၤ.”

လံာ်နၤဃူၣ် 3:9

ကီၢ်ကူၤၡးဒီးကီၢ်အဲၤကူပတူးမ့ၢ်အဂံၢ်အဘါဒီး အတၢ်စိတၢ်ကမီၤန့ၣ်အကတၢၢ်ကတာ်တအိၣ်ဘၣ်. ပှၤပူၤတၤဖိဒီးပှၤလံးဘယၣ်ဖိမ့ၢ်အသိၣ်အမှံၤတဖၣ်လီၤ.