လံာ်ယဃ့းစက့လး 26:3 - Sgaw Karen Common Bible

³ အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယဃ့းစက့လး 26:3 Iomraidhean Croise

စံးထီၣ်ပတြၢၤ 107:25

အဂ့ၢ်ဒ်အံၤ, ယွၤဟ့ၣ်လီၤအကလုၢ်, ဒီးဒုးအူထီၣ်ကလံၤမုၢ်တွၤလၢ အမၤဒိၣ်ထီၣ်ပီၣ်လဲၣ်အလပီတဖၣ်လီၤ.

လံာ်ယၡါယၤ 5:30

ဖဲမုၢ်နံၤအဝဲန့ၣ်ဟဲတုၤဝဲဒီး, အဝဲသ့ၣ်ကညီၤဝဲလၢအံၣ်စရ့ လးအဖီခိၣ်ဒ်ပီၣ်လဲၣ်သီၣ်ဒိၣ်သီၣ်သွါအသိးလီၤ. ကွၢ်ထံကီၢ်အံၤတက့ၢ်. တၢ်ခံးတၢ်နၤဒီးတၢ်သူၣ်အုးသးအုးလီၤ. တၢ်ကပီၤဘၣ်တၢ်ယူၢ်လီၤကွံာ် အီၤလၢတၢ်ခံးတၢ်နၤလီၤ.

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 25:22

စီၤပၤခဲလၢာ်လၢ ဝ့ၢ်ထါယၢၣ်ဒီး စံဒိၣ်,

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 50:42

အဝဲသ့ၣ်ဟံးထီၣ်အချံၣ်တဖၣ်ဒီး အနးတဖၣ်လီၤ. အဝဲသ့ၣ် အၢဝဲသီဝဲတသးကညီၤတၢ်ဘၣ်. ဖဲအဝဲသ့ၣ်ဒိးအကသ့ၣ်တဖၣ်န့ၣ်, အတၢ်သီၣ်ဟူထီၣ် ဝဲဒ်ပီၣ်လဲၣ်အထံသီၣ်ရုၢ်ရုၢ်အသိးန့ၣ်လီၤ. အဝဲသ့ၣ်အိၣ်ကတဲာ်ကတီၤလံ အသးလၢ ကဒုးတၢ်ထီ ဒါကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 51:42

ပီၣ်လဲၣ်ထွၣ်တလ့ၣ်ထီၣ်အသးလၢ ဘၤဘူၤလိၣ် အဖီခိၣ်ဒီး လုၣ်ဘၢအီၤဒီးလပီလၢအသီၣ်ထီၣ်ရုၢ် ရုၢ်တဖၣ်န့ၣ်လီၤ.

လံာ်ယံးရမံယၤ 6:23

အဝဲသ့ၣ်ဟံးထီၣ်အချံၣ်တဖၣ်ဒီးအနးတဖၣ်လီၤ. အဝဲသ့ၣ်အၢဝဲသီဝဲဒီးတသးကညီၤတၢ်ဘၣ်. အဝဲသ့ၣ်အကလုၢ်သီၣ်လီၤဂာ်ဒ်ပီၣ်လဲၣ်သီၣ် ထီၣ်ရူၢ်ရူၢ်အသိး, ဖဲအဝဲသ့ၣ်ဒိးထီၣ်အကသ့ၣ် တဖၣ်န့ၣ်လီၤ. အဝဲသ့ၣ်အိၣ်ကတဲာ်ကတီၤအသးလၢတၢ်ဒုး ထီဒါဝ့ၢ်ယရူၤရှလ့ၣ်အဂီၢ်န့ၣ်လီၤ.”

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 26:19

ယွၤပၢဘၣ်တၢ်ခဲလၢာ်ကစၢ်စံးတ့ၢ်အီၤ, “ယကဒုးအိၣ်လီၤဃီနၤ ဒ်ဝ့ၢ်တဖၣ်လၢအဟးဂီၤကွံာ်အသိးဖဲ ပှၤတအိၣ်ဆိးနီတဂၤဘၣ်န့ၣ် လီၤ. ယကလုၣ်ဘၢနၤဒီး ထံလၢပီၣ်လဲၣ်အတၢ်ယိာ်ပူၤတဖၣ်န့ၣ်လီၤ.

လံာ်ယဃ့းစက့လး 27:26

ဖဲနပှၤဝၢ်နီၣ်ဝၢ်ဖိတဖၣ်ဆှၢဃီၤနၤဆူပီၣ်လဲၣ်ပူၤန့ၣ်, မုၢ်ထီၣ်အကလံၤမၤဟးဂီၤနၤ, ယံၤဝဲဒီးကၢၢ်ပၤနံၤန့ၣ်လီၤ.

လံာ်ယဃ့းစက့လး 29:10

မ့ၢ်လၢနစံးလၢထံကျိနံၤ လါမ့ၢ်နတၢ်ဒီးနမၤအီၤလၢ ကစၢ်ဒၣ်နဲအဃိ, ယမ့ၢ်နဒုၣ်နဒါဒီးနထံကျိနံၤလါ အဒုၣ်အဒါန့ၣ်လီၤ. ယကဒုးကဲထီၣ် ကီၢ်အဲၤကူပတူးဒီဘ့ၣ်လၢ တၢ်လီၢ်တတီၤလၢအအိၣ်လီၤဃီ, စးထီၣ်လၢ ဝ့ၢ်မံးကဒိးလးလၢ ကလံၤစိးတကပၤတုၤဆူစဝ့နၤလၢကလံၤထံးတခီ, ဒီကျဲညါပၢၢ်တုၤလၢပှၤကူၤၡးဖိတဖၣ်အထံဆၢကီၢ်ဆၢန့ၣ်လီၤ.

လံာ်ယဃ့းစက့လး 38:3

ဒီးတဲအီၤလၢယၤ, ယွၤပၢဘၣ်တၢ်ခဲလၢာ်ကစၢ်မ့ၢ်အဝဲအဒုၣ်အဒါ န့ၣ်တက့ၢ်.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်နၤဃူၣ် 2:12

ခ့ယုၢ်မၤသံကွံာ်အဆၣ်အီၣ် ဒီးအ့ၣ်ဖှီကွံာ်အီၤဆူအကူးလံာ်ကူးလာ်လၢခ့ယုၢ်မိၢ်ဒီး အဖိတဖၣ်အဂီၢ်လီၤ. မၤပှဲၤဝဲအတဝၢလၢတၢ်ညၣ်လၢအအ့ၣ်ဖှီတ့ၢ်ဝဲန့ၣ်လီၤ.

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

လံာ်စကၤရယၤ 14:2

ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.

လံာ်စကၤရယၤ 9:4

ဘၣ်ဆၣ်ဒီးယွၤကစိာ်ကွံာ်တၢ်ခဲလၢာ်လၢအအိၣ်ဒီးအီၤန့ၣ်လီၤ. ဒီးအဝဲကတ့ၢ်လီၤကွံာ်ဝ့ၢ်န့ၣ်အတၢ်ထူးတၢ်တီၤဆူပီၣ်လဲၣ်ပူၤ, ဒီးမ့ၣ်အူကအီၣ်ကွံာ်ဝ့ၢ်န့ၣ်လီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.